victor-pavon etiketa duten bideoak

Miranda del Castañar: Baile del cordon 1975

Salamancako Miranda del Castañar herriko tradizioak, kontuak, kantuak eta dantzak ageri zaizkigu Raices, TVEko programaren atal honetan. 1975eko grabazioa da, eta Tia Petra (Petra Nieto) emakumearen eskutik herriko biztanleak, pasadizoak, erromantzeak eta dantzak aurkeztuz doaz. Bere lan-tresnekin musika egiten duen perratzailea, zortzi litro ardo eta "txispatuta" etxeratu zela dioen nekazaria, eta bukatzeko, El Baile del Cordon, zinta-dantza erakusten dute Miranda del Castañar-eko herritarrek, Victor Pavon danbolintero lanetan ari dela. Corrobla de Bailes Tradicionales blogean Carlos Porrok jaso du grabazio eder hau. Youtube, cuartodeatras.