Dokumentuaren akzioak
Albisteak
Soinua eszenan lantzeko ikastaroa Gipuzkoako Dantzagunean
Hamalauzanko elkarteak eszena eremuan soinuaren erabilera nork bere gorputzetik abiatuta lantzeko ikastaroa antolatu du. Itziar Madariagak emango du ikastaroa datorren abenduaren 11an.
Maitasuna dantzan eta dantzan maitasuna
Dantza taldeetan elkar ezagutu eta familia sortutakoak asko dira. Lizarrako Francisco Beruete dantzari ohien elkarteak gai horren inguruan jardunaldiak antolatu ditu. Erakusketa, hitzaldiak eta mahai-inguruak izango dira.
"Erotismoa Euskal Dantzan", jota eta porruek Arratia, Dima eta Zeberioko erara
Andra Mari Eusko dantzari taldean 55. urteurrena ospatzen dogula eta, une egokia iruditu jaku urteetan bildutako ezagutzak DVD didaktiko batean biltzeko.
Marina Weiner-en "El Cuerpo Deshabitado" La Fundicion-en
"Harriduraren disekzioa, teontziaren autopsia edota nahasmenaren anatomia"; edozein kasutan ere,... nahiz eta soluzioa aurkitu, ezer erantzungo ez lukeen puzzle baten zati hautsiak... Historia hautsi egin da.
Oskorrik, Eskerrik asko dantzariei
Benetan zoragarria izan da. Inongo propagandarik gabe, soilik e-mailen bitartez deiturik, bost hirietan ongi entsaiatutako ia ehuna dantzari biltzea oso ustegabe ederra izan zaigu. Gure CD-DVDa plazaratu baino bost hilabete lehenago, 1000tik gora dantzari Dantza Klubean ikasita izatea, eta horietatik ia 500 filmazioetara etortzea ez da marka makala gero!
Pasaiako 30. aurresku txapelketa jokatuko da larunbatean
Datorren azaroaren 27an, larunbatean, arratsaldeko 19:00etan jokatuko da Pasaian "Euskadiko XXX. Gipuzkoar Aurresku Txapelketa", Pasaiako Udala, Gipuzkoako EDBk eta Alkarkide elkarteak antolatuta.
Malandain Ballet Biarritzen Romeo & Julietaren entsegua, Victoria Eugenia Antzokian
Bihar ostirala, azaroak 19, eta datorren larunbata eta igandean Malandain Ballet Biarritzen Romeo eta Julieta lanaren aurkezpena dela eta, konpainiak entsegu ireki bat eskeiniko du Victoria Eugenia Antzokian 19:30ean. Gonbidapenak leihatilan jaso behar dira edukiera agortu arte, halaber, irudiak hartu nahi dituzten komunikabide guztiak, gonbidatuak daude. Asteburuko emanaldiak 20:00etan izango dira.
Andra Mari dantza taldearen 55. urteurrena
Andra Mari Dantza Taldearen 55.urteurrena dugu aurtengo hau. Urteurren honetan hainbat dira azaro honetan egingo diren ekitaldiak. Hauen artean ondorengo hauek azpimarratu nahi ditugu:
Manuel Delgadoren hitzaldia Iruñean, Ortzadarren jardunaldiak borobiltzeko
Urrian ospatu ziren Ortzadarren Folklore Jardunaldietan, Manuel Delgado antropologoak ezin izan zuen bere hitzaldia eskaini. Datorren azaroaren 19an izango da Iruñean, atzeratutako aurkezpena egiteko. Hiri-koreografiak izango ditu hizpide.
Asier Zabaleta "Golden Mask" sarietarako hautagai izendatu dute
Asier Zabaleta "koreografo onenaren" atalean Errusiako "Golden Mask" sarietarako hautatua izan da Arantza Balentziagak, Ertza konpaniako lankideak jakinarazi digunez. Cheliabinsk-eko dantza garaikideko konpainiarentzat egindako "Next in Line" lana aintzat hartu du epaimanahaiak. Arte eszenikoen Errusiako sari garrantzitsuak dira "Golden Mask" izenekoak.
Dokumentuaren akzioak
