Orain arteko ekarpenak
Olaeta balletak bi emanaldi eskainiko ditu maiatzean
2011/04/27
Datorren maiatzaren 14an lehenik eta 29an bigarrengoz Olaeta Balletak emanaldiak eskainiko ditu. Lehena Tafallan, bigarrena, aldiz, Biarritzen. Bietan, Olaeta Balletak elkarteak ballet klasikoa eta euskal folklorea uztartuko ditu. Biarritzen, ordea, ez da bakarrik arituko, bertako Oldarra Balletarekin batera taularatuko baita.
Jon Zamalloa "Txistu" hil da
2011/04/26
Euskal musika eta dantza alorrean, Andra Mari dantzari taldearen eskutik, ibilbide paregabe egin duen musikaria hil da. 56 urte zituela hil da Jon Zamalloa "Txistu". Hiletak asteazkenean, apirilak 27, arratsaldeko 19:00etan Galdakaoko Santa Maria parrokian egingo dira.
Euskal Herriko dantzari eguna 2011, egitaraua
2011/04/23
Aurten Erandion izango da Euskal Herriko dantzari eguna. Maiatzaren 1ean bilduko dira Euskal Herriko txoko ezberdinetako dantzariak herri bizkaitarrean eta Euskal Dantzarien Biltzarrak egitarau potoloa prestatu du egun horren harira eta egun horretarako.
Luzaideko ddantzak liburua aurkeztuko da igandean Luzaiden
2011/04/22
Igande honetan, Pazko igandez, Migel Angel Sagasetak "Luzaideko ddantzak" liburua aurkeztu eta salgai jarriko du Luzaiden bertan. Egun horretan ospatzen da Bolant eguna herrian eta horrez gain, Jauzien inguruko azterketa liburu hau denon eskura egongo da.
Kabalkadak Luzaide, Izpura eta Baigorrin Pazko igandez
2011/04/20
Igande honetan, apirilaren 24ean, Pazko igandea ospatzen da. Egun hau aitzaki kabalkada ezberdinak ikusteko aukera izango da Luzaide, Izpura eta Baigorrin. Luzaiden aski ezagunak diren bolantak, Izpuran bertako kabalkaden hogeita hamargarren urteurrena eta Baigorrin Nafarroako eguna ospatuko dira besteak beste.
Dantza argazki eder gehiago GureGipuzkoan
2011/04/19
GureGipuzkoa etengabe ari da argazkiak jasotzen eta sareratzen, eta dagoeneko izugarrizko altxorra du denon eskura. 125.000 argazki baino gehiago sareratu dira dagoeneko GureGipuzkoaren bidez, eta horien artean dantzaren inguruko argazki eder pila ikusi daitezke.
Dantzan Ikasiren eskaintza berria: Ingurutxoak, haur folklorea, dantza eta musika
2011/04/19
Ikastaro eskaintza berria prestatu du Dantzan Ikasik. Ingurutxoak, haur folklorea eta dantza eta musika nola uztartu lantzeko aukera izango da maiatza eta uztaila bitartean eskainiko diren ikastaroetan.
Janet Novas-en ikastaroa Dantzagunean
2011/04/18
Maiatzaren 7 eta 8an, Janet Novas dantzari eta koreografoak ikastaroa eskainiko du Donostiako Dantzagunean, Artelekun. Larunbatean zein igandean 10:00etan hasi eta 14:00etan bukatuko den tailerrean Janet Novasek bere dantza ibilbidean sortu zaizkion galderei erantzun nahian berak asmatutako erantzunak, dantzarako lan metodologiak, proposatuko ditu.
Nafarroaren eguneko dantza eskaintza
2011/04/18
Datorren igandean, apirilaren 24ean, Nafarroaren eguna ospatuko da urtero legez Baigorrin. Ekitaldi ugari antolatzen dira egun horretarako, eta egitarauaren barruan, noski, ezin dantza falta.
Kabalkada, dantzaldiak... aukera andana izango da egun horretan dantzaz gozatzeko. Hemen dakarkizuegu Nafarroaren eguneko dantza egitaraua.
Folk Lore jaialdia 2011 Iruñea eta Uharten
2011/04/15
1996an hasita urtero antolatzen dabil Amaiur Dantza taldea "Folk Lore" jaialdia. Aurten, Folk Lore jaialdi hori apirilaren 16 eta 17ko asteburuan ospatuko da, Iruñean eta Uharten. Euskal Herria eta Kataluniako taldeek hartuko dute parte aurtengo jaialdian.
Orain arteko erantzunak
Dantzan on Euskal dantza tradizionala baztertu du berriz (2017) Etxeparek
2017/07/28
2017ko uztailaren 27an, Euskal Herriko Buletin Ofizialean publikatu da Etxepare Institutuak "artea, musika eta dantza euskararen eremu geografikotik kanpo zabaltzeko" diru-laguntzarako partidan, 10.000 euro gehiago jarriko dituela.
Dantzan on Plazako dantza aberasten: ingurutxoak eta kontra-dantzak
2017/01/16
Kaixo Goizane,
Guk froga egin dugu, eta prezio diferentzia euskarazko eta espainolezko orrien artean dago. Ziurrenik akatsen bat izango da. Guk dugun informazioaren arabera, 45€-koa da Kutxako bezeroentzako prezioa. Nolanahi ere, bide zuzenena Kutxa Kultur Gelakoekin argitzea izango da. Hemen duzu beren webgunean daukaten telefono-zenbakia: 900 44 55 66
Eskerrik asko zure ohar zorrotz eta zehatzagatik.
Guk froga egin dugu, eta prezio diferentzia euskarazko eta espainolezko orrien artean dago. Ziurrenik akatsen bat izango da. Guk dugun informazioaren arabera, 45€-koa da Kutxako bezeroentzako prezioa. Nolanahi ere, bide zuzenena Kutxa Kultur Gelakoekin argitzea izango da. Hemen duzu beren webgunean daukaten telefono-zenbakia: 900 44 55 66
Eskerrik asko zure ohar zorrotz eta zehatzagatik.
Dantzan on Horra, horra, gure Olentzero!
2016/12/29
Bai, halaxe da Elur, twitterren aritu ziren horretaz hizketan Gari Garaialde eta Leire Narbaiza: https://twitter.com/GariGaraialde/status/811528317388124160
Dantzan on "Euskal dantza: tradiziotik sorkuntzara" ikasketa osagarriak eskainiko ditu EHUk
2016/11/03
Baiezkoan gaude Endika, baina onena unibertsitatera deitzea duzu, EHUk berak antolatzen baitu. Hemen duzu telefonoa: http://www.ehu.eus/eu/web/complementarios/euskal-dantza
Dantzan on "Euskal dantza: tradiziotik sorkuntzara" ikasketa osagarriak eskainiko ditu EHUk
2016/10/11
Egun on Arkaitz! EHUren webgunean, "ohiko galderak" atalean, klaseak "lauretatik zazpietara" izango direla jartzen du, baina antolatzaileek esan digute ordutegia ez dela definitiboa oraindik.
Dantzan on Baionatik Bilbora, dantza ekitaldiak hiriburuetako festetan
2016/07/29
Eskerrik asko! Gehitu dugu.
Dantzan on Emakume eta gizonezkoek elkarrekin dantzatu dute Mairuaren Alardeko trokeo-dantzetan
2016/07/28
Eskerrik asko Ion. Arrazoi duzu, guk ere badugu gogoan neskak dantzan ikusi izana 2009 urtea baino lehen. Zuzendu dugu testua.
Dantzan on Lasa 1950 Dantza-jauziak
2016/04/20
Xabier Itzainari helarazi diogu Patxi Monteron galdera, eta honako hau erantzun digu:
"Patxiren galdera, alabainan, garrantzitusa da, eta neke zaut erantzutea. Ene gostuko, dantzatzeko manera hori, indartsua eta elegantea, nun dantzariak ez diren berdin ari bainan bai elgarrekin, joan da dantzari horiekin eta berekin zeramaten munduarekin. Nik orain dela 15-20 bat urte ikusi izan dut, tokian tokika, izpiritu horren orroitzapen zerbeit, eta orduko dantzariekin ere ainitz ikasi dut. Gertatzen ahal zen besta berrietako bezpera ondo batez, edo zikiro batetik landa, edo pilota partida batetarik landa presuna batzu berotzea eta lotzea, batez ere Lapurdi barnekalde eta Baxenabarren, bainan behar zen untsa gertatu!
Gaur egun zertan den? Egia erran, ez naiz gehiago biziki plazaz-plaza ibiltzen eta ez dakit sobera gauzak zertan diren. Jauziak ainitz emaiten direla, hori segur, bainan nola emaiten diren, hori besterik da. Tokian tokika behar litaike behatu. Gure heinean entseatzen gira “izpiritu” horren beiratzen gure xokoan (Itsasu eta inguruetan), bainan zaila da, gazte ainitzentzat jauziak ez beitira baitezpada dantza erakargarriak. Dantza erretxak bezala ikusten dituzte jauziak, Lasako bideoak alderantzizkoa diolarik ene ustez.
Hurbilagotik behatu behar beraz"
"Patxiren galdera, alabainan, garrantzitusa da, eta neke zaut erantzutea. Ene gostuko, dantzatzeko manera hori, indartsua eta elegantea, nun dantzariak ez diren berdin ari bainan bai elgarrekin, joan da dantzari horiekin eta berekin zeramaten munduarekin. Nik orain dela 15-20 bat urte ikusi izan dut, tokian tokika, izpiritu horren orroitzapen zerbeit, eta orduko dantzariekin ere ainitz ikasi dut. Gertatzen ahal zen besta berrietako bezpera ondo batez, edo zikiro batetik landa, edo pilota partida batetarik landa presuna batzu berotzea eta lotzea, batez ere Lapurdi barnekalde eta Baxenabarren, bainan behar zen untsa gertatu!
Gaur egun zertan den? Egia erran, ez naiz gehiago biziki plazaz-plaza ibiltzen eta ez dakit sobera gauzak zertan diren. Jauziak ainitz emaiten direla, hori segur, bainan nola emaiten diren, hori besterik da. Tokian tokika behar litaike behatu. Gure heinean entseatzen gira “izpiritu” horren beiratzen gure xokoan (Itsasu eta inguruetan), bainan zaila da, gazte ainitzentzat jauziak ez beitira baitezpada dantza erakargarriak. Dantza erretxak bezala ikusten dituzte jauziak, Lasako bideoak alderantzizkoa diolarik ene ustez.
Hurbilagotik behatu behar beraz"
