Euskal Herriko inauterietan agertzen diren hainbat mozorrok kapela konikoak, kapiroteak edo ttuntturroak janzten dituzte buruan. Burukoarekin batera, sarri, aurpegia estaltzen dute maskarekin. Euskal Herritik kanpo ere ohikoa da neguko jaietan kono itxurako txapelak erabiltzea, besteak beste, Galizia, Asturias eta Kantabrian.
Euskal Herriko ezagunenetarikoak Ituren, Zubieta eta Aurtizko joaldunen ttuntturroak direla esango genuke. Batzuetan joaldunei ttuntturro deitzen zaie, kapelaren izena erabiltzen baita mozorroa bera izendatzeko. Bi herrietako ttuntturroak antzekoak dira, baina ez dira berdinak. Ana Erasunek twitterren luzatu du galdera, ea norbait gai den Iturengo eta Aurtizko ttuntturroak bereizteko.
Kapela konikoak Euskal Herriko folklorean aztertu zituen Jose Antonio Quijerak eta ikerketan ikusi zuen Euskal Herriko bi eremutan, bakoitzean ezaugarri jakinekin, agertzen direla ttuntturroak. Atlantiko aldean inauterietanagertzen dira eta Mediterraneo aldean, batik bat, udako festetako hainbat dantzetan. Sarrera honetan inauterietako ttuntturroak bildu ditugu.
Joana Artza
