Dokumentuaren akzioak
Albisteak
Belaunaldiz belaunaldi ekitaldia
Gaztediren 60. urteurrena azken txanpan sartu da dagoeneko, eta merezi bezalako amaiera emateko, "Eusko Ederti, Belaunaldiz Belaunaldi" ekitaldia ospatuko dugu datorren azaroaren 13an, igandea, arratsaldeko 19:00etan Arriaga Antzokian.
Nor dabil dantzan? 3. Ibilbideak eta hezkuntza esperientziak
Euskal Herriko Dantza Profesionalen Elkarteak (ADDE) antolatuta, 3. topaketa profesionalak burutuko dira datorren azaroaren 3an, Bilbon, BAD jaialdiaren baitan. Ibilbideak eta hezkuntza esperientziak ardatz hartuta, Maria Muñoz, Filgi Claverie eta Natalia Mongek egingo dituzte aurkezpenak.
Javier Amo dantzari bilbotarra lehen aldiz arituko da profesionalki etxean
10 egun falta dira Euskaldunak eta dantza 7. Galarako. Municheko Operako lehen dantzari bakarlaria da Amo, eta bi pieza dantzatuko ditu, horietako bat Jose Limon-en koreografia duen "Chaconne" bakarkakoa. Maira Fontes brasildarra, Municheko Operako Balletako dantzaria, izango du bikote George Balanchineren "Tchaikovsky Pas de Deux" piezan.
Eguneko menua gaur Leioan Noemi Viana eta Jesus Rubiorekin
Viana eta Rubiok zuzenduta "Eguneko Menua" izeneko dantza lana eskainiko da gaur, urriak 20, osteguna, arratsaldeko 20:00etan Leioan, Kultur Leioa Auditorium-ena.
XXVII Folklore Jardunaldiak: Materiarik gabeko ondarearen babesa
Urriaren 20 eta 21ean Ortzadarrek bere XXVII. folklorearen gaineko jardunaldiak ospatuko ditu Iruñean. Aurtengo gaia honakoa da: "Materiarik gabeko ondarearen babesa: ekintzak eta ondorioak"". Bi saio izanen dira, hitzaldi, mahai-inguruekin eta kontzertu bat.
Mutxiko erraldoia 15. urteurrena ospatzeko
Urriaren 23an Hendaiko Mutxiko Elkarteak bere 15garren urteurrena ospatuko du Mutxiko erraldoi batekin, Hendaiako Gaztelu Zahar pilota lekuan goizeko 11:30ean. Eguraldi txarra egingo balu, merkatuan egingo litzateke. Guztientzat irekia da.
Master class-a Nats Nus konpainiaren eskutik
Dantzaguneak gure antzoki edo sorgunetara etortzen diren konpainiak zuk gertutik ezagutu ditzazun nahi du. Horretarako, gure programazioan hilero master class bat antolatuko dugu.
Helduen dantza eta dantzaren heldutasuna
Azken asteotan, laurogei urtetik gorako dantzariak albiste izaten ari dira. "Oroitzen naiz ikuskizuna" batetik, berriki Andra Marik Intxaurragatar jotalariekin egindako grabazioa, dantzari beteranoen Gure Dantzak jaialdia... Dantzari helduak ikustea ez-ohikoa izan da zenbait urtetan eta zenbait testuingurutan, eta pena da, ongi ondutako dantzariak lanean ikustea plazer handia baita.
Mexico-ko Camerino konpainaren Anima La Fundicionen
Antzoki alternatiboen sarearen II. zirkuito iberoamerikarraren baitan, Mexikoko Camerino konpainiaren "Anima" lana eskainiko du datorren urriaren 15an eta 16an.
Dokumentuaren akzioak
