Edukira salto egin | Salto egin nabigazioara

Tresna pertsonalak
Hemen zaude: Hasiera › Komunitatea › Ezpalak jaialdia › Ortzadar Euskal Folklore Elkartea ― Iruñea, Nafarroa

Dokumentuaren akzioak

Ortzadar Euskal Folklore Elkartea ― Iruñea, Nafarroa

Ezpalak jaialdia Ezpalak jaialdia
2018/05/10 16:24
Ortzadar Euskal Folklore Elkartea ― Iruñea, Nafarroa

Euskal dantza tradizionalaren inguruko taldeak eskuko hatzekin izendatzen hasi eta Iruñeko Ortzadar tartean sartzen ez duenak, edo zenbatzean edo hatzekin, baina ez da erabat zuzen ari.

Elkartea 1974. urtean sortu zen Iruñeko hainbat dantza-taldetako zenbait dantzari eta musikari bilduta. Hortik ere egoki ematen du taldearen izenak. Hasiera-hasieratik Euskal Herriko eta batez ere Nafarroako kultura, musika, kantu eta dantza tradizionalaren ikerketa, berreskurapena eta hedapena izan ditu helburu nagusitzat, hala landa-lan ugariren bitartez, nola jardunaldi, ikastaro eta sorkuntza-ikuskizun bat baino gehiago bitarteko direla. Adibide gisa, urtero antolatzen dituen Folklore eta Kultura Tradizionalaren jardunaldiak XXXII. ediziora iritsi ziren 2017an. Ehun eta hogei bazkidetik gora ditu gaur egun Ortzadarrek, eta Olentzero edo Santa Agedaren inguruko ospakizunetan ere parte hartzen du.

Ezpalak jaialdira ikerketa lan horren ondoren batekin dator. Ortzadarrek, beste batzuen artean, Nafarroako Erriberako zenbait paloteado berreskuratu eta berreskuratzen lagundu du, eta Erribera izendatu duen emanaldia eskainiko du. Eskualde hartako hainbat herritako dantzen ezaugarriak identifikatu ahal izango ditugu iruñarren jardunean, ez baita alferrik, esaterako, Cabanillaseko paloteadoaren 2014ko aurkezpen saioan Ortzadarreko kide Mikel Aranburu aholkulari eta hizlarietako bat izatea mahaian.

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Ezpalak jaialdia

Ezpalak jaialdia

Duguna eta Kezka dantza taldeek antolatuta, 2018ko maiatzaren 26an eta 27an burutuko da Ezpalak Dantza Tradizionalaren Nazioarteko Jaialdia Iruñean eta Eibarren.

Ezpalak2018-txiki

Orain arteko Ezpalak

2006 Ezpata-dantzak
2007 Makila-dantzak
2008 Arku-dantzak
2009 Karaktere-dantzak
2010 Dantza-jauziak
2011 Bikoteko dantza soltea
2012 Zinta-dantzak
2013 Sorgin-dantza eta bere ezpalak
2014 Ttun-ttuneroak dantzari begira
2015 Soka-dantzak
2016 Ezpata-dantzak
2017 Zaldikoak dantzan
2018 Giza-dorreak