Dokumentuaren akzioak
Albisteak
Dantza taldeak etorkizunean
Euskal Herriko Dantzari Eguna ospatzen da aste honetan Irunen, eta ospazkizun horren inguruan mahai inguru bat antolatu du EDB: "Dantza taldeak etorkizunean". EDBk ez du ekitaldi horren inguruko informazio askorik zabaldu, baina mahai inguruko parte hartzaileetako batek iritzi trukerako helarazi dieten gidoia pasa digu. Horra:
Dantza monitore ikastaroa jarri du abian Euskal Dantzarien Biltzarrak
Dantza monitoreak trebatzeko ikastaro bat burutuko da Iruñean 2008ko urrian, larunbat goizetan. Ion Nabarro eta Mikel Diaz izango dira irakasleak, eta 12 orduko iraupena izango du. Eskola adinean dantza irakasteko didaktika irakatsi nahi da ikastaro honekin.
"Spirit of the dance" OHARRA: bertan behera geratu da!!
Datorren azaroaren 11an, 20:00etan, Kursaal Auditorioan eskainiko da "Spirit of the dance", David King-ek zuzentzen duen taldeak hamargarren urteurrena ospatuz egiten ari den biran baitan. OHARRA: Emanaldi hau bertan behera geratu da.
Euskal Herriko Dantzari Eguna 2008 Irunen
Datorren igandean, irailaren 28an ospatuko da Irun-en, Euskal Dantzarien Biltzarrak antolatzen duen Dantzari Eguna. Dantza ekitaldiak ostegunean hasiko dira, hitzaldiak eta mahainguruak egingo baitira, eta ekitaldi nagusia igandean ospatuko da, Stadium Gal futbol zelaian.
![Asier Uriagereka Forum-en [bideoa]](https://dantzan.eus/albisteak/asier-uriagereka-forum-bideoa/@@images/6b34b62f-6cc5-4f85-87e5-29927fdaa5e0.jpeg "Asier Uriagereka Forum-en [bideoa]")
Asier Uriagereka Forum-en [bideoa]
Mungiako dantzariari egindako elkarrizketa eskaini zuten atzo ETB2n, Forum saioan, eta elkarrizketa horren bideoa ikus dezakezue hemen. David Barbero kazetariak gidatutako elkarrizketan, Monte-Carlo-ko Balleteko dantzari nagusi den Asier Uriagerekak bere dantzari ibilbideari errepaso egiten dio.
Ertza konpainiaren audizioa - Adi! Data aldaketa!
Asier Zabaletak zuzentzen duen konpainiak 2008-2009an burutu nahi duen proiektu berrirako dantzarien audizio deialdia egin du. Urriaren 25ean burutuko da audizioa eta bertan dantza garaikidean eta inprobisazioan eskarmentu handiko dantzariak bilatuko dira.
Asier Uriagereka ETB2ko Forum saioan
Bihar, osteguna, irailaren 18an, goizeko 9:00etan eskainiko du ETB2ko Forum saioak, David Barbero kazetariak Monte-Carlo-ko Balleteko dantzari nagusi den Asier Uriagerekari egindako elkarrizketa.
Basaurik irailaren 20an eta 21ean ospatuko du 36. Euskal Herriko Dantza Agerketa
Euskal dantzen erakustaldia da Euskal Herriko Dantza Agerketa eta bere ezaugarria da tokian tokiko taldeak, autoktonoak, bakarrik parte hartzen dutela bertan, hau da, beren herri eta eskualdeetako dantza propioak artatzen dituzten taldeak, eta bere herrikideentzat esanahi berezia duten une berezietan eskaintzen dituztenak. Dantza horietako asko bakarrik bere jatorrizko tokian eta egun jakin horietan bakarrik ikus daitezke, nahiz eta zenbaitetan, jatorrizko herrian dantzatzeari utzi diotenean, horiek dantzatzen jarraitzen duten herriak gonbidatu izan diren.
Andra Mari dantzan Galdakaoko jaietan
Asteburuan hasita eta astebetez hainbat dantza emanaldi eta ekitaldi burutuko ditu Galdakaoko Andra Mari dantzari taldeak beren herriko jaietan. Soka-dantzarekin hasi, dantza emanaldiak, jota ikastaroak, erromeria, dantzari txiki eguna eta zuberoako dantzak, ia egunero izango dira dantza ekitaldiak Galdakaon. Hasierako soka-dantza bera interes handikoa da, Bizkaian soka-dantza molde zaharrean nola egiten zen ikusteko aukera eskaintzen baitu. Hona egitaraua:
Dantza Hirian 08, dantzak Eurohiriko kaleak hartuko ditu
Datorren irailaren 16an abiatuko da Dantza Hirian jaialdia, Donostia-Baiona eurohirian. Dantza herritarrengana hurbiltzea du helburu ekimen honek. Donostia (irailaren 19a, ostirala), Irun (irailaren 20a, larunbata), Hendaia (Irailaren 26a, ostirala) eta Baiona (irailaren 27a, larunbata) artean banatuko dira emanaldiak.
Dokumentuaren akzioak
