Soberako Alardeak

Julen Leuza Izkue

2013/09/08 23:41

Hondarribian eta Irunen

Aspaldian ez da giro:

jende tropa bat, lerro luzeak,

damak zaldian astiro...

Fusilarekin apuntatuta

oker egin dute tiro!

Eskarmenturik ez dugu hartzen

karramarroak berriro.

Zeren izenean alardeak?

Nor edo zer gogoratuz?

Historiako gauza hauekin

ibili gaitezen kontuz!

Nola egin daiteke besta bat

emakumeak baztertuz?

Bete ditzagun kale ta plazak

elkar hartuta dantzatuz!

Ez dago ezer ospatzekorik,

dakien orori galde,

ez badugu nahi agertu orain

jaun arrotzaren mirabe.

Aldatu jaiaren esanahia,

inor ez baztertu gabe,

edo bestela gisa hontako

alardeak soberan daude.

Nafarroan berriz elkartzea,

lehen bezala, ordea,

izan liteke amets eder bat:

herri batentzat xedea.

Anai-arrebak aske biziko

ginatekeen lurraldea,

Hori bai egun seinalatua

ospatzeko alardea!

BAI IRUNEN BAITA HONDDARBIN

BAI IRUÑEAN BAITA GRANADAN

HAU EROKERIA MUNDIALA

ETXEKOEN PORROTA OSPATZEA

Mikel Areta

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.