Orain arteko ekarpenak
Hamar urte Egunkaria itxi zutela
2013/02/20
Gaur hamar Euskaldunon Egunkaria itxi egin zuen Guardia Zibilak eta berarekin eraman zituen luzaroan euskarazko egunkari bakarra izan zenaren artxibo digitalak, ordenagailu eta zerbitzariak. Zazpi urte geroago, sententziak esan zuen Euskaldunon Egunkaria eta bere arduradunak errugabeak zirela eta ez zegoela inolako arrazoirik Egunkaria ixteko. Euskaldunon Egunkariak iraun zuen 13 urteetan dantzari buruzko hainbat artikulu argitaratu ziren bertan eta horietako batzuk dantzan.com-en hemerotekan ditugu.
Zuberoako dantzaren teknikaz eta jatorriaz
2013/02/19
Jon Iruretagoienak zenbait hitzaldi eskaini ditu azken aldian Zuberoako dantzaren historiaz, teknikaren bilakaeraz eta dantzakera horren zenbait ezaugarriren jatorriaz. Urtarrilean Zuberoan bertan, Idauze-Mendin izan da Mauleko Herriko-Etxeko Kultur batzordeak antolatutako ekitaldian, eta hitzaldi horien inguruan elkarrizketatu dute Xiberoko Botzan. Hemen elkarrizketen audioak:
Anguiano dantzak: trikimakoak baino zerbait gehiago
2013/02/18
Trikimakoekin edo hankapaloekin, aldapan behera eta jira-biraka egiten duten jaitsiera ero eta arriskutsuak mundu osoan ezagutzera eman ditu Anguianoko dantzak. Baina Errioxako herri honetan, trikimakoen dantza trokeo-dantza errepertorio zahar eta aberats baten zati bat baino ez da. Errioxako gobernuak dantza guztiak grabatu eta sareratu ditu modu dotorean.
Dantzaren balioak irakaskuntzan aztertu ditu Nerea Muruamendiaraz-ek
2013/02/15
Musika Pedagogian lizentziatua, dantza tradizionalak irakaskuntzan duen tokia aztertu du Bartzelonako Unibertsitatean defendatu duen doktorego tesian. EHU-Donostiako Orfeoa saria eman diote ikerketa lan horri eta Euskadi Irratian elkarrizketatu dute, Arratsaldekoa saioan. Hemen elkarrizketa osorik entzungai:
Viktoria Eugenia antzokia, dantzaz betetako 100 urte
2013/02/14
Donostiako Viktoria Eugenia antzokiak mendea bete du 2012an eta hainbat ekitaldi egin dituzte hori gogoan hartuta. Antzokiaren historiari begiratu bat eskaintzen dion webgunea ere prestatu dute eta dantzak antzokiarekin izandako harreman estua nabarmendu daiteke bertan.
Dantzari beteranoen taldeak, dantzaz gozatzen jarraitzeko aukerak
2013/02/13
Orain egun batzuk irakurri dugu Oberena dantza taldean dantzari ohien taldea sortu dela. Azken urteotan talde askotan sortu dira dantzari-beteranoen eta dantzari ohien taldeak, eta goranzko joera duen fenomeno bat dela dirudi.
Eszenika egiteko lanak bertan behera geratu dira
2013/02/12
Arte Eszenikoen Goi Mailako Eskola izatekoa zen Ezsenika, Eusko Jaurlaritzaren Hezkuntza Sailak Bilbon ezartzeko asmoa zuen zentroa, baina oraingoz ez da gauzatuko. 2012an ireki behar zituen ateak, baina hainbat atzerapen eta arazoren ondoren, etenda zeuden lanak, eta gaurko EHAAn argitaratu da espedientian atzera egiten dela egindako kontratatzioak indarrik gabe utziz.
Garai bateko inauteriak Luzaide eta Nafarroa Beherean
2013/02/11
Berñardo Paris, 1929an jaio zen Arnegin. Allande Etxarren berriz Uharte Garazikoa da. Bi gizonak elkartu zituzten Euskal Irratietan garai bateko inauteri eta kabalkadaz hitz egiteko. Ume-umetan Luzaiden maska andana ikusita ikaratu zeneko oroitzapenetatik hasita, bigarren mundu gerraren ondotik gazteek antolatzen zituzten maskaradetara, hainbat kontu interesgarri dituzte Parisek eta Etxarrenek elkarrizketan zehar. Hemen duzu entzungai elkarrizketa osoa.
Aretxabaletako txino-dantzaren inguruan
2013/02/08
Igandean aterako dira Aretxabaletako gazteak txino-dantza egitera. Ahotsak-eko bideo honetan Miren Gazteluk gogoratzen du bere amak, 1893an jaiotakoak, bere sasoian ere ezagutzen zuela. Azken urteotan abestia euskaratzeko ohitura ez du egoki ikusten. Gaztelerazkoa nolakoa zen ere kantatzen du:
Markina-Xemeingo aratusteak
2013/02/07
Otsailaren 10ean, Karnabal Domeka Markina-Xemeinen: mozorroak, zahagi-dantzariak, Hartza eta antzark jokoa.
Orain arteko erantzunak
Dantzan on Ituren: soka-dantza 1951
2016/02/22
Andres Iñigo Ariztegik, Iturengo ondareari ekarpen ederra eginez, bideo honetan agertzen diren lagunen identifikazioa egin du.
Ituren, 1951-07-08
10’’. Txistulariak: Miguel Makutso, Burriñenekoa [Burriñenea etxe izena] eta Iñaki Aizkorbe, Azentzenekoa. Atabalaria: Jexux Azpiroz, Iturengo Apezenekoa. Segizioa elizara bidean doa, Pioinea eta Arriberria etxeen parean, Saturnino Telletxea, Iñarrekoa, buru duela -Saturninok suziriak botatzen zituen-.
11’’. Herriko bandera daramana Eustakio Elizalde Arrosenekoa [Arrosanea] da.
13’’. Balentina Idigoras, Jose Ignazio Telletxearen amaren ondoan, Martin Aizpurua doa, Apeztegikoa, garai hartan alkate zen eta ibilbidean barna behin baino gehiagotan ageri da. Haren ondotik, Ignazio Elizalde, Lopetxenekoa [Lopetxonea], eta Periko Mikeo, Aurtizko Apezenekoa.
16’’. Apez betaurrekoduna Tomas Lizarraga, garai hartan Iturengo apeza zena eta don Faustino Arbizu, erretorearen laguntzailea. Gainerako apezak beharbada Jose Ignazio Telletxearen ikaskideak eta lagunak, Jose Maria Setien eta beste batzuk.
17’’. Apezen gibeletik heldu direnak, hauexek: ezkerretik eskuinera, Antonio Goñi, Xixternekoa [Sastrearena], Joxe Ariztoi, Pioinekoa, Ramon Mutuberria, Sotillenekoa eta Maurizio Azkue, Lopenekoa. Joxeren eta Ramonen gibelean, Mattin Azkue, Lopenekoa.
54’’. Martintxo alkatea eta Nikasio Labaien, Juantsenekoa [Joansantzenea].
1’07’’. Nikasioren gibelean, Benedikto Vicente, Herriko Etxeko idazkaria. Benediktoren gibelean, Joxe Ariztegi, Manekoa [Marenea].
1’13’’: Lehen lerroan, Francisco Iñigo, Maixtemattekoa [Mariestebanbaita], Periko Mikeo eta Ignazio Elizalde. Gibelean, Joxe Mari Urroz, Barbenekoa [Barberenea], Domingo Aizpurua, Betenekoa [Beruetenea]. Ignazio Elizalderen eskuinean Jorgitto, Altxunekoa ageri da eta Ignazioren gibeletik, Maximo Ariztegi, Prosentzenekoa [Perosantzenea], aipatutako Joxe Ariztegi, eta Luis Mari Iñigo, Maixtemattekoa [Mariestebanbaita].
1’33’’. Zortzikoa edo mutil dantza, plazan. Ignazio Elizalde, Joxe Mari Urroz, Serapio Sagaseta –txalekoarekin- Palazioko bordakoa, Eustakio Elizalde, Antonio Goñi, Domingo Aizpurua, Eugenio Urroz, Aranburunekoa, Bautista Bereau, Tolatekoa [Tolaretea], Domingo Aizpurua, Eugenio Urroz, Martintxo Baleztena, Iturengo Errandenekoa [Errandonea] eta, azkena, Maximo Ariztegi.
2’11’’. Soka-dantza. Serapio Sagaseta, Maria Angeles, Ignazio Telletxearen arreba, Bautista Bereau...
2’ 38’’. Ignazio Elizalde... eta lau haur pareta kontran. Horietan ttikiena, ustez, Andres Iñigo.
2’ 59’’. Luisa Urroz, Alontsenekoa [Alontsonea], Joxe Mari Urroz, Antonio Goñi... ageri dira.
3’10’’. Victor Sagardia apeza, Palaziokoa, ageri da, ezkerraldean.
3’17’’. Plazaren erdian, ustez, Ignazio Iturbe, Alontsenekoa [Alontsonea].
3’37’’. Saturnino Telletxea, botila eskuan, eta Ignazio Elizalde.
Emakume gehienak agian Telletxearen familiakoak edo lagunak izanen dira, egun horretarako Donostiatik Iturenera etorriak.
Ituren, 1951-07-08
10’’. Txistulariak: Miguel Makutso, Burriñenekoa [Burriñenea etxe izena] eta Iñaki Aizkorbe, Azentzenekoa. Atabalaria: Jexux Azpiroz, Iturengo Apezenekoa. Segizioa elizara bidean doa, Pioinea eta Arriberria etxeen parean, Saturnino Telletxea, Iñarrekoa, buru duela -Saturninok suziriak botatzen zituen-.
11’’. Herriko bandera daramana Eustakio Elizalde Arrosenekoa [Arrosanea] da.
13’’. Balentina Idigoras, Jose Ignazio Telletxearen amaren ondoan, Martin Aizpurua doa, Apeztegikoa, garai hartan alkate zen eta ibilbidean barna behin baino gehiagotan ageri da. Haren ondotik, Ignazio Elizalde, Lopetxenekoa [Lopetxonea], eta Periko Mikeo, Aurtizko Apezenekoa.
16’’. Apez betaurrekoduna Tomas Lizarraga, garai hartan Iturengo apeza zena eta don Faustino Arbizu, erretorearen laguntzailea. Gainerako apezak beharbada Jose Ignazio Telletxearen ikaskideak eta lagunak, Jose Maria Setien eta beste batzuk.
17’’. Apezen gibeletik heldu direnak, hauexek: ezkerretik eskuinera, Antonio Goñi, Xixternekoa [Sastrearena], Joxe Ariztoi, Pioinekoa, Ramon Mutuberria, Sotillenekoa eta Maurizio Azkue, Lopenekoa. Joxeren eta Ramonen gibelean, Mattin Azkue, Lopenekoa.
54’’. Martintxo alkatea eta Nikasio Labaien, Juantsenekoa [Joansantzenea].
1’07’’. Nikasioren gibelean, Benedikto Vicente, Herriko Etxeko idazkaria. Benediktoren gibelean, Joxe Ariztegi, Manekoa [Marenea].
1’13’’: Lehen lerroan, Francisco Iñigo, Maixtemattekoa [Mariestebanbaita], Periko Mikeo eta Ignazio Elizalde. Gibelean, Joxe Mari Urroz, Barbenekoa [Barberenea], Domingo Aizpurua, Betenekoa [Beruetenea]. Ignazio Elizalderen eskuinean Jorgitto, Altxunekoa ageri da eta Ignazioren gibeletik, Maximo Ariztegi, Prosentzenekoa [Perosantzenea], aipatutako Joxe Ariztegi, eta Luis Mari Iñigo, Maixtemattekoa [Mariestebanbaita].
1’33’’. Zortzikoa edo mutil dantza, plazan. Ignazio Elizalde, Joxe Mari Urroz, Serapio Sagaseta –txalekoarekin- Palazioko bordakoa, Eustakio Elizalde, Antonio Goñi, Domingo Aizpurua, Eugenio Urroz, Aranburunekoa, Bautista Bereau, Tolatekoa [Tolaretea], Domingo Aizpurua, Eugenio Urroz, Martintxo Baleztena, Iturengo Errandenekoa [Errandonea] eta, azkena, Maximo Ariztegi.
2’11’’. Soka-dantza. Serapio Sagaseta, Maria Angeles, Ignazio Telletxearen arreba, Bautista Bereau...
2’ 38’’. Ignazio Elizalde... eta lau haur pareta kontran. Horietan ttikiena, ustez, Andres Iñigo.
2’ 59’’. Luisa Urroz, Alontsenekoa [Alontsonea], Joxe Mari Urroz, Antonio Goñi... ageri dira.
3’10’’. Victor Sagardia apeza, Palaziokoa, ageri da, ezkerraldean.
3’17’’. Plazaren erdian, ustez, Ignazio Iturbe, Alontsenekoa [Alontsonea].
3’37’’. Saturnino Telletxea, botila eskuan, eta Ignazio Elizalde.
Emakume gehienak agian Telletxearen familiakoak edo lagunak izanen dira, egun horretarako Donostiatik Iturenera etorriak.
Dantzan on Maskaraden lehen agerraldia bertan behera geratu da
2016/01/12
Martxoaren 6an emango dituzte maskaradak Ezpeizen eta Mitikileko agerraldia apirilaren 17ra atzeratuko da. Hemen maskaraden egutegia gaurkotua: https://dantzan.eus/albisteak/zuberoako-maskaradak-egutegia
Dantzan on Maskaraden lehen agerraldia bertan behera geratu da
2016/01/11
Igande honetan, urtarrilak 17 Sohütan emango dituzte maskaradak eta Ezpeizen ematekoak zirenak atzeratu dituzte (data zehazteke). Gainontzeko datak berdin mantenduko dira.
Dantzan on Joxemiel Bidador Pastorala Iruñeko euskaldunak
2015/10/19
Aupa Leire, mila esker zure erantzungatik! Bideoari dagokionez, guk ikusi dugu bideoa txertatuta zure blogean ( http://eibar.org/blogak/leire/iruneko-euskaldunen-lezioa ) eta ongi ageri zaigu. Ez dakigu zer arazo izan daitekeen. Ordenagailuarekin begiratu duzu ala tablet/mugikorrarekin?
Dantzan on Non dantzatuko duzue uda honetan?
2015/07/29
Eskerrikasko Aurtzaka!
Bestalde, jakin dugunez Gaztedi danza taldea Italiara, Rimini jaialdirako joango da bertako foklore jaialdian parte hartzera uztailaren 31atik abuztuaren 8ra.
Joan hemen zuen irteeren berri uzten eta oporretatik bueltan jasoko ditugu denak albistean.
Ondo ibili!
Bestalde, jakin dugunez Gaztedi danza taldea Italiara, Rimini jaialdirako joango da bertako foklore jaialdian parte hartzera uztailaren 31atik abuztuaren 8ra.
Joan hemen zuen irteeren berri uzten eta oporretatik bueltan jasoko ditugu denak albistean.
Ondo ibili!
Dantzan on Non dantzatuko duzue uda honetan?
2015/07/28
Mila esker Iker, jaso dugu zuena zerrendan. Eta ondo ibili!
Dantzan on Zein euskal dantza taldek dantzatu zuen Albert Hall-en 1967an?
2015/06/12
Eskerrikasko Etor! Alberto López Echevarrieta-ren "Ballets Olaeta" liburuan begiratu dugu eta ikusi dugu Olaeta balletak Estatu Batuetan ibili zirela biran 1967an. Londresko aipamenik ez dugu aurkitu. Ea bat edo beste konfirmatzeko modua egiten dugun.
Dantzan on Dantzabiz: Dantza Eskolara 2014 - Jauzika
2015/03/09
Eskerrik asko Arkaitz emandako informazio guztiagatik.
