Hemen zaude: Hasiera Komunitatea Ezpalak jaialdia Irrintzi dantza taldea – Zumarraga (Gipuzkoa)

Dokumentuaren akzioak

Irrintzi dantza taldea – Zumarraga (Gipuzkoa)

2016/05/16 04:20

Uztailaren 2an, Santa Isabel egunez, Antioko ermitan egiten den egun osoko festak kutsu berezia du zumarragar zein urretxuar askorentzat. Bertan Zumarragako ezpata-dantzak hartzen du festako protagonismo nagusia. Goizean goiz dantzariek, txistulariekin batera, Antio aldera jotzen dute, oinez. Meza nagusia baino lehen, eliza barruko dantzak egiten dira aldare aurrean, Ama Mariaren ohorez; meza bukatu eta gero kanpoan, herritar guztien aurrean. XVI. mendetik aurrera dantza eta festa honen inguruko informazioa ugaria da.

Badira 50 urte Irrintzi Dantza Taldeak eta Antxinako Ama Txistulari Taldeak egun honetan dantzan egin eta txistua jotzeko ardura hartu zutenetik, eta oraindik ere horretan dihardute. Hainbeste urtetan erritoak hainbat aldaketa eta anekdota izan ditu. Esaterako, 2015. urtean neskek lehen aldiz egin ahal izan zuten Zumarragako ezpata-dantza. Dantza talde osoarentzat nahiz herritar askorentzat egun berezia izan zen.

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Ezpalak jaialdia

Ezpalak jaialdia

Duguna eta Kezka dantza taldeek antolatuta, 2017ko maiatzaren 27an eta 28an burutuko da Ezpalak Dantza Tradizionalaren Nazioarteko Jaialdia Iruñean eta Eibarren.

Orain arteko Ezpalak

2006 Ezpata-dantzak
2007 Makila-dantzak
2008 Arku-dantzak
2009 Karaktere-dantzak
2010 Dantza-jauziak
2011 Bikoteko dantza soltea
2012 Zinta-dantzak
2013 Sorgin-dantza eta bere ezpalak
2014 Ttun-ttuneroak dantzari begira
2015 Soka-dantzak
2016 Ezpata-dantzak
2017 Zaldikoak dantzan