Edukira salto egin | Salto egin nabigazioara

Tresna pertsonalak
Hemen zaude: Hasiera › Komunitatea › Kuarrenta › Matilda Makejoy, erregetxeetan dantzatzea ogibide zuen emakumea

Dokumentuaren akzioak

Matilda Makejoy, erregetxeetan dantzatzea ogibide zuen emakumea

Kuarrenta Kuarrenta
2021/11/29 08:00
Matilda Makejoy, erregetxeetan dantzatzea ogibide zuen emakumea

Ingalaterrako gortean dantzan aritzen zen Matilda Makejoy; Gorteetako ospakizunak alaitzea zen bere gisako dantzarien lana Erdi Aroan. Musikaren erritmoan eginiko urratsez gain, figura gimnastikoak, jauziak eta zilipurdiak egin ohi zituzten; pilota, kanpai, makila edota aiztoak ere erabili ohi zituzten beren ikuskizunetan.

XIV. mendeko emakume artista
XIV. mendeko emakume artista baten irudikapena, Liburutegu Britanikoa, MS Royal 10 E iv, f. 58.

Matilda Makejoy oso gaztetatik hasi zen entrenatzen, eta neskatoa zela hasi zen dantzan Ingalaterrako Gortean. 1296an, 13 urte besterik ez zituela, Eduardo printzipearen aurrean dantzatu zen; gero Eduardo II erregea izango zena. Emanaldiagatik bi txelin kobratu zituen. Aparteko ordaina, kontuan hartuta garai hartan ez zela oso ohikoa diruaren truke emakumeek dantza egitea. 1306an Eduardo II errege izendatu zuten festan ere dantzatu zuen, eta jasota dago 1311. urtean ere oraindik Ingalaterrako erregearentzat dantzatzen zuela.

Dantzari akrobata
Dantzaria izaki mitologikoekin, XIV. mendea, Battle Abadiako manuskritua, Liburutegi Britanikoa.

Gisa honetako dantzariek jantzi arinak, erosoak eta kolore askotarikoak erabiltzen zituzten; beren gorputzaren formak ezkutatzen ez zituztenak. Elizak begiz jo zituen emakume dantzari hauek eta beraien jarduna salatu zuten prostituzioan aritzea egotzita. Elizak onartzen ez bazituen ere, nobleziarentzat eta, orokorrean, komunitatearentzat abeslari, musikari eta artistak ziren. Emakume dantzari horietako askok bidaia ugari egin zituzten eta gorteetako kideen artean oso errespetatuak eta miretsiak ziren.

Informazioa: Matilda Makejoy (Swabyan Fool)

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.