Baserritar jantzia atontzen ikasteko tallerrak

2007/11/23 15:36

Datorren ostiralean, azaroak 30, San Andres eguna, jai handia eta nekazal feria izaten dira Eibarren. Plazara Dantzara erromeria izango da 13.00etan Untzaga Plazan Jainaga eta Narbaiza trikitilariekin, eta Kezka dantza taldeko dantzari, dantza eskolako ikasle eta dantzara animatzen diren guztien gozamenerako.

2006-11-24_Baserritar-jantzi-tallerra-107

San Andres egunean baserritar janzteko ohitura dago Eibarren, eta azken urteotako bideari jarraituz, aurten ere, Eibarko Udalaren euskara zerbitzuak antolatuta, baserritar janzteko argibide eta taller praktiko batzuk eskainiko ditu Kezka dantza taldeak.

Buruko zapia izaten da buruko min gehien ematen duena eta beraz, hori jartzeko inguru hauetan gehien erabili izan den modua erakutsi eta praktikatzeko aukera izango da bertan. Horrez gain, abarketa eta oinetakoen inguruko aholkuak, eta gerriko eta bestelako jantziak atontzeko laguntza emango da taller horietan.

Baserritar jantziak atontzen

Azaroak 26, astelehena, 19.00-20.00, Portalea Kultur Etxeko 3. solairuko ikastaro gelan.
Azaroak 28, asteazkena, 15.00-16.00, Portalea Kultur Etxeko 3. solairuko ikastaro gelan.

Dokumentuaren akzioak

Bidali hitzordua

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Sartu

Kezka dantza taldea

Herrian bertan egiten diren festak, erritoak eta dantza ekitaldiak ditu Eibarko Kezka dantza taldeak bere lehentasun nagusia. 1958an Eibarko Klub Deportiboaren baitan sortutako dantza taldeak inauterietan koko-dantzekin abiatu ohi du urtea, eta Santa Kurutzetan, San Joanetan, San Andresetan eta bere burua akonfesionaltzat duen herriko santoral egutegiko festa guztietan dagokion dantzaz arduratzen dira Kezkako dantzariak.

Arrateko santutegian ezpata-dantza eskaini ohi du urtero irailaren 8an, tradizioak eguneratu eta antzokia eta plazaren arteko lotura egiteko ahaleginean, Argia dantzari taldeak eszenatokian egindakoaren ordaina plazan errotzeko konspiratuz.

2008an York-en, Ingalaterran, ospatu zen Sword Spectacular, munduko ezpata-dantzen jaialdi handienean euskal ezpata-dantzen ordezkaritza gorpuztu zuen: zahar-itxuran aurkeztutako ezpata-dantza nazioarteko ezpata-dantzen adituei irentsaraziz, ontsa plajiatzeko metodoa aplikatzen denean sorkuntza eta tradizioa txanpon beraren aldeak baitira.

Iruñeko Duguna taldearekin elkarlanean Ezpalak dantza tradizionalaren nazioarteko jaialdia antolatzen du Kezkak, euskaldunok zilborra dugula munduari erakutsiz, eta euskaldunoi munduko zilbor guztiak enbor berera lotuta ditugula iradokiz.

1990. urtean Elgoibarko Haritz dantzari taldearen eskutik Donostiako Argia taldea ezagutzeko zorteak dantzari buruzko etengabeko ikasketan murgiltzera eraman du Eibarko taldea, inoiz bukatzen ez den ikasketa sorgi-gurpilean jira-biran dantzan aritzeko zorionera kondenatuta.

Kezka Dantza Taldea
Portalea Kultur Etxea
Bista Eder kalea
20600 Eibar
Tfnoa: +34 605 71 14 29
kezka@dantzan.com

Tresna pertsonalak

Baserritar jantzia atontzen ikasteko tallerrak

Erantzun

Kezka dantza taldea

Jasotako azken erantzunak