Orain arteko ekarpenak
Asier Zabaletak Next In Line estreinatu du Cheliabinsk-en
2010/04/28
Asier Zabaleta koreografoa Intradance ekimenean parte hartzeko hautatua izan den bost koreografo europarretako bat da. Proiektu zabala da, dantza garaikidea ardatz duena, eta Errusia eta Europako Batasunaren artean koprodukzioak bideratuko dituena. Olga Pona koreografoak Asier Zabaleta hautatu du Cheliabinsk talde errusiarreko dantzariekin proiektu berria sortzeko eta aste honetan estreinatu du bere lana Errusian.
Dantzaren Nazioarteko Eguna: dantza han eta hemen
2010/04/28
Apirilaren 29an ospatzen da Dantzaren Nazioarteko Eguna eta ohi denez dantza ekitaldiak, emanaldiak, dantzaldiak, hitzaldiak, ikuskizunak, eta abarrekoak antolatzen dira han eta hemen. Hona hemen horietako batzuk:
Matt Harding, Bizkaia dubidubi eta Dancing in the Basque Country
2010/04/26
Matt Harding-en arrakasta hainbat lagun eraman ditu bere eredua kopiatzera, batzuk bidaiatzearen aitzakian, eta beste batzuk beren herria ezagutzera emateko. Olatz-ek Bizkaia ezagutzera eman nahi izan zuen modu horretara eta orain Iñakik Euskal Herriko txoko desberdinak erakutsi nahi ditu, dantza xelebrearen bidez.
Euskal Herriko Dantzari Eguna 2010 Baionan
2010/04/26
Datorren maiatzaren 2an ospatuko da Baionan Euskal Herriko Dantzari Eguna. Euskal Dantzarien Biltzarrak prestatu duen egitarauan hiru egunez, apirilaren 30ean, maiatzaren 1 eta 2an izango dira ekitaldiak. Hona 2010eko Dantzari Eguneko programa.
Greziako dantzen ikastaroa Beiren
2010/04/23
Nafarroan, Olite ondoan dagoen Beire herrian eskainiko da Ainara munduko dantzen elkarteak Greziako dantzen inguruan antolatu duen ikastaro hau. Maiatzaren 7tik 9ra izango da ikastaroa, eta Vangelis Dimoudis eta Jarito Jaritonidis izango dira irakasleak.
Bizkaiko Dantzari Eguna 2010 Sondikan maiatzaren 16an
2010/04/22
Bizkaiko Dantzari Eguna maiatzaren 16an ospatuko da, Sondikan, eta dagoeneko Bizkaiko Dantzarien Biltzarrak prest ditu Bizkaiko dantzarien festako egitarau eta abarrekoak.
Aurtengo azken maskaradak igande honetan Larrainen
2010/04/21
2010eko azken maskaradak emango dira apirilaren 25ean Larrainen. Urtarrilean hasi zirenetik igandez igande, herriz herri hamalau emanaldi eskaini dituzte Larraineko gazteek zuberoan barrena. Lehen emanaldia bezala, Larrainen bertan eskainiko dute azken saioa.
Dantza EHUren Artea eta Kultura ikastaroetan
2010/04/21
Euskal Herriko Unibertsitateak antolatzen dituen Bilbao Arte eta Kultura uda ikastaroetan bi dantza ikastaro izango dira aurten. Batetik, Mal Pelo konpainiako Maria Muñoz-ek eskainiko duen dantza garaikide ikastaroa, eta bestetik, Soka proiektuaren inguruan Pantxika Telleriak emango duena.
Nafarroaren Eguna dantzaz beteta dator ohi bezala
2010/04/20
Datorren apirilaren 25ean ospatuko da Baigorrin Nafarroaren Eguna. Dantza osagai garrantzitsua izaten da Nafarroaren Egunean, eta aurten ere hainbat dantza ekitaldi aurreikusi dira: Bera, Fustiñana, Zangotza eta Ibarrako dantza taldeak, dantza-jauziak goiz eta arratsaldez, larrain-dantza e.a.
Olatu talka dantzaz beteta dator
2010/04/19
Datorren asteburuan, apirilaren 23tik 25era, Olatu Talka izeneko jaialdi berezia ospatuko da Donostian. Jaialdia osatzen duten osagaiak herritarrek proposatu eta bultzatu dituzte, horixe du jaialdiak ezaugarri bereziena. Hainbat dantza ekitaldi izango dira tartean.
Orain arteko erantzunak
Dantzan on San Bartolome de la Torre: Danza de las espadas
2014/12/06
Mila esker zuzenketarengatik Mikel! Ezpata-dantzako toki zehatzetan aritzen diren dantzarien izenak interesgarriak dira hemengoekin konparatzeko. Hemengo ezpata-dantzetan "guion" izendapena agertzen zaigu tarteka (Legazpin), edo maisu-zaharra ere bai (Xemeinen). Rabeoador-ik ez, baina hemen ezpata txikiekin aritzen direnei "azkendariak" esan izan zaie (taldearen bukaeran joaten direlako normalean).
Dantzan.com on Iruñerriko hirugarren Euskal Jaia maiatzaren 17an izanen da
2014/05/05
Eskerrikasko Aritz. Zuzendu dugu.
Dantzan.com on Goizueta: Inauteriak 1991
2014/02/26
Ttipi-Ttapan irakurri dugunez, pasa den larunbatean, garai batean zagi-dantza nola egiten zuten erakusten ibili da Joxe Mari Narbarte Goizuetako gazteei. Gaztetan dantza egindakoa da Joxe Mari Narbarte, eta bere esanetan oraingo gazteek oso desberdin dantzatzen dute eta beraiek nola egiten zuten erakusten aritu zaie.
https://erran.eus/goizueta/[…]eska-mutikoek-gazte-txokoan
https://erran.eus/goizueta/[…]eska-mutikoek-gazte-txokoan
Dantzan.com on Raices 14 - Ordizia: brokel-dantza 1973
2014/02/25
Jose Ignazio Ansorenak bideo honi buruzko hainbat argibide emanez idatzi digu. Berak txistulari gisan parte hartu zuela grabazioan eta 1973. urtean izan zela. Parte hartu zuten dantzarietako batzuren izenak ere eman dizkigu. Hona bere mezua: "Egia da KRESALA Taldeak grabatu zuela, 1973ean. Neu ere tarteko, oraindik ikasle besterik ez banintz ere, txistulari gisan. Baina besterik ezean... Nirekin batera aritu zen atabalaria, Pello Cuesta. Ongi gogoratzen naiz lekua nolakoa zen, baserri eder baten ondoan eta Ordizia herritik ez oso urruti, ez ordea, nola iristen zen ezta zein izen zuen ere. Mikelek aipatzen duen kontua, Goierri taldeari eskaini zitzaiola eta uko egin zuela, izan liteke oso garaiko kontua delako. Baina guk ez genuen horren berririk izan. Dantzariak hauek dira: Xabier eta Iñigo Arregi anaiak (hau orain pare bat urte hila), Iñaki Olano, Aitor Aizpurua, Xabier Sagastibeltza, Jose Ignazio San Jose, Leixa, Víctor Casín, Hippie, eta Xabier Otaegi, Txirri".
Dantzan.com on Dantza sustatzeko Jaurlaritzaren 2013ko diru-laguntzak
2014/02/14
2014ko otsailaren 14an ebazpen honen zuzenketa bat argitaratu da Euskal Herriko Agintaritza Aldizkarian. Sorkuntza koreografikoa alorreko diru-laguntzen zerrenda aldatu da, eta beraz, azken zerrenda honakoa da:
- Judith Argomaniz Jimenez: Hooked
- Idurre Azkue Iruretagoiena: Bailar por bailar (es tontería?)
- Amparo Badiola Mazariegos: Palabras invisibles
- David Guerra Garcia: Outline
- Ziomara Hormaetxe Fernández: Symbiosis
- Maria Ibarretxe del Val: Pink flamencos
- Izaskun Lapaza Rodriguez: Fase tres
- Atxarte Lopez de Munain: Konstruktoen teoria
- Maria Martín Escudero: Re en sol mayor
- Judith Argomaniz Jimenez: Hooked
- Idurre Azkue Iruretagoiena: Bailar por bailar (es tontería?)
- Amparo Badiola Mazariegos: Palabras invisibles
- David Guerra Garcia: Outline
- Ziomara Hormaetxe Fernández: Symbiosis
- Maria Ibarretxe del Val: Pink flamencos
- Izaskun Lapaza Rodriguez: Fase tres
- Atxarte Lopez de Munain: Konstruktoen teoria
- Maria Martín Escudero: Re en sol mayor
Dantzan.com on Inauteriak 2014 oinarrizko egutegia
2014/02/09
Aipatu data egutegian sartu dugu jada, mila esker.
Dantzan.com on Inauteriak 2014 oinarrizko egutegia
2014/02/08
Mila esker abixatzearren, atxikitu dugu egutegira.
