Edukira salto egin | Salto egin nabigazioara

Tresna pertsonalak
Hemen zaude: Hasiera › Komunitatea › Ezpalak jaialdia › Jo makilak, dantzatu oinak!

Dokumentuaren akzioak

Jo makilak, dantzatu oinak!

Ezpalak jaialdia Ezpalak jaialdia
2007/05/10 11:29
Folklorean urrutiko exotismoa eta bertako berezitasunak eta diferentziak bilatzen dira maiz. Oraingoan, berriz, antzekotasunak aurkitzeko jolasean sartu nahi izan dugu. 2006ko Eibarko ezpata-dantzen jaialdian egin genuen bezala, Iruñea eta Eibarko makila-dantzen jaialdi honetan ere kanpora atera gara hango dantza tradizionalen berri izan nahian. Baina, urruti joanda ere, gure dantzen traza eta airea dutenak aurkitu ditugu mugez gaindi. Hizkuntza, paisaia eta kultura aski desberdinak izan arren, dantza tradizionaletan hurbiltasun harrigarriak ditugula erakutsi nahi dugu jaialdi honen bidez. Antzuola, Cortes edo Otsagabiako dantzariek Portugalgo Miranda de Douro, Ingalaterrako Bacup, Kataluniako Terrasa edo Castello-ko Todolellako dantzariekin dituzten lokarriak ekarri nahi izan ditugu Iruñea eta Eibarko ikusleen aurrera.

Europako dantza tradizio zahar eta zabalduenetakoa dugu makila-dantzena. Zortzi dantzari, apaingarriak buru eta bularrean, txintxarriak belaun azpian eta makilak eskuetan. Makilak jo eta oinak dantzatu. Urteak eta mendeak agortuko ditugu, belaunaldi osoak hustuko dira, eta halaz ere, han eta hemen, makila-dantzek bizi-bizirik diraute. Bai, gure XXI. mende hasiberri honetan ere makila-dantzekin gozatzen jarraituko dugu, ez izan dudarik.

Dokumentuaren akzioak

2008/02/21 13:34

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Ezpalak jaialdia

Ezpalak jaialdia

Duguna eta Kezka dantza taldeek antolatuta, 2018ko maiatzaren 26an eta 27an burutuko da Ezpalak Dantza Tradizionalaren Nazioarteko Jaialdia Iruñean eta Eibarren.

Ezpalak2018-txiki

Orain arteko Ezpalak

2006 Ezpata-dantzak
2007 Makila-dantzak
2008 Arku-dantzak
2009 Karaktere-dantzak
2010 Dantza-jauziak
2011 Bikoteko dantza soltea
2012 Zinta-dantzak
2013 Sorgin-dantza eta bere ezpalak
2014 Ttun-ttuneroak dantzari begira
2015 Soka-dantzak
2016 Ezpata-dantzak
2017 Zaldikoak dantzan
2018 Giza-dorreak