Dokumentuaren akzioak
Lotuneak: Ekialdeko arin-arinak
Beste bitxikeri baten berri gaurkoan.
Gure plazetan gehien dantzatzen den dantza bikotea dugu fandangoa eta arin-arina edo, kopla izatekotan, jota eta porrusalda.
2/4 erritmoa duten arin-arin edo porruari erreparatuko diegu gaurkoan, izan ere, parekotasunak topatu baititugu hemengo eta ekialdeko zenbait doinuren artean.
Entzun dezagun George Enescu biolinjole errumariarraren "Perinita" doinua (Moldaviako eztei-doinua omen).
19. segundutik aurrera oso ezaguna egiten zaigun doinua jotzen du Enescu-k. Europa ekialdean zabaldu samarrik dagoen doinua dirudi, Errumanian ere baliatzen baitute dantzarako.
Gure doinuei ere erreparatuko diegu, izan ere aurrekoaren oso antzekoa da Joxe Peña Gozategik muxukitarrarekin jotzen duen hauxe:
Euskal Herriko eta Europa ekialdeko 2/4ko doinu hauek duten antzekotasuna ikusita, imajinazioa martxan jarri eta pentsa dezakegu horiek dantzatzeko manerak ere antzekoak izan daitezkeela. Ekialdeko dantzari hauen dantzakerak burura ekartzen dit gureekin ere badutela antzekotasunik.
Han eta hemen badugu non ikasi!
Dokumentuaren akzioak
Erantzun
Aritz Ibañez Lusarreta
Iruñea (1979)
Iruñeko Duguna dantza taldeko dantzaria 11 urte nituenez geroztik. Donostiako Argia taldean ere aritzen naiz dantzan. Eibarko Arrateko Amaren dantzarien kofradiako eta Andoaingo Santa Kruzeko ezpata-dantzarien kofradiako kide ere banaiz.
Jasotako azken erantzunak
- Patxi Laborda on Nafar eta zuberotar dantzariak Bartzelonako 1929ko Nazioarteko Erakusketan
- Aritz Ibañez Lusarreta on Yanza yauci, zortzitan sinple eta burrunba dantza, 1920an Iruñean
- Ekaitz Santazilia on Yanza yauci, zortzitan sinple eta burrunba dantza, 1920an Iruñean
- Ekaitz Santazilia on Yanza yauci, zortzitan sinple eta burrunba dantza, 1920an Iruñean
- Pierre Latasa Goya on Lotuneak: Sorginak, Satanak, Dumollet jauna eta haurren lauhazka 2016/10/30
- Aritz Ibañez Lusarreta on Bidador pastorala: auzolanean uxatu dugu betiko agorraldia 2016/03/31
- Oier Araolaza on Bidador pastorala: auzolanean uxatu dugu betiko agorraldia 2016/03/31
- Aritz Ibañez Lusarreta on Iruñeko Baltasar: korapilatutako mataza 2016/01/04
- Xabier Etxabe on Iruñeko Baltasar: korapilatutako mataza 2016/01/04
- Aritz Ibañez Lusarreta on Plazako dantzen sukarra Iruñea aldean 2015/03/10
Ikerketa hau ere ona, Aritz.
Lehenago ere ikusi izan ditugu dantzan.com-en ekialdeko ijitoen jota itxurako dantza bideoak.
Niri ere gertatu izan zait. Europa ekialdeko ehundik gora dantza ikasi eta dantzatu izan ditut (bereziki gustuko ditudalako), eta noiz edo noiz, musika pasarte batek edo dantzaren pasarte batek gure doinuak edo dantzakera ekartzen dizkit gogora.
Hori bai, zure gaurko honetan bezainbeste... ez dut uste. Edo ez naiz konturatu, behintzat.
A ze lanak hartzen dituzun! Baina gustura egiten baduzu... nire ustez behintzat oso lan interesgarria da, adibide onak aurkitzen dituzulako.
Eskerrik asko
Ikerketa ez nioke deituko, izan ere bilatu baino, topatu egiten ditut.
Segi bizkor!