gulherme-botelho etiketa duten bideoak

Alias konpainia: Antes

Gorputz biluziak lurrean etzanda, beso eta zangoak daudenik ere ahaztuta, bizkarrezur, saihets, gerri eta diafragmaren mugimendu gaitasuna bizi-bizi ageri zaigu Alias konpainiaren lan honetan. Gizatasunaren historia du gogoeta gai Guilherme Botelhok. Oinak lurrera lotuta dituen gorputz baso bat, gizateriaren talde eta norbanako etorkizunaz ausnartzen. Dantzaren, gorputzaren adierazpen gaitasuna agerian jartzen du Guilherme Botelhok zuzenduta Alias konpainiaren Antes lanaren pasarte honek. Oholtza gainean du gaur egun Antes lana Alias-ek, eta besteak beste Hannoverren eta Düsseldorf-en eskainiko du datozen hilabeteetan. Alias, Guilherme Botelho, Antes, 2016.