Maskaradak Zuberoan 1968 urtean

Altxor ederra da hau. Besteak beste Gat Aran atabala jotzen ikusteko aukera eskaintzen digu, zorte hori izan ez genuenoi. Dantzarien artean harrigarria iruditu zait Enseinaria, ikaragarri ona da. Zer ditu oinetan, malgukiak? Inork badaki nor den?

Bikaina bideoa! Gaur egunekiko aldaketa zenbait ere ikusten dira (40 urtetan), tradizioa kontu bizia den erakusgarri bizia. Oier-ek aipatzen duen entseinariaz gain (bere dantzakera eta maskaradaren baitan duen paper "askea" egiten zait niri deigarri), barrikadetan herrikoek aitzindariei egiten dieten "desafioa" (emazte hori barne), Pitxuren parte-hartze ia etengabekoa ofizioetan eta muxikoak dantzatzen dituzten adineko gizon horien dotorezia!

Nik ere ikusi dut bideoa. Ederra da benetan.

Bide batez, eskertu nahi dut dantzan.com-eko lantaldea, berriro martxan jarri direnetik korreoa gainezka daukagulako dantzaren inguruko informazioarekin, eta tarteka klase honetako altxorrekin. Batzuetan ematen badu ere inork ez duela kasorik egiten, ez da hala; besarkada handi bat eta nire animorik beroena!

Xabier Etxabe.

Eskerrik asko Xabier!

Mixel Etxekoparren bitartez jakin ahal izan dudanez, entseinaria Beñat Aranburu da (Altzuruku Ahantxetakoa).

Niri, begietara iritsi zaidana maskaradako segizioarekin batera festan parte hartzen duten herritar dantzariak dira. Barrikadan nola festa bukaerako jauziak egiterakoan beraien dantzatzeko modu dotorea . Ezagun da asko dantzari bikainak direla, ez bakarrik urratsak eta aldairak ondo osatzen dituztelako, baizik eta beraien dantzakera, gorputza paratzeko modua eta mugitzeko elegantzi landua gaur egun eta testu inguru horretan (eta ez naiz Zuberoari bakarrik ari) ohikoa ez delako.
Ikus Guilcherrek Zuberoan grabaturiko filmak eta atari honetan eskura ditugunak.
Non bukatzen da dantzatzeko modu, demagun, “akademikoa” eta non hasten dantzatzeko modu “herrikoia”?
Hor badago eredu bat, agian gure herriko leku gehiagotan hedaturik zegoena eta egun galdu duguna.
Herria dantzan.

Beñat Aranburu da beraz dantzari ikaragarri hori. Mila esker Aritz peskisagatik!
Bai Iñaki, niretzat herritarren "gorputz espresioa" nabarmena da. Dantzarako aire berezi bat dute, tentea, dotorea, airosoa. Nik esango nuek formazio akademikoa (zuberotar dantzetako trebakuntza sistematikoa bezala ulertua) testuinguru erlaxatuan agertzen denean, antzematen dela eredu hori bere ederrenean.

Eskerrikasko Xabier! Asko estimatzen ditugu zure besarkada eta animoak. Gu gozatzen ari gara, eta altxor hauek gozatzen ez dituenak berak galtzen du!