Dokumentuaren akzioak
Irudi ederrak udaberrian (eta bat historiarako)
Aurtzaka dantza taldea
Umeen aurreskua Loinatz hirugarrenean
Irudi ederrak utzi dizkigu iragan berri den udaberriak, sasoien zikloen biran, baita aurtengoak ere. Beasaingo jaietan lehendabizi eta San Joan bezperan ondoren, gure ardurapean dauden ekitaldien bildumatxo bat erakusteko tentaldiari ezin diogu eutsi, gure argazkilari lagun Iñaki Erauskin eta Xabier Garmendiari esker eskuratu ditugun argazkiak plazaratuz.
Bada gainera tartean argazki bat historiarako jasota geratu dena: Loinazko ezpata-dantzariek San Martingo eliza barruan dantzatu zuten prozesio egunean, lehen aldiz, dokumentatua daukagunetik behinik-behin. Eguraldi txarra medio, santuen irudiak ez ziren Loinazko baselizara eraman, eta horrelakoetan ez da dantzatzen. Baina oraingoan, Joan Mari Iturria frantziskotarraren proposamenez, eliza barruan dantzateko aukera eskaini zitzaien.
Beraz, gure lagun Zumarragakoen ezpata-dantzariei kendu diegu eurena bakarrik izan omen den pribilegio hori, egun batez bada ere!
Maiatzak 26: Mariren jaitsierarekin hasi ziren herriko jaiak. 400 gazte gertu sorgin-dantzan herriko plazan.
Maiatzak 28: Agintariek euren soka-dantza osatu zuten. Dagoeneko badira urte batzuk, esku-dantza bere osotasunean egiteko gai direla.
Maiatzak 29: eguraldi kaxkarra medio, prozesiorik ez zen egin. Dantzari txikiek parrokiako elizatariko aterpean dantzatu zioten santuari. San Martingo baselizara autobusez joan ziren, eta hara santuen irudirik joan ez zenez, eliza barruan aldare aurrean dantzatu zuten, orain arte sekula ezagutu ez dugun bezala.
Maiatzak 30: goizean umeek euren soka-dantza egin zuten, berrogei bikote guztira.
Maiatzak 30: arratsaldean, helduen soka-dantza atera zen, 16 bikoterekin.
Ekainak 23: Sanjoanetako esku-dantzak bere 10. urtea bete zuen, beti bezain distiratsu.
Dokumentuaren akzioak
Erantzun
Aurtzaka dantza taldea
Beasaingo dantza taldea. Izen honekin 1979 urtean sortua, aurretik urte askoan lanean ari ziren "Goierri" eta "Salleko Adiskideak" taldeen elkartzearen ondorio. Gipuzkoako Goierri eskualdeko dantzari eta musikariz osatua. Batez ere gure eskualdeko dantzak lantzen ditugu, herrian bertan usadiozko bihurtu diren hainbat ekitaldi bultzatu eta sustatzeaz gain: dantza-sokak Loinatzetan, Igartzako ezpata-dantza, Sanjoanetako esku-dantza, etab.
Aurtzaka dantza taldea
Garmendia Otaola 9
20200 Beasain
www.aurtzaka.com
aurtzaka@gmail.com
Jasotako azken erantzunak
- Iñaki Zugasti on АУРЦАКА izan gara Bulgarian 2017/09/04
- Aurtzaka dantza taldea on АУРЦАКА izan gara Bulgarian 2017/09/04
- Oier Araolaza on АУРЦАКА izan gara Bulgarian 2017/09/04
- Agurtzane Agirre Mujika on Joseba 2014/11/08
- Emak Bakia Dantzan on Joseba 2014/11/08
- Jon Goya on Joseba 2014/11/08
- Aritz Ibañez Lusarreta on Joseba 2014/11/08
- Izaskun Salazar on Joseba 2014/11/08
- Oier Araolaza on Joseba 2014/11/08
- Mikel Sarriegi on Joseba 2014/11/08
