Jakin liteke argazki bati begira zein mutil-dantza egiten ari diren?
1929ko nafar dantzarien Bartzelonarako bidaiari buruzko aurreko asteko sarreran goiko argazki hau argitaratu nuen, besteak beste.
Bertan, Bartzelonara Baztanetik heldutako dantzariak agertzen dira mutil-dantza bat dantzatzen. Kroniketan Muxikoak, Añoarxume, Zazpi-jauziak, Zozoarena... aipatuak dira. Baina jakin liteke argazki bati begira zein mutil-dantza egiten ari diren? Nora Salbotx-en bidez Patxi Larralderen ohar hauek jaso ditugu:
Atzera begira puntuak markatzen ari direlako?
— Oier Araolaza (@oaraolaza) December 11, 2020
Ebatsi baten lehenengo pultsazioko bigarren denboran daudelako gorpuzkerari begiratuta.
— nOrA (@construktsia) December 11, 2020
"Aitzinetik gibelerat baden ebatsi bakarra hura da.
— nOrA (@construktsia) December 11, 2020
P.D: ezker batekin ebatsiz Ardoaine Añoar-handi Tellarinen ageri da. Gibelat pasa ebatsiz Tellarinen. Baina hoiek ez da uste dantzatu zirenikan".
Ttunttuneroak dixit.
Beraz, bai!
Nora eta Patxiren oharrak berretsi nahian, 2014an Arizkunen dantzatutako Añoar-xumeren bideoa kuxkuxeatzera joan naiz eta... ttak!
1929. urteko Bartzelonako Nazioarteko erakusketan aritu ziren baztandar dantzariak ezingo ditugu ekinean ikusi, baina bai, ordea, 2014koak! Gozatu: