Dokumentuaren akzioak
Herri-ondarearen apropiazio komertziala
Oier Araolaza
Ondare-kulturalaren erabilera komertzialen arriskua presente dugu beti, baina oker ginen pentsatuz marka handi eta arrotzak zirela mehatxua, gutartzat aurkezten dena gertatu baitzaigu ardi-larruz mozorro jantzita hozka egin digun otsoa.
1. Momotxorro maskara herri-ondarea da, komunitate baten irudi sinbolikoa, herritarrek kolektiboki eta anonimoki zaindu eta transmititzen duten herri-jabetza.
2. Herri-kulturaren adierazpen bat marka komertzial batek bere logoarekin "markatzea" ondare kulturalaren desjabetzea da, herri-jabetzaren apropiazio komertziala.
3. Maskara marka komertzial batekin zikintzeak sinbolo kultural eta kolektiboaren esanahia desitxuratzen du. Bere funtzio eta testuinguru kulturala ―inauteri erritoekin eta herri-identitatearekin lotuta zegoena― mespretxatzen du eta proiektu komertzial pribatu horren iragarki bihurtu.
4. Momotxorroa ez da edozein estetika-elementu: bere erabilera, irudikapena eta garapena komunitatearen barne arauen arabera ulertu behar dira. Interes komertzial pribatuekin erabiltzeak jabetza-kolektiboaren ituna hausten du.
5. Momotxorroaren irudia masa-komunikazio eremuetan erakustean lortzen den zabalkundea ezin du berdindu ikur kultural horren jatorrizko jabe den komunitateak. Ondorioz, herri-jabetzakoa zena marka komertzial horri lotzen zaio. Momotxorroaren narratiba kolonizatzen du marka komertzialak: momotxorroa marka horrekin identifikatuko da lehenago, jatorrizko jabea zuen bere komunitatearekin baino.
Dokumentuaren akzioak
Erantzun
Oier Araolaza
Dantzaria naiz. Eibarko Kezka eta Donostiako Argia taldeetan aritzen naiz batez ere, eta Elgoibarko Haritz taldean ikasi nuen zenbait urtez. Dantzan elkartean egiten dut lan, dantzan.eus editatzen, eta dantzaren komunikazioa, dokumentazio, formakuntza eta kudeaketa lanetan oro har.
Blog honetako testuen lizentzia: CC-BY-SA
Alegia, kopiatu, aitortu eta baldintza beretan zabalzazu!
Jasotako azken erantzunak
- Patxi Montero on Dantza utzi du lagunek burla egiten diotelako
- Nekane Barandiaran on Dantza utzi du lagunek burla egiten diotelako
- Oier Araolaza on Dantza utzi du lagunek burla egiten diotelako
- Oier Araolaza on Dantza utzi du lagunek burla egiten diotelako
- Alex Hormaechea Wray on Dantza utzi du lagunek burla egiten diotelako
- Patxi Montero on Dantza utzi du lagunek burla egiten diotelako
- Oier Araolaza on "Dantzaren industria" oximoron bat da
- Patxi Montero on "Dantzaren industria" oximoron bat da
- Oier Araolaza on Eta orain zer?
- Xabier Etxabe on Eta orain zer?
