Dokumentuaren akzioak
sorkuntza-prozesua etiketa duten bideoak
Sorkuntza-prozesua: "Xilko", Joana Olasagasti
Joana Olasagastik hainbat sorkuntza-prozesutan hartzen du parte Gipuzkoako Dantzagunean. Bere azken lana ere, Xilko, bertako instalazioetan landu du. Zilbor-hestea metaforatzat hartuta, pertsonok ditugun loturetatik askatzearen bueltan osatu du Joana Olasagastik "Xilko" koreografia. Euskal Herriarekiko edota familiarekiko loturetatik aldentzeko saiakera irudikatzen du. Sustraiek lotzen gaituzte, gure gorputzean, bihotzean edota buruan ditugunak utzi nahi ditugu, baina beraiek gabe ere ezin bizi. Pieza abstraktua osatu du, ez baitu nahi izan barruko guztia argi ateratzerik. Ikusleari bere interpretazioak egiteko bidea eman nahi izan du. Olasagastiren helburua, txarra edo ona, ikusleak zerbait sentitzea da. Sorkuntza-prozesua, "Xilko", Joana Olasagasti. Irudiak: Gipuzkoako Dantzagunea, Joana Olasagasti, Xilko, 2018-11-23.
Dokumentuaren akzioak
