Dokumentuaren akzioak
Albisteak
Nafarroako dantza jantzien erakusketa Fustiñanan
Fustiñanako Barde-Ribera dantza taldeak erakusketa antolatu du Fustiñanako Gizarte Etxean. Bertan, Nafarroako dantzetako jantzien erakusketa eta Fustiñanako paloteadoko argazkiak bildu dituzte. Abenduaren 3tik 10era izango da ikusteko aukera.
Herrien Arteko XV. Folklore Jaialdia Barakaldon
Abenduaren 2tik 4ra, Herrien Arteko XV. Folklore Jaialdian ospatuko da Barakaldo Antzokian. Pontevedra eta Andorrako dantza taldeak izango dira bertan, euskal musika eta dantza taldeekin batera.
Euskal ezpata-dantzak rapper dantzari amerikar baten begietan
Jeremy Carter-Gordon estatu-batuarra Euskal Herrian izan da irailean eta urrian euskal ezpata-dantzak ezagutzen. Frantzian, Italian, Espainian eta Ingalaterran izan da dagoeneko Europako ezpata-dantzak aztertuz egiten ari den bidaian. Bere blogean jasotzen ari da ikusten duenaren berri.
Euskararen alde mugitu... Flashmoba!!
Abenduaren 3an, Euskararen Nazioarteko Eguna ospatzeko, Urkabustaizko dantzari taldeak Flashmob herrikoia antolatu du bere herrian, Izarran.
Memo La Fundicion-en
Memo edozein pertsonaren Oroimenaren Urtebetetze Berezien Sailean gertatzen da, non hiru lagun pertsona horren esperientziak sar daitezen zain dauden eta berorren oroitzapenak eraiki, mantendu eta transmititzeaz arduratzen diren, aldaezin gordetzeko borroka etengabean. Izan ere, segurutik, oroitzapenen halabeharrezko iraungipenaren kontrako borroka hori, alferrekoa eta porrotera seguru doana dela jakin arren, gizaki bezala definitzen gaituenaren muin-muinean dago.
Mintegia: monitoreen hizkuntz prestakuntza
Laguntasuna Kultur Elkarteak eta Sasiburu Euskaldunon Elkarteak elkarlanean, mintegi bat antolatu dugu monitoreen hizkuntz prestakuntza areagotzeko. Bi hitzaldiz osauta dago, eta Barakaldoko San Bizente Auzoko Kultur Etxean burutuko da (Barakaldo). Hitzaldiak honako hauek izango dira:
Dantza Klub: Atalak XII
Datorren abenduaren 1ean, gaueko21.00etan, Victoria Eugeniako Klub Areto goxoan, Dantzaz Konpainiak bere dantzari gazteen koreografia lanak, koreografo lokal baten lanarekin batera aurkeztuko ditu.
Deia Hemendik Kultura Saria jasoko du Mendi Alde dantza taldeak
Santurtziko dantza taldea 50. urteurrena ospatzen ari da, eta mende erdiz egindako lana eskertuz Deia Hemendik Kultura Saria jasoko du datorren azaroaren 12ean.
Busturialdeko dantzari nagusiak Bakion elkartuko dira bihar
Busturialdeko 25. Dantzari Nagusien Jaia ospatuko da azaroaren 19an Bakion. Urtero Busturialdeko herri desberdin batek hartzen du festa, eta aurten Bakion elkartuko dira eskualdeko dantzariak.
2012ko maskaradak bertan behera geratu dira Zuberoan
Gamere-Zihigako gazteek hartua zuten ardura 2012an maskaradak prestatu eta plazaratzeko Zuberoako herrietan, baina gaur jakin denez, Gamere-Zihigan gertakari latz bat izan da, eta horren ondorioz erabaki dute maskaradak urtebetez atzeratzea. 2012an egitekoak ziren maskaradak 2013an egingo dituzte Gamere-Zihigarrek. Ondorioz, gerta liteke 2012an maskaradarik ez izatea Zuberoan.
Dokumentuaren akzioak
