Dokumentuaren akzioak
Albisteak
Koreografo berrien erakusketa
Eusko Jaurlaritzak Koreografo berrien 6. erakusketa antolatu du eta hautatutako koreografoen lanak apirilaren 20an Gasteizen, 26an Barakaldon eta 30ean Donostian aurkeztuko dira. Artez aldizkariak bildu du koreografo berrien 6. erakusketari buruzko informazioa eta dantzan-eko hemerotekan edo Artezblai gunean irakur dezakezue erreportajea osorik.
Aitor Arozenak irabazi du txistulari lehiaketa
"txistulari.com"-en irakurri ahal izan dugunez, Aitor Arozenak irabazi du Euskal Herriko Txistulari Bakarlarien Txapelketa. Larunbatean, Billabonako Gurea zine-aretoan burutu zen Euskal Herriko Txistulari Elkarteak bere urteurrenaren 75. ospakizun egitarauan barne antolatu duen txalpelketa. 12 lagunek eman zuten izena, horietako zazpi Gipuzkoakoak, eta besteak Bizkaia, Nafarroa eta Lapurdikoak.
Eusko Jaurlaritzaren diru laguntzak kultur jaialdiei
Eusko Jaurlaritzako kultura sailak 2001. urteko antzerkia, dantza, musika eta zine alorreko jaialdi, jardunaldi, lehiaketa eta abarrekoei emango dizkien dirulaguntzen zerrenda argitaratu da BOVPean. Hona hemen zerrenda osoa:
Xiru 13 Musika eta Sorkuntza jaialdia
XIRU 13 MARTXOAren 22. 23. 24an Euskal Herrian Musika eta Sorkuntza jaialdia « Antzerkia musika eta karrika » da 2002ko gure gaia, Euskal Herrian hain bizi ditugun aberastasunetan oinarrituz (Ihauteriak, Toberak, ). Zer aurki genezake haietan gure biharko tradizioaren sortzeko? Hau da bi hitzez bultzatzen gaituena!
Goi-herri dantza taldeak 25 urte
Bilbo handiko, San Inazio auzoko Goi-herri dantza taldeak 25 urte betetzen ditu aurten eta urteurrena ospatzeko ekitaldiak prestatzen dihardute.
Itasiren argazki erakusketa
Azpeitiko Itsasi dantza taldearen eta Azpeitiko Argazki elkartearen 25.urteurrena dela eta argazki erakusketa bat antolatu da. Erakusketa hau Argazki Elkarteko kideek ateratako 26 argazkiz osaturik dago eta erakusketa historiko bat baino gehiago, erakusketa artistiko bat dela esan daiteke. Argazkiez aparte, PC bat ere egongo da, bertan Itsasiren historia laburbiltzen duten 470 argazki azalduko direlarik.
Pajaritos por aqui, pajaritos por alli...
Oilaskoaren dantza euskal dantza al da? Galdera horri erantzuten dio Lisa Corcostegui-k dantzaldizkaria-ren martxoko zenbakian. Estatu Batuetako euskal komunitatean oso errotua omen dago Maria Jesus y su acordeón-ek Espainia osoan udako kantu bezala hedatu zuen Pajaritos por aqui... kanta.
Herri Musikaren Txokoa
Juan Mari Beltran-ek Oiartzunen kudeatzen duen Herri Musikaren Txokoa ofizialki inauguratu da dagoeneko. 400 musika-tresna, 3.000 liburu, bideoak, grabazioak eta dokumentazio kopuru handia aurki daitezke Oiartzungo Ergoinenen kokatuta dagoen txokoan.
Xukan taldearen estrainekoa
Xukan taldeak "Iturrian zer dago" izeneko ikuskizuna aurkeztuko du gaur 20.30etan Bilborock aretoan. Dantza, trikitia eta bertsoa uztartzen ditu ikuskizunak.
Doinu eta Dantza 5. zenbakia
Gasteizko Folklore Eskolako boletinaren 5. zenbakia.
Dokumentuaren akzioak
