Dokumentuaren akzioak
Albisteak
1912ko Agintarien aurreskua gogoratu dute 100 urteren buruan Zarautzen
1912an Zarautzen ospatu ziren Euskal Jaietan agintariek dantzatutako soka-dantza gogoratzeko aitzakian "Aurresku Zaharra" izenarekin dantza-soka atera dute irailaren 8an herriko dantza eta txistulari taldeek elkarlanean. Mende bete lehenagoko ekitaldia gogoan, azken hirurogei urteotan Zarautzen aurreskuaren tradizioari eutsi dioten Zarauzko dantza taldeetako kideak elkarrekin plazaratu dira soka-dantzan.
Dantzaz Konpainia "Naufragoak" ikuskizunarekin Iparraldean zehar ibiliko da asteburu honetan
Datozen irailaren 21 eta 22an, Dantzaz Konpainiak "Naufragoak" ikuskizunaren hiru emanaldi eskainiko ditu Iparraldeko hiru herri ezberdinetan: Kanbo, Biarritz eta Maulen.
San Fermin Aldapakoaren dantzak 2012
Laugarren urtez karrikaratuko ditu Duguna dantza taldeak heldu den igandean, irailak 23, San Fermin aldapakoaren dantzak.
Kukai dantza konpainiak Montrealen sei emanaldi eskainiko ditu datorren astean
Ikasturte berriari indartsu ekin dio Kukai Dantza Konpainiak. Iraialren 1 eta 2an, Donostiako Victoria Eugenia Antzokian HOSTOAK ikuskizunean parte hartu ostean, orain Montrealerako bidea hartuko du. Quebec-eko hiri honetan sei emanaldi eskainiko ditu guztira. Lehenik, Ahuntsic Cartervielle kulturgunean emanaldi bat eskainiko du Kukaik, eta ikusleekin solasaldi bat izango du Euskal Herriko dantzaren inguruan. Jarraian, irailaren 12 eta 15 bitartean, Quartiersdanses jaialdian hartuko du parte, 'SORBATZA' koreografiarekin.
Dantzaz-en denboraldi berria nobedadeekin hasten da
Gaur goizean, Artelekun, Dantzaz-ek bere 2012-13ko denboraldiari hasiera emateko ekitaldia egin du. Bertan, Eusko Jaurlaritzaren Kultura Saileko Kultura Sustatzeko Zuzendaria, Mikel Toral, eta Gipuzkoako Foru Aldundiaren Kultur Zuzendaria, Garazi Lopez de Etxezarreta, izan dira, Dantzaz-en zuzendari nagusiarekin batera, Fernando Sáenz de Ugarterekin hain zuzen ere.
Dantza barnetegia Zarautzen
Dantza asteburua Zarautzen: asteburu pasa dantzan lagun artean: ikastaroak, tailerrak, dantzaldia, Euskal Jaia... Programa erabat zehaztuta, eta hurbil izanik, oraindik plaza libre batzuk geratzen dira, anima zaitezte!!! Gogoratu: Dantza Asteburua proposatzen dizuegu. Asteburu bat Zarautzen, Monte Alberdi Aterpetxean, itsasoari begira, egitarau mamitsuarekin: dantza ikastaroak, dantzaldiak, eta gainera…
Bigarren ekimen kolektiboa: Commando Dantzan
Sinadura kanpainaren ondoren, dantzan.com-en aldeko bigarren ekimen kolektiboa aurkeztera gatoz. Oraingoan, dantzariagoa: Euskal Herriko dantza taldeek, dantzariek, musikariek, zaleek... batera egingo dugun bideoa. Jarraian, parte hartzeko azalpenak.
Zure sinadura dantzan.com-en alde
dantzan.com-en aldeko laguntzaile taldea sortu da, eta premiazko kanpaina zabaldu du: dantzan.com-en aldeko babes gutuna. Zerbitzu honek bizirik eta indartsu jarrai dezan nahi duten norbanako eta erakunde guztiek sina dezakete babes gutuna: dantza talde, elkarte, erakunde, dantzari, dantzazale... edo dantzan.com-en edozein zale. Babes gutuna eta sinadurak erabiliko dira erakundeei adierazteko zilegi dela, eta beharrezkoa, dantzan.com zerbitzua diru publikoz babestea, euskal dantza tradizionalaren onerako.
Zuberoako maskaradak 2012: hemen dira datak
Apirileko lau asteburutan eta maiatzeko batean izango dira maskaradak aurten Zuberoan. Hoki, Muskildi, Urdiñarbe, Lexantzü, Barkoxe eta Gamere-Zihiga dira maskaradak hartuko dituzten herriak. Hona Zuberoako ikastoletako ikasle oihak prestatzen ari diren maskaradek izango duten egutegia:
dantzan.com itxi beharrean gaude
Diru-laguntzen beherakada eta bestelako diru-iturrien urritzearen ondorioz, dantzan.com itxi beharrean aurkitu gara, ezin baitugu orain hamar urte abiatu genuen gune hau ekonomikoki mantentzen jarraitu. Ez dugu amore eman nahi, eta saiatuko gara finantzabidea eskuratzen lehenbaitlehen berriz martxan egoteko, baina bitartean, eta urtarrilaren 1etik aurrera webgunea ezingo dugu elikatzen jarraitu.
Dokumentuaren akzioak
