Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Dantzan Munduko euskaldunak soka berean aurreskua dantzatuz

Dokumentuaren akzioak

Munduko euskaldunak soka berean aurreskua dantzatuz

2019/12/06 08:00
Munduko euskaldunak soka berean aurreskua dantzatuz

Euskaldunak Kalifornian erakusketaren irekieran dantzatutako aurreskua, Bilbon, Euskal Museoan, 2019-10-03. Argazkia: Irekia.

Euskal Gizataldeak Munduan VII. Kongresuaren baitan, Euskaldunak Kalifornian erakusketa ireki da Bilboko Euskal Museoan urriaren 3an. Bertan izan dira kongresuan parte hartzera etorritako munduko hainbat lurraldetako euskaldunak. Hitzartzeekin hasi aurretik, guztiak batera soka batean batu, eta elkarrekin aurreskua dantzatu dute.

Aurreskua Euskal Museoan 2019
Euskaldunak Kalifornian erakusketaren irekieran dantzatutako aurreskua, Bilbon, Euskal Museoan, 2019-10-03. Argazkia: Irekia.

Sokan sartu dira munduko hainbat txokotako euskaldunak, Boise, Montevideo, Londres, Salt Lake City, Reno, Mar de Plata, Gasteiz edo Necocheakoak, eta tartean, William Douglas, euskal kultura eta identitateari buruz nazioarteko ikerketan aitzindaria. Aurresku hori bideratzeaz arduratu dira dantzan.com, Kezka dantza taldea eta Usartza txistulari taldea. 

Aurreskua Euskal Museoan 2019
Euskaldunak Kalifornian erakusketaren irekieran dantzatutako aurreskua, Bilbon, Euskal Museoan, 2019-10-03. Argazkia: Irekia.

Aurreskua Euskal Museoan 2019
Euskaldunak Kalifornian erakusketaren irekieran dantzatutako aurreskua, Bilbon, Euskal Museoan, 2019-10-03. Argazkia: Irekia.

Sokan Euskal Museoko klaustro ederrean, Mikeldiren idoloaren alboan, ingura-minguran hasi ondoren, desafioa dantzatu dute aurresku eta atzeskuek. Zerbitzariek lehen gonbidatua plazaratu dute aurreskuak agurra dantza diezaion. Patty Miller izan da lehen gonbidatua, Boiseko Euskal Museo eta Kultur Etxeko zuzendaria, eta bere aurrean dantzatu du aurreskuak. Bigarren gonbidatu berezia Asun Garikano, idazlea eta Ameriketako euskaldunen historiaren ikertzailea izan da, eta atzeskuak dantzatu du bere aurrean. 

Aurreskua Euskal Museoan 2019
Euskaldunak Kalifornian erakusketaren irekieran dantzatutako aurreskua, Bilbon, Euskal Museoan, 2019-10-03. Argazkia: Irekia.

Aurreskua Euskal Museoan 2019
Euskaldunak Kalifornian erakusketaren irekieran dantzatutako aurreskua, Bilbon, Euskal Museoan, 2019-10-03. Argazkia: Euskal Museoa.

Banan-banangoa sokako guztiek dantzatzeko aukera izan dute, bakoitzari beren txanda iritsi ahala, pauso batzuk aurrera egin eta bakarka dantzatu dute hainbat kidek. Munduko euskaldunek, beste behin erakutsi dute euskal dantzaren hizkuntza menderatzen dutela, euskal dantzak batzen gaituela bateko eta besteko euskaldunak, gorputz-lengoaia bera konpartitzen dugula. 

Aurreskua Euskal Museoan 2019
Euskaldunak Kalifornian erakusketaren irekieran dantzatutako aurreskua, Bilbon, Euskal Museoan, 2019-10-03. Argazkia: Irekia.

Aurreskua Euskal Museoan 2019
Euskaldunak Kalifornian erakusketaren irekieran dantzatutako aurreskua, Bilbon, Euskal Museoan, 2019-10-03. Argazkia: Irekia.

Aurreskua Euskal Museoan 2019
Euskaldunak Kalifornian erakusketaren irekieran dantzatutako aurreskua, Bilbon, Euskal Museoan, 2019-10-03. Argazkia: Irekia.

Fandango eta arin-arin eta azken kalejira alaiarekin, gorputzak berotuta eta soka-kide guztien arteko harremana tinkotuta bukatu da soka-dantza. Hizlarien ekarpenak entzun eta erakusketa bisitatzeko unea iritsi da.

Aurreskua Euskal Museoan 2019
Euskaldunak Kalifornian erakusketaren irekieran dantzatutako aurreskua, Bilbon, Euskal Museoan, 2019-10-03. Argazkia: Irekia.

Aurreskua Euskal Museoan 2019
Euskaldunak Kalifornian erakusketaren irekieran dantzatutako aurreskua, Bilbon, Euskal Museoan, 2019-10-03. Argazkia: Irekia.

Aurreskua Euskal Museoan 2019
Euskaldunak Kalifornian erakusketaren irekieran dantzatutako aurreskua, Bilbon, Euskal Museoan, 2019-10-03. Argazkia: Euskal Museoa.

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Dantzan

Dantzan

Dantzan elkartea 2002an sortu zen dantzan.eus (dantzan.com hasieran) kudeatzeko. Gaur egun euskal dantzaren inguruko informazioa, albisteak, bideoak, agenda eta bestelakoak sareratzen dituen dantzan.eus webguneaz gain, dantzaren lotutako beste zenbait jarduera burutzen dira elkarte honetatik, adibidez:

  • Euskal dantza irakasleen formaziorako jarduerak antolatu eta eskaintzen ditugu Gipuzkoako Foru Aldundiaren Dantzan Ikasi programaren bidez. 
  • Gipuzkoako Dantzagunearen kudeaketan parte hartzen dugu Dantzaz elkartearekin eta Eragin enpresarekin batera osatzen dugun Ondare2.0 Aldi Baterako Enpresa Elkartearen bidez. 
  • Euskal dantzaren artxibora begira Eusko Jaurlaritzaren ekimenez burutzen ari den euskal dantzaren ikusentzunezko artxiboen digitalizazio programan parte hartzen dugu Eresbilen bitartez.
  • Hainbat dantza ekitaldiren antolaketa eta kudeaketan parte hartzen dugu, hala nola Gipuzkoako Urrezko Dominaren ezpata-dantza Gipuzkoako Diputazioaren eskariz eta Ikerfolk elkartearekin elkarlanean edo Gaztemundu Dantzan programa, Eusko Jaurlaritzaren enkarguz, besteak beste.
  • Dantzarekin lotutako aholkularitza, informazio eta dokumentazio zerbitzua eskaintzen dugu, bai , bai telefonoz (943 53 04 40), bai Eibarren dugun bulego nagusian

 

Dantzan

Ubitxa 16-18, behea
20600 Eibar
+34 943 53 04 40
dantzari@dantzan.com