Edukira salto egin | Salto egin nabigazioara

Tresna pertsonalak
Hemen zaude: Hasiera › Komunitatea › Ezpalak jaialdia › Antzuolako Oinarin dantza taldea

Dokumentuaren akzioak

Antzuolako Oinarin dantza taldea

Ezpalak jaialdia Ezpalak jaialdia
2007/05/09 16:06

Antzuolak, beste ohitura batzuen artean, zenbait dantza berezi gorde ditu.

Izan ere, Gipuzkoako hainbat dantzarekin zerikusirik izan arren, badituzte aldeak ere.

Trokeo-dantza bezala ezagutzen ditugun egungo dantzak 1845. urteko erreferentzietan agertzen dira lehendabizi: makila-txikiak eta makila-handiak aipatzen dira. Gerora, 1878.urtean, trokeo-dantzak eta zinta-dantza agertzen dira, eta 1886. urtetik aurrera, uztai edo arku-dantza. Dantza horiek guztiak dira, gaur egun, uztaileko hirugarren larunbatean eta Mairuaren Alardearen ondoren egiten direnak.

Lau dantza horietatik gehien bereizten dena makila-txikiena da. Antzuolan dantzatzen den Boastitzea ez da inongo makila-txiki dantzetan ikusten. Doinua ere berezi samarra da.

Orain hamalau urte Oinarin dantza taldea izena eman zioten taldeari; dena den, lehenagotik sortutako dantza taldea da. Haur, gazte eta nagusiez osaturik dago, eta 100 dantzari inguru ditu gaur egun. Antzuolarren dantza zaletasuna erakusten duen aipamena 1576. urtean agertu zen lehenengo aldiz parrokiako eta udaletxeko liburuetan; orduko dantza taldea hamabi dantzarik eta buruzagiak osatzen zutela azaltzen da.

Nazioarteko Makila-dantzen jaialdian parte hartuko du:

  • Maiatzaren 20an Eibarren

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Ezpalak jaialdia

Ezpalak jaialdia

Duguna eta Kezka dantza taldeek antolatuta, 2018ko maiatzaren 26an eta 27an burutuko da Ezpalak Dantza Tradizionalaren Nazioarteko Jaialdia Iruñean eta Eibarren.

Ezpalak2018-txiki

Orain arteko Ezpalak

2006 Ezpata-dantzak
2007 Makila-dantzak
2008 Arku-dantzak
2009 Karaktere-dantzak
2010 Dantza-jauziak
2011 Bikoteko dantza soltea
2012 Zinta-dantzak
2013 Sorgin-dantza eta bere ezpalak
2014 Ttun-ttuneroak dantzari begira
2015 Soka-dantzak
2016 Ezpata-dantzak
2017 Zaldikoak dantzan
2018 Giza-dorreak