Edukira salto egin | Salto egin nabigazioara

Tresna pertsonalak
Hemen zaude: Hasiera › Komunitatea › Kezka dantza taldea › Duguna izango dugu Euskal Jaian dantza-gonbidatu nagusia

Dokumentuaren akzioak

Duguna izango dugu Euskal Jaian dantza-gonbidatu nagusia

Kezka dantza taldea Kezka dantza taldea
2024/05/20 17:10
Duguna izango dugu Euskal Jaian dantza-gonbidatu nagusia

Duguna dantza taldea, 2023-10-21. Argazkia: Alex Berasategi.

2024 urte honetan bere sorreratik 75 urte betetzen ari den Iruñeko Duguna dantza taldea izango dugu Eibarko 59. Euskal Jaiaren dantza-gonbidatu nagusia. Iruindarrek jarriko dute dantzan Eibar asteburu osoan. Izan ere, larunbat arratsaldean Dugunako dantzari gaztetxoek eskainiko dute emanaldia Eibarko gaztetxoekin batera.

Duguna - Kezka gaztetxoak 2023
Duguna eta Kezkako dantzari gaztetxoak Iruñean, 2023-07-08. Argazkia: Oier Araolaza - Dantzan cc-by-sa

Igande eguerdian Duguna talde nagusia, Iruñeko festa ofizialetan udal dantza taldearen jantzian dantzatzen dena arituko da. Sanferminetako trokeo-dantzak eta urteko hainbat festetan egiten duten soka-dantza eskainiko dituzte. Eta igande arratsaldean, Euskal Jaiaren erromerian Dugunako musikariek osatzen duten Gathubi taldeak jarriko du musika nahi duten guztiek dantza dezaten.

Duguna Sanfermin jaietan.

Duguna Eibarko Euskal Jaian

Maiatzak 25, larunbata
18:30 Duguna eta Kezka dantza taldeetako gaztetxoen emanaldia Toribio Etxebarrian, Klub Deportibo aurrean.

Maiatzak  26, igandea
12:00 Euskal Jaiko kalejira Urkizutik Untzagara.
12:30 Euskal Jaiko dantza jaialdia Untzagan Duguna dantza taldea eta Kezka dantza taldearekin.
17:30 Dantzaldia Untzaga Plazan Gathubi taldearekin.

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Kezka dantza taldea

Kezka dantza taldea

Herrian bertan egiten diren festak, erritoak eta dantza ekitaldiak ditu Eibarko Kezka dantza taldeak bere lehentasun nagusia. 1958an Eibarko Klub Deportiboaren baitan sortutako dantza taldeak inauterietan koko-dantzekin abiatu ohi du urtea, eta Santa Kurutzetan, San Joanetan, San Andresetan eta bere burua akonfesionaltzat duen herriko santoral egutegiko festa guztietan dagokion dantzaz arduratzen dira Kezkako dantzariak.

Valladolideko Gure Txoko euskal etxeak gonbidatuta Arrateko ezpata-dantza eta trokeo dantzak aurkeztu genituen 2015eko irailaren 26-27ko asteburuan Gaztela Leongo hiriburuan. Euskal Jaia ospatzen zela eta, bertako euskaldunen gonbidapena jaso ostean, 27 pertsonako taldea osatu genuen Kezkako dantza...

Arrateko santutegian ezpata-dantza eskaini ohi du urtero irailaren 8an, tradizioak eguneratu eta antzokia eta plazaren arteko lotura egiteko ahaleginean, Argia dantzari taldeak eszenatokian egindakoaren ordaina plazan errotzeko konspiratuz.

Koko-dantzak 2014: taldeko argazkia

2008an York-en, Ingalaterran, ospatu zen Sword Spectacular, munduko ezpata-dantzen jaialdi handienean euskal ezpata-dantzen ordezkaritza gorpuztu zuen: zahar-itxuran aurkeztutako ezpata-dantza nazioarteko ezpata-dantzen adituei irentsaraziz, ontsa plajiatzeko metodoa aplikatzen denean sorkuntza eta tradizioa txanpon beraren aldeak baitira.

2015eko maiatzaren 30ean eta 31n ospatu zen Ezpalak jaialdia Eibarren eta Iruñean. Nafarroako jaialdiaren kronika orain bi hilabete argitaratuta, Eibarkoa genuen zorretan eta hemen gatoz berarekin. Soka-dantzak izan ditugu ardatz Ezpalak jaialdiaren 10. ekitaldian (Eibarren, 9. Iruñean), eskuz ...

Iruñeko Duguna taldearekin elkarlanean Ezpalak dantza tradizionalaren nazioarteko jaialdia antolatzen du Kezkak, euskaldunok zilborra dugula munduari erakutsiz, eta euskaldunoi munduko zilbor guztiak enbor berera lotuta ditugula iradokiz.

Argazkia: Fernando Retolaza

1990. urtean Elgoibarko Haritz dantzari taldearen eskutik Donostiako Argia taldea ezagutzeko zorteak dantzari buruzko etengabeko ikasketan murgiltzera eraman du Eibarko taldea, inoiz bukatzen ez den ikasketa sorgi-gurpilean jira-biran dantzan aritzeko zorionera kondenatuta.



Kezka Dantza Taldea
Portalea Kultur Etxea
Bista Eder kalea
20600 Eibar
Tfnoa: +34 605 71 14 29
kezka@dantzan.com