Bideoak

Bizirik dirau Pina Basuchen ondareak

Pina Bausch dantzari eta koroegrafoaren Tanztheater Wuppertal dantza-antzerki konpainiari buruzko dokumentala dugu ikusgai bideo honetan. Pina Bausch (Alemania, 1940) dantza garaikidean aitzindarietako izan zen eta proposamen aurrerakoi eta berritzaileak aurkeztu zituen. Bere dantza-antzerkiaren pisu emozional eta espresionista ondorengo belaunaldientzat inspirazio izan da. Artista entzutetsuaren heriotzaren hamargarren urteurrena gogoan, Anna Linselek Pina Bauschek utzi duen ondarearen eta konpainiaren etorkizunari buruzko gogoetak azaleratzen dituen dokumentala zuzendu du. Nola mantendu daiteke horrelako ondarea bizirik? Nola transmititu daiteke Pinaren lana? Nola txertatuk daitezke ideia berriak? Tanztheater Wuppertal konpainiaren prestaketetako eta ikuskizunetako irudiak jaso dira dokumentalean. Baita, konpainiako egungo zuzendari eta dantzarien edota Pinaren ibilbidea gertutik ezagutu duten kide eta etxekoenak ere. Bizirik dirau Pina Basuchen ondareak, Anna Linsel, 2019.