Edukira salto egin | Salto egin nabigazioara

Tresna pertsonalak
Hemen zaude: Hasiera Bideoak

Dokumentuaren akzioak

karmen-eguna etiketa duten bideoak

Markina-Xemein: Karmen 2020 aurreskua

Emakumeak ere sokan eta kalez kale geldialdiak eginez plazaratu dute aurtengoan Karmen Eguneko aurreskua Markina-Xemeinen. Covid-19a dela eta jende pilaketak saihesteko leku finkoan egin beharrean karrika-dantza modura kaleratu dute aurreskua. Udaletxeko plazan atera dute soka eta lehengo desafioa dantzatu dute. Goiko Portala kalean behera abiatu eta Zear kaletik Abesua kalera iritsi dira. Bertan aurreskuak eta atzeskuak agurrak dantzatu dituzte eta sokara ikusleak gonbidatuta udaletxeko plazara itzuli dira. Bukatzeko azken desafioa, fandango eta arin-arina eta biribilketarekin bukatu dute. Segurtasun neurriak hartuta dantzatu dute dantzariek, maskarak aurpegian eta elkarri eskutik eman beharrean zapien bidez lotuta. Egoera berezia aprobetxatu eta emakumeek ere hasierako sokan parte hartu dute. Irudiak eta edizioa: Idoia Lahidalga. Aurreskua, Karmen, Markina-Xemein, 2020-07-16.

Dokumentuaren akzioak