Dokumentuaren akzioak
Albisteak
Dantza eta soziologia uztartzen dituen irakasle baten bila
Madrileko Unibertsitate Europarrak "Dantzaren Zientziak" ikasketak jarri ditu martxan. Datorren urteko ikasturtera begira dantzaren munduarekin lotura duen soziologo bat bilatzen dute, irakasle lanetan aritzeko.
Eskozia eta Kataluniako taldeak Folk Lore 10 jaialdian
Datorren apirilaren 17an eta 18an ospatuko da Iruñean eta Uharten Amaiur dantza taldeak antolatzen duen Folk Lore 10 jaialdia. Aurten Eskoziako EMT Highland Ceilidh Dancers taldea izango dute gonbidatu berezia, eta kataluniatik bastoners eta castellers taldeak ere izango dira jaialdian.
Erromeria eguna Itziarren maiatzaren 1ean
Iaz arrakastatsu gertatu zela eta, aurten ere erromeria eguna antolatu da Itziarren Maiatzaren 1erako. Itziarko Andutz Kultur Taldeak antolatuta musika eta dantza izango dira egun osoz. Bezperan, apirilaren 30ean apaiz-etxean, "Soinu handia erromerian" izenburupean, mahaingurua eta argazki erakusketa antolatu dituzte.
Olatz de Andres eta Projects in Movements La Fundicionen
Datorren apirilaren 17an eta 18an, 20:00etan, Olatz de Andres-en "Da Capo" eta Projects in movement-en "Carlos & Me" lanak eskainiko dira Bilboko La Fundicion aretoan.
Itsasuko kabalkada: Dantzari buruz xehetasun zonbeit
Itsasuko kabalkada. 2007ko agorrilaren 19an emana herriko plazan Kabalkadak Itsasun Kabalkadak lehenago tobera-mustren oroitzapenak dira. Lehenago, senar-emazten arteko gatazkak, alargunen arraezkontzak eta gisa hortako gaiak ziren salatzen plaza betean tobera mustren bidez. Gaiak aldatu dir...
Auritz eta Aezkoako dantzak Andra Mariren webgunean
Urtetan zehar egindako ikerketa lanak haien webgunean argitaratzeari ekin dio Galdakaoko Andra Mari dantza taldeak. Bizkaiko Erromeriari buruzko bideoak erakutsi zizkiguten duela gutxi eta aste honetan Auritz eta Aezkoako dantzen inguruan XX. mendeko 70. hamarkadan egindako landa lanen ondorioak argitaratu dituzte.
Putxerriko satorrak: Haur eta helduentzat antzerki-dantza ikuskizuna
Azkaingo ikastolako 15 gurasok sortu eta Joxelu Berasategiren zuzendaritzapean osatu duten ikusgarria da. Maiatzaren 17an Azkainen estreinatu zen antzezlana, oso harrera beroa izan zuen, aretoa bete jende 500 lagun bildu baitziren. Harrez gero Beran, Kanbon, Urruñan, Garazin, Lazkaon, Donostian emana izan da. Apirilaren 18an BILBOko KAFE ANTZOKIAN eskainiko dute.
Dantza Eskola Nazionala sortzeko asmoa izan zenekoa
Imanol Olaizola elkarrizketatu dute Euskonews aldizkarian. Olaizola, kimikaria eta musikologoa da, eta besteak beste Euskadiko Orkestraren sorreran parte hartu zuen. Bultzatu nahi zuen azpiegituraren bat lortu gabe geratu ote den galdetu dio Jose Mari Velez de Mendizabal-ek eta horra erantzuna: "Bai, Dantza Eskola Naizonala".
Cakewalka ragtimearen garaian: dantza jazzaren hastapenetan
Cakewalk-a jazzaren hastapen garaietako dantza da. XIX. mendearen erdialdean abiatu zen Ameriketako hegoaldean, esklabu beltzen kontzentrazio handiak zeuden lurraldeetan. Bere unerik gorenena XIX. Eta XX. mendeen arteko trantsizioan izango du. Hain zuzen ere, Jazz-aren sorreran garrantzitsua izan zen ragtime musika motarekin lotuta agertuko da cakewalk-a. Azken batean cakewalka dantza da eta ragtimea musika, eta ragtimearen doinura dantzatu ziren hainbat cakewalk bi mendeen arteko trantsizio garaietan.
Folklore Azoka bosgarrenez ospatuko da Portugaleten
Elai-Alai Fundazioak antolatuta, datorren maiatzaren 8an eta 9an ospatuko da Portugaleten V. Folklore Azoka. Musika, dantza, artisauak, tallerrak eta beste hainbat ekitaldi bilduko ditu azokak.
Dokumentuaren akzioak
