serxio-cobos etiketa duten bideoak

Serxio Cobos: dantzagramak

Serxio Cobos (Santiago, 1973) dantzari eta ikertzaileak Galiziako dantza tradizionalak paperean jasotzeko sistema grafikoa garatu du. Bere lanaren nondik norakoak azaldu ditu Galiziako Telebistako Zigzag Diario saioan egin dioten elkarrizketa honetan. Horrez gain, dantzan ageri da zenbait momentutan eta urratsekin batera dagokien notazioen irudiak erakusten dituzte pantailan. Cobos 1989tik, landa lanaren bidez, musika eta dantza tradizionalak jasotzen dabil. 2010ean biltzen ari zen dantza horien urratsak paperean idazteko sistema garatzen hasi zen. Kaligramatan oinarritutako metodoa osatu du eta Bailegramas izeneko liburuan bildu du. Dantzak jasotzeko notazio sistemak dokumentazio bidez dantzak gordetzeko helburuarekin egin izan dira; Cobosen proposamena Galiziako dantzak jasotzeko sistema aitzindaria da. Bailegrama sistemak Galiziako dantzen mugimenduak, koreografiak eta urratsak aztertzeko aukera ematen du, horiek hobeto ulertzekoa. Irudiak: TVG, Zigzag Diario. Bailegramas - dantzagramak 2019-01-07.