Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Kuarrenta Zer programa zuen euskal dantza jaialdi batek orain 50 urte?

Dokumentuaren akzioak

Zer programa zuen euskal dantza jaialdi batek orain 50 urte?

2021/04/21 08:05
Zer programa zuen euskal dantza jaialdi batek orain 50 urte?

Beasain, 1971, Loinaz festetako programaren azaleko argazkia.

20 taldetik gora eta garaiko hainbat talde entzutetsu tartean bildu ziren Beasainen: Argia (Donostia), Dindirri (Bilbo), Oldarki (Gasteiz), Oldarra (Biarritz), Oberena (Iruñea), Gaztedi (Bilbo), Udaberri (Tolosa), Txanpa (Ondarroa),... Igandea, 1971ko maiatzaren 30a zen. Loinazko San Martin festak ospatzen ziren. Aurreko astelehenean, 24an, ohiturari jarraituz prozesioa egin zen Loinazko San Martinera, eta jai egitarauak aipatzen ez badu ere ezpata-dantzariak ez ziren urruti izango.

Beasain, 1971: dantza jaialdi baten programa

Asteartean umeen aurreskua iragarri zuen programak, eta jaietako bigarren asteburuan, Ez Dok Amairuk Baga-biga-higa ikuskizuna eskaini zuen Usurbe antzokian eta igandean, maiatzaren 30ean, euskal dantza taldeen jaialdiak hartu zituen Beasaingo kaleak eta plazak. Arratsaldean emanaldi nagusia Loinazko zelaian eskaini zen eta talde bakoitzak eskaini zuen dantzaren berri ere jasotzen du programak. Horra bat orain 50 urteko euskal dantza jaialdi baten programa, dantzen izenak jatorrizkoan dauden moduan idatzita:

  • Kezka (Eibar)............................. Kaskarrot
  • Erketz (Lasarte)......................... Neska-dantza Jaurrieta
  • Amets-bide (Ordizia).................. Esku-dantza
  • Argia (Donostia)......................... Soka-dantza
  • Oin-Arin (Lazkao)....................... Pello Josepe
  • Lantzale (Gasteiz)..................... Neska-Mutilak
  • Ondar-beltz (Deba).................... Zortziko 
  • Udaberri (Tolosa)...................... Danza de Laguardia
  • Laguntasuna (Barakaldo).......... S. Miguel de Arretsinaga
  • Alkartasuna (Pasai-Donibane)... Uztai-dantza
  • M. de Tudela (Tutera)................ Danza de Valcarlos
  • Oberena (Iruñea)....................... Danza de Ochagavia
  • Beti-bizkor (Igorre)...................... Zinta-dantza
  • Goia-berri (Bilbo)........................ Ezpatantza vizcaina
  • Oldarra (Biarritz)......................... Mascarada Suletina
  • Dindirri (Bilbo)............................ Txakarrankua
  • Oldarki (Gasteiz)........................ Arku-dantza
  • Txanpa (Ondarroa)..................... Kaisarranka de Lequeitio
  • Umandia (Aiara).......................... Berzijana
  • Gaztedi (Bilbo)............................ Makil-dantza

Beasain 1971 Loinaz festak programa 014 dantza-jaialdia
Beasainen, 1971eko Loinaz festetan, euskal dantza jaialdian parte hartu zuten taldeen zerrenda jaietako programan.

Dantza taldeez gain 160 txistularik osatutako talde erraldoiak parte hartu zuen eta jaialdia bukatzeko ikurrin-dantza egin zuten talde guztiek elkarrekin, eta erromeria ospatu zen Beasaingo kaleetan. Jai programa oparoa hamar egun lehenago hasita zegoen eta, hain zuzen, maiatzaren 20an Goizaldi dantza taldeak eskaini zuen dantza emanaldia San Martin Loinaz eskolaren jolastokian.

Gero eta dokumentazio gehiago dago digitalizatuta sarean, eta oraingoan Beasaingo udalaren webgunean eskura dauden jaietako programak baliatu ditugu garai bateko argazkia, euskal dantza bizi-bizi eta oparo ageri zen garaiaren argazkia eskaintzen digun zundaketa hau egiteko.

Iturria: Beasain. Fiestas 1971 (pdf, 13 Mb)

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.