Dokumentuaren akzioak
Albisteak
Jauzien eta dantza lotuen ikastaroak Errenterian
Kukai Dantza Konpainiak Ereintza Dantza Taldearekin elkarlanean, bi ikastaro antolatu ditu uztailerako Errenterian. Jauzien inguruko Jose Cazaubon-ekin eta dantza lotuen inguruko Patxi Labordarekin.
Boiseko Oinkari Biriatun
Oinkari Basque Dancers taldea 1960an sortu zen, Boisen, Idahon, hango euskal komunitateko kideei esker. Sei aitzindari etorri ziren Euskal Herrira urte zail haietan, eta dantza batzuk ikasi zituzten eta musika beraien buruan gordeta eraman zuten. Horrela hasi ziren han dantza emanaldiak eskaintzen eta dantza irakasten. Euskal Herrira etortzen ziren bakoitzean dantza eta musika berriak ikasten zituzten. Honen guztiaren ondorioz, 50 urte beranduago, Oinkari Basque Dancers taldean 50 lagun gazte baino gehiago aritzen da dantzan, eta beraiek ikustean harritzen duena da zein dantza bilduma zabala eskaintzen duten eta zer nolako zehaztasunez egiten duten dantza.
Bandera-dantza eta Trapatan Donezteben San Pedro egunez
San Pedro egunez dantzatu dira bandera-dantza eta Trapatan Donezteben urteetako ohiturari jarraituz. Han izan gara festa eta dantzak gertutik ikusten eta bertako folklore aberatsaz gozatzen.
Dantzagune webgunea martxan jarri du EDBk
Euskal Dantzarien Biltzarrak webgune berria sareratu du, Dantzagune izenekoa. Elkarteak burutzen dituen ekintzak eta euskal dantzaren alorreko edukiak sareratzen hasi da webgune berriaren bidez.
Dantzaz konpainiaren Sarritsasoa Lekeition
Lekeitioko Nazioarteko Kale-Antzerki jaialdiak ekoiztuta eta Dantzaz Konpainiarekin elkarlanean Sarritsasoa lana estreinatuko da datozen uztailaren 8 eta 9an Isuntzako hondartzan. Joseba Sarrionandiaren lanetan inspiratutako lana da eta Josu Mujikak prestatu du koreografia.
Gizon-dantza Donostian: tradizioa, alkatea eta bestelakoak
San Joan bezperan Donostiako konstituzio plazan egin ohi den gizon-dantzan Juan Karlos Izagirre alkateak eta udal-batza berriko zinegotziek parte hartzeak oihartzun zabala izan du, eta hainbat kontu idatzi eta esan dira horren harira egunotan. Horietako batzuk bildu eta kontuak argitzen eta zehazten saiatuko gara ondoko lerrootan.
San Pedroetatik Santa Isabeletara dantzan
Bihar, ekainaren 29an, ospatzen da San Pedro eta uztailaren 2an, aldiz, Santa Isabel. San Juanekin eztanda egin du dantza-egutegiak eta datozen egunotan ere hainbat dantza ekitaldi izango dira han eta hemen:
Boiseko Oinkaritarrak Euskal Herrian
Boiseko Oinkari Basque Dancers taldea asteburu honetan helduko da gurera Amuma Says No musika taldearekin batera. Bi taldeek agenda betea izango dute uztailaren 2a eta 11 bitarte luzatuko den egonaldian. Egun horietan zehar bisitatuko dituzte Oinkaritarrek Mungia, Gernika, Iruña, Gasteiz, Añorga, Hendaia eta Galdakao, eta guk, euren dantza eta musika saioekin gozatzeko parada izango dugu.
Txangoan ikuskizun ibiltaria
Datorren uztailaren 4an, arratsaldeko 19:15tatik aurrera, Gaztedi Dantzari Taldeak, “Txangoan” ikuskizun ibiltaria eskainiko du Bilboko Alde Zaharrean. Dantza eta antzerkia uztartzen dituen ikuskizuna eta Euskal Herriko folklorea era berri batean hurbilduko diguna.
Donostiako alkate berria eta zinegotziak gizon-dantzan
San Joan bezperako soka-dantzan parte hartu du Donostiako Udal batzak. Herri askotan parte hartzen dute udal-agintariek aurresku eta soka-dantzetan, baita hiri-buruetan ere: Iñaki Azkuna Bilboko alkateak Begoñan eta Xabier Agirre Arabako Ahaldun Nagusiak Armentian, baina Donostian Alkainen ondotik 30 urte pasa dira eta oihartzun mediatikoa izan du Juan Karlos Izagirrek dantzara itzultzeko asmoak. Horra Kaitxok sarean aurkitu dituen bideo pare bat.
Dokumentuaren akzioak