Dokumentuaren akzioak
Albisteak
Mutxiko Elkartea 2010. urteko Boise-ko Jaialdira
2010. urtean ospatuko dute Boisen (AEB) Nazioarteko euskal kulturaren jai erraldoia: Jaialdi. Bost urtetan behin ospatzen dute jai handi hau eta Estatu Batuetako euskal komunitatearendako biltoki bilakatzen da, baina Euskal Herritik abiatutako gisa ezberdinetako taldeek ere parte hartzen dute bertan. Antolatzaileek jakinarazi dute Euskal Herriko zein bi taldek parte hartuko duten heldu den urtean: Hendaiako Mutxiko Elkartea eta Gipuzkoako Txorimaloak Soinu Taldea.
Dantzari beteranoen I. dantza solteko topaketa, Errenterian
Heldu den irailaren 26rako (larunbata) dantzari beteranoen I. dantza solteko topaketa antolatu du Beti Prest dantza taldea elkarteak Errenterian. Dantzariei harrera, mahai ingurua eta ondoren dantza emanaldia antolatu dute egun horretarako. Hona hemen egitarau osoa:
Kukai-Tanttakak modu arrakastatsuan amaitu du Kolonbia eta Ekuadorren egindako bira
Hnuy Illa ikuskizunarekin egindako biratik "oso pozik” itzuli dira konpainiako kideak. Orotara lau emanaldi eskaini dituzte Manizales, Quito, Manta eta Guayaquil hirietan. Guztietan ere, hiri horietan osopatu diren Naziorteko Arte Eszenikoen jaialdietan hartu du parte Kukai-Tanttakak. Manizaleseko kasuan, jaialdiaren inaugurazio ekitaldia hartu zuen parte eta Quito zein Guayaquilen jaialdia ixteko ardura izan zuen.
Munduko dantzak Bilbon, Euskal Herriko dantzak Madrilen
Bi dantza jaialdiren berri ematera gatoz gaurkoan. Lehenengoa "Munduko Jendea - Gentes del Mundo" izenekoa, Bilbon egiten ari dena irailaren 14tik 20ra. Bestea, "Danzorum" Madrilen egitekoa dena irailaren 19an eta 20an. Azken honetan, Euskal Herriko dantzen tailerra izanen da Patxi Monteroren eskutik.
Haizea Ormaetxea eta Ander Navarro Bizkaiko aurresku txapeldunak
Pasa den irailaren 6an jokatu da Ondiz-en, Leioan, Bizkaiko 39. aurresku txapelketa. Haizea Ormaetxea nesketan eta Andera Navarro mutiletan izendatu zituzten txapeldunak. Bi txapeldunen aurreskuak ikus ditzakezue bideo hauetan Youtubeko encix erabiltzaileari esker.
Dantza Hirian 09
Irailaren 15etik 27ra burutuko da Donostia, Errenteria, Irun eta Baionan, besteak-beste, Dantza Hirian 09 ekimena. Dantza garaikidea kaleratu eta jendearengana hurbiltzeko ekimena da Dantza Hirian eta Europako "Dantzatzen diren hiriak" egitarau zabalaren baitan kokatzen da. Heldu den urtean ekimenari buruzko argazki erakusketa egin nahi dute eta ikusleek emanaldien argazkiak egiteko deialdia zabaldu dute antolatzaileek.
Bihar hasiko da Maitaldia Biarritzen
Hamar egunez, irailaren 11tik 20ra, Biarritz dantzaz beteko du Maitaldiak. "Deabruak dantzan!" lelopean, kultura, garai eta genero guztietako emanaldiekin osatu da aurten ere Le temps d'aimer - Maitaldiaren egitaraua. Hona egitaraua:
‘Aiko’ taldeak heziketa-eskaintza berritu du
Bizkaian aurten herririk herri ibili diren ‘Dantzaldi Ibiltaria’ zikloko tailerren lehen edizio arrakastatsuaren haritik, Aikok izena emateko aukera eskaintzen du orain Erandio, Durango, Areatza, Gernika, Sopela eta Sodupen urritik ekainera bitartean egingo dituen ikastaroetarako
Dantza emanaldiak Luna Krea jaialdian
Luna Krea, Gasteizen antolatu duten arte jaialdi baten izena da. Irailaren 11an (ostirala) izanen da, gauez. Artista gazteez beteko dira Gasteizko kaleak ekitaldi honetan. 200 artistatik gora hiria hartuko dute diziplina anitzeko 50 proposamenekin. Dantza, musika, ikus-entzunezko emanaldiak, antzerki emergentea, moda, soinu-instalazioak, mikro-hitzaldiak... Hemen dantza emanaldiei erreparatuko diegu.
Dantza idatzia
Dantza idatzi izan da. Esan nahi baita, historian zehar koreografien mugimendu eta urrats ezberdinei buruzko oharrak hartzeko hainbat sistema idatzi esistitu izan dela. Biarritzeko Mediatekak gai honi buruzko erakusketa antolatu du abuztuaren 20tik irailaren 19ra arte. Irakurketa dantzatu bat eta hitzaldi bat ere antolatu dute gaiaren inguruan.
Dokumentuaren akzioak
