Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Aurtzaka dantza taldea DANTZA filma Beasainen

Dokumentuaren akzioak

DANTZA filma Beasainen

Aspaldiko laguna dugu Telmo Esnal dantzaria. Berak zuzendutako filmeko grabaketaren atal batzuetan parte hartzera gonbidatu gintuenean gustora asko eman genion baiezkoa. Eskertu nahi diogu eskainitako aukera, zinemaren mundua barrutik ezagutzeko abaguneaz aparte, hain emaitza polita eman duen ikuskizun horretako partaide izateak oso pozik utzi gaituelako.

Gure taldeko hamabi dantzari izan gara bertan dantzan. Zaragozako Belchiten grabatutako ezpata-dantzan lehendabizi, eta Leitzan gauzatu zen erromeria erraldoian geroago. Saio gogorrak, baina lagunarteko giro atseginean oso oroimen ederra utziko dizkigutenak, betirako irudi bikain horiekin batera. Bertan izan ziren dantzariak: Agurtzane Agirre, Ainhoa Antxia, Ilazki Azaldegi, Izar Sarriegi, Izaskun Salazar, Leo Leunda, Maider Arruabarrena, Mikel Insausti, Mikel Sarriegi, Nerea Mendizabal, Oihane Sarriegi, Xabier Ruiz de Azua,

Donostiako Zinemaldian filma ikusteko aukera izan genuen, itxaronaldiaren irrika asetzeko moduan. Gaur estreinatuko da zinemetan, eta datorren asteazkenean Beasainen bertan, Usurbe zineman pantailaratuko da, 19:30 eta 22:00etako saio bikoitzean.

Mundu guztia gonbidatu nahi dugu, bereziki dantzazalea baldin bada, ikuskizun atsegin, entretenigarri eta ausart hau dastatzera, benetan gozatzeko modukoa baita.

Hemen filmaren TRAILERRA

Eta AURRERAPENA

Goierriko Hitzako ARTIKULUA

Eskerrik asko denagatik Telmo eta lantalde osoari, zoragarri portatu zarete gurekin, eta nahi duzuen arte!!!

Segi dantzan!

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Aurtzaka dantza taldea

Aurtzaka dantza taldea

Beasaingo dantza taldea. Izen honekin 1979 urtean sortua, aurretik urte askoan lanean ari ziren "Goierri" eta "Salleko Adiskideak" taldeen elkartzearen ondorio. Gipuzkoako Goierri eskualdeko dantzari eta musikariz osatua. Batez ere gure eskualdeko dantzak lantzen ditugu, herrian bertan usadiozko bihurtu diren hainbat ekitaldi bultzatu eta sustatzeaz gain: dantza-sokak Loinatzetan, Igartzako ezpata-dantza, Sanjoanetako esku-dantza, etab. 

 

Aurtzaka dantza taldea

Garmendia Otaola 9

20200 Beasain

www.aurtzaka.com

aurtzaka@gmail.com