Dokumentuaren akzioak
Albisteak
Genevako Company 7273-ren "Romance-s" La Fundicion-en
Beren sortze-lan berrirako, ROMANCE-S, Laurence Yadi eta Nicolas Cantillon nor bere barrura eta isiltasunera bildu dira. Berrogeita bost minutu bestearen inguruan jira-biraka, besteari helduz, gorputz amodiotsu bakar bat osatuz.
Conceptango dantza ikuskizuna Victoria Eugenia Antzokian maiatzaren 29an
Agata elkarteak antolatzen duen Donostiako IX. Tango Jaialdiaren baitan, maiatzaren 29an, Conceptango ikuskizuna eskainiko da Donostiako Victoria Eugenia antzokian, 19:30ean. Tangoaren inguruan antolatutako musika eta dantza ikuskizuna da Conceptango. Argentinako Leo eta Eugeniaren Konpainiak eskainiko du.
Dantzazale eguna eta Urraska liburu-CDaren aurkezpena
2010eko ekainaren 12an, Durangon, Landakon eta Plateruena Kafe Antzokian, Dantzazale Eguna 2010 ospatuko dugu bazkari-erromeriarekin, eta aurten gainera, gure lan berria ere aurkeztuko dugu bertan: “Urraska. Dantza jauziak Sagasetaren bidetik – A New Recording of the Basque Jauziak Dances Collected by Sagaseta”. Aiko Taldeak egin eta Nevada-Renoko (AEB) Eusko Ikaskuntzen Zentroak (Center for Basque Studies) argitaratu duen lan honek hainbat osagai ditu, hots, liburua + Cd bikoitza + DVDa + dantza-pausuen urrastegia.
Leyre Castresanak ere dantzatuko du Euskaldunak eta dantza 5. jaialdian
Euskaldunak eta dantza 5. gala ospatzeko hamar egun baino ez direnean falta, Asociación Bilbao Ballet Elkartea (ABBE) iragartzen du Leyre Castresana bilbotarrak parte hartuko duela jaialdian Dorian Acosta dantzari kanariarrak lagunduta. Jon Ugarrizaren "Irheki" lana eskainiko dute.
Ahora puedes leer dantzan.com en Español
A partir de ahora podrás seguir todas las noticias sobre el mundo de la danza en el País Vasco en Español. Et si vous le préférez, vous pouvez lire toutes les nouvelles sur la danse dans le Pays Basque en Français. From now on, you can follow all the news about dance in the Basque Country in English.
Jesus Eloseguiren bildumaren dantza argazkiak laster sarean
Aranzadi Zientzia Elkarteak eta GureGipuzkoa.netek Jesus Eloseguiren funtseko 16.000 argazkitik gora jarriko ditu denon eskura datozen egunotan. Jesus Elosegui Aranzadiren sortzaileetako bat izan zen eta besteak beste Eresoinkako eta dantzarekin lotutako hainbat argazki daude bilduman.
Jauregitik: Ezpela taldearen ikusgarria
Ezpela taldearen azken sorkuntza, Biarritzeko gare du Midin gaueko Maiatzaren 22an gaueko 21:00etan. Ikusgarri berezi bat, dantza nahasketa handi batean. Kontanporanoa eta tradizionala, musika tziganoak, hip hop a... sorkuntza eder bat. Zatozte ikusgarri eder horren ikustera.
Oskorrirekin Gipuzkoako dantza zahar-berriak dantzatzen ikasteko bideoak
Datorren maiatzaren 23an estreinatuko du Oskorrik prestatzen ari den dantza proiektua. Gipuzkoako doinu zaharrak mutil-dantza eta jauzien urratsekin dantzarazi nahi dituzte, eta dantzak ikasteko bideoak ere prestatu dituzte.
Larrain-dantzaren eguna maiatzaren 22an ospatuko da Lizarran
Lizarrako Ibai Ega dantza taldeak antolatzen duen Larrain-dantzaren X. Eguna izango da aurtengoa. Dagoeneko hasita daude Lizarran ekimen horretan parte hartzeko ensaioak ostiral eta larunbat arratsaldetan. Larrain-dantzaren eguna maiatzaren 22an, arratsaldeko 20.00etan ospatuko da Lizarrako Foruen plazan.
Dantza ikastaroak Hik Hasi 2010 topaketetan
Uztailaren 1, eta 2an egingo dira XI. Hik Hasi Topaketa Pedagogikoak Donostian. Besteen artean, dantzarekin zerikusia duten hiru ikastaro eskainiko dira bertan: "Euskal Dantzak Lehen hezkuntzan", "Biodantza, talde dantza organiko eta kreatiboa" eta "Europako dantzak, haurrentzako dantza ludiko eta integratzaileak".
Dokumentuaren akzioak