Edukira salto egin | Salto egin nabigazioara

Tresna pertsonalak
Hemen zaude: Hasiera Albisteak Beasaingo Sanjoanetako neskatxen esku-dantzaren nondik norakoak

Dokumentuaren akzioak

Beasaingo Sanjoanetako neskatxen esku-dantzaren nondik norakoak

2013/01/29 12:11
Beasaingo neskatxen esku-dantzaren sorkuntza prozesua eta erritualaren inguruko xehetasunak azaldu zituen Mikel Sarriegik urtarrilaren 12an Donostian. Gipuzkoako Dantzaguneak antolatutako "Sortutakoak" deialdian hautatua izan zen Mikel Sarriegiren eta Besaingo Aurtzaka dantza taldearen lana, eta lan horren aurkezpena egin zuen Sarriegik San Telmo museoan egindako ekitaldian. Hitzaldia osorik eta ondoren, San Telmo museo aurrean Aurtzakako dantzariek egindako esku-dantza bera ikus daitezke honako bi bideo hauetan. Koldo Bidekietak, Aurtzakako kideak hartutako irudiak dira.

2008ko San Joan bezperan abiatu zen Sanjoanetako neskatxen esku-dantza Beasainen. Soka-dantza hori martxan jartzeko egindako ibilbidea aurkeztu zuen Mikel Sarriegik Gipuzkoako Dantzagunearen Sortutakoak deialdian, eta horixe izan zen San Telmo Museoan emandako hitzaldi eta egindako dantza saioaren ardatza. Dantza eta Udako solstizioa lotzen ditu esku-dantza honek, eta abiapuntuan lau helburu nagusi zituzten Aurtzaka dantza taldeko kideek:

  • Beasainen falta zen emakumezkoen dantza-soka protokoloa berreskuratzea.
  • Dantza-taldeko neskei urtero errepikatuko den erreferentziazko ekitaldi polit eta indartsu bat eskaintzea.
  • Dantzak eta kantuak bat egiten duten euskal dantzen errepertorioari aportazio xume bat egitea.
  • Gaurko gizarte kaletarrak garai bateko ohitura eta tradizioekin daukan etena neurri txiki batean berrosatzea.

Dantza soilaz haratago, erritual oso batena barruan kokatu zuten esku-dantza, lore bilketa, koroiak egitea, arbola altxatzea, merienda, arropak janztea, dantza eta afaria barne.

Aurtzaka dantza taldearen blogean aurki daitezke Beasaingo Sanjoanetako neskatxen esku-dantzari buruzko xehetasun guztiak: