Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Kezka dantza taldea Korrotik pikutara, dantzaren historia dantzan

Dokumentuaren akzioak

Korrotik pikutara, dantzaren historia dantzan

Korrotik pikutara, dantzaren historia dantzan

Euskal Jaiko dantza jaialdian joko duten musikariak, ezkerretik eskumara: Jose Miguel Laskurain, Iraide Ansorena, Quico Puges, Gari Otamendi, Adolfo Jainaga eta Unai Narbaiza.

Erromerietako dantzen historia-dantzatu bat, dantza-emanaldi didaktiko bat eskainiko du Kezka dantza taldeak. Korroan, borobilean hasi eta soka-dantza, ingurutxo, kontra-dantza eta bikote dantzetatik pasa ondoren, soltean, bakarka eta noraezean edo pikutan bukatuko dugu. Dantzaren historia honen ideia Juan Antonio Urbeltzi zor diogu, soka-dantzaren historia azaltzerakoan aurkeztu baitzuen gure dantzen bilakaera zentrifugo hau. Dantzaren historia dantzan jarriko du Kezka dantza taldeak, aldi berean pedagogikoa eta entretenigarria izan nahi duen dantza emanaldian. 

Aurreskuan Akondian 2021
Aurresku Akondian, Kezka dantza taldea, 2021-04-18. Argazkia: Fernando Retolaza.

Musikariak eta dantzariak

Kezka dantza taldeko dantzariek beren gorputzak dantzan jarriz irudikatuko dituzte dantzarien historia honen atalak eta musikari talde honek jarriko du soinu-banda: Jose Migel Laskurainek joko du txistua, Adolfo Jainagak trikitixa, Quico Pugesek biolontxeloa, Gari Otamendik biolina, Iraide Ansorenak perkusioak eta Unai Narbaizak panderoak. Dantzariak berriz honakoak izango dira: Jone Lahidalga, Ane Muguruza, Luken Aranburu, Maider Altzibar, Uxue Gisasola, Oier Araolaza, Ainhoa Larrañaga, Unai Txurruka, Irune Saez, Jone Saez, Izar Araolaza, Jone Amuategi, Maite Gonzalez, Oihane Llorente, Julene Usobiaga eta Josu Garate.

Euskal Jaia Dantzan, Korrotik Pikutara, Kezka dantza taldea, Coliseo Antzokia, Eibar, 2021-05-30.

Pandemia-garaiko bigarren Euskal Jaia ospatuko dugu 2021eko maiatzaren azken asteburuan. Dantzak eta musikak bete ohi dituzte Eibarko kale eta plazak Euskal Jaiko igandean, eta aurten ere izango dira dantza eta musika baina batez ere Coliseo antzokian. Maiatzaren 30ean, igandean, eguerdiko 12:00etan, Euskal Jaia dantzan, korrotik pikutara jaialdia ospatuko dugu Coliseo antzokian. Sarrerak dohain izango dira eta Coliseoko takillan eskuratu daitezke maiatzaren 17tik aurrera.

Euskal Jaia dantzan, korrotik pikutara

  • Data: 2021eko maiatzaren 30a, igandea, 12:00etan
  • Tokia: Coliseo antzokia, Eibar.
  • Sarrerak: Dohain. Coliseoko takillan (Errebal kalea, Eibar) edo Kutxabanken.

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Kezka dantza taldea

Kezka dantza taldea

Herrian bertan egiten diren festak, erritoak eta dantza ekitaldiak ditu Eibarko Kezka dantza taldeak bere lehentasun nagusia. 1958an Eibarko Klub Deportiboaren baitan sortutako dantza taldeak inauterietan koko-dantzekin abiatu ohi du urtea, eta Santa Kurutzetan, San Joanetan, San Andresetan eta bere burua akonfesionaltzat duen herriko santoral egutegiko festa guztietan dagokion dantzaz arduratzen dira Kezkako dantzariak.

 Valladolideko Gure Txoko euskal etxeak gonbidatuta Arrateko ezpata-dantza eta trokeo dantzak aurkeztu genituen 2015eko irailaren 26-27ko asteburuan Gaztela Leongo hiriburuan. Euskal Jaia ospatzen zela eta, bertako euskaldunen gonbidapena jaso ostean, 27 pertsonako taldea osatu genuen Kezkako dantza...

Arrateko santutegian ezpata-dantza eskaini ohi du urtero irailaren 8an, tradizioak eguneratu eta antzokia eta plazaren arteko lotura egiteko ahaleginean, Argia dantzari taldeak eszenatokian egindakoaren ordaina plazan errotzeko konspiratuz.

Koko-dantzak 2014: taldeko argazkia

2008an York-en, Ingalaterran, ospatu zen Sword Spectacular, munduko ezpata-dantzen jaialdi handienean euskal ezpata-dantzen ordezkaritza gorpuztu zuen: zahar-itxuran aurkeztutako ezpata-dantza nazioarteko ezpata-dantzen adituei irentsaraziz, ontsa plajiatzeko metodoa aplikatzen denean sorkuntza eta tradizioa txanpon beraren aldeak baitira.

 2015eko maiatzaren 30ean eta 31n ospatu zen Ezpalak jaialdia Eibarren eta Iruñean.  Nafarroako jaialdiaren kronika  orain bi hilabete argitaratuta, Eibarkoa genuen zorretan eta hemen gatoz berarekin. Soka-dantzak izan ditugu ardatz Ezpalak jaialdiaren 10. ekitaldian (Eibarren, 9. Iruñean), eskuz ...

Iruñeko Duguna taldearekin elkarlanean Ezpalak dantza tradizionalaren nazioarteko jaialdia antolatzen du Kezkak, euskaldunok zilborra dugula munduari erakutsiz, eta euskaldunoi munduko zilbor guztiak enbor berera lotuta ditugula iradokiz.

Argazkia: Fernando Retolaza

1990. urtean Elgoibarko Haritz dantzari taldearen eskutik Donostiako Argia taldea ezagutzeko zorteak dantzari buruzko etengabeko ikasketan murgiltzera eraman du Eibarko taldea, inoiz bukatzen ez den ikasketa sorgi-gurpilean jira-biran dantzan aritzeko zorionera kondenatuta.



Kezka Dantza Taldea
Portalea Kultur Etxea
Bista Eder kalea
20600 Eibar
Tfnoa: +34 605 71 14 29
kezka@dantzan.com