Edukira salto egin | Salto egin nabigazioara

Tresna pertsonalak
Hemen zaude: Hasiera Albisteak Boiseko Oinkari Biriatun

Dokumentuaren akzioak

Boiseko Oinkari Biriatun

Mutxiko Elkartea
2011/07/01 10:40
Oinkari Basque Dancers taldea 1960an sortu zen, Boisen, Idahon, hango euskal komunitateko kideei esker. Sei aitzindari etorri ziren Euskal Herrira urte zail haietan, eta dantza batzuk ikasi zituzten eta musika beraien buruan gordeta eraman zuten. Horrela hasi ziren han dantza emanaldiak eskaintzen eta dantza irakasten. Euskal Herrira etortzen ziren bakoitzean dantza eta musika berriak ikasten zituzten. Honen guztiaren ondorioz, 50 urte beranduago, Oinkari Basque Dancers taldean 50 lagun gazte baino gehiago aritzen da dantzan, eta beraiek ikustean harritzen duena da zein dantza bilduma zabala eskaintzen duten eta zer nolako zehaztasunez egiten duten dantza.

Oinkari Basque Dancers taldeak New York, Alaska, Kalifornia, Nevada, Argentina, Kanada, eta  Euskal Herrian eskaini ditu emanaldiak. 2010 ko Shanghaiko Expo erakusketa unibertsalean Euskadi ordezkatzera joan zen taldea izan zen Oinkari.  Oinkari taldeak ere, bost urtero ospatzen den eta Estatu Batuetako euskal diasporan erreferentea bihurtu den Jaialdia ospetsua antolatzen aritzen da. Munduan zehar Euskal Herriko enbaxadore izan dira hainbat eta hainbatetan.

Mutxiko Elkartea 2010ko Jaialdira gonbidatutako nazioarteko taldea izan zen. Oinkari Basque Dancers udara honetan Euskal Herrira datoz, eta urteetan zehar Jaialdin partu hartu duten euskal taldeei bisita egingo diete. 

Atseginez hartu dugu Oinkarikoak Hendaiara etorri eta bertan emanaldi bat egiteko proposamena egin izana. Azkenean, antolakuntza arazoengatik, Biriatuko Xoldon izango da ikuskizuna, baina ororen buru Oinkari ikusteko aukera paregabea izango dugu. Mutxiko Elkarteak ere parte hartuko du emanaldian. Festa bukatzeko Boiseko Amuma says no taldeak animaturik euskal-amerikar moduko erromeria egingo da; azken talde honetako kideak Oinkarikoak eta Oinkarien lagunak dira.

Animatu zaitezte eta etorri. Eskerrrik asko.

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.