Orain arteko ekarpenak
Dantza EITB Nahieran plataforma berrian
2011/06/15
Atzo arratsaldean aurkeztu zuen internet bidez edukiak ikusteko eta entzuteko zerbitzu berria EITB taldeak: EITB Nahieran. Euskarazko ikus-entzunezko edukiak biltzen dituen plataforma berri honetan dantzari buruzko bideo interesgarriak aurki daitezke.
Blanca Li Bilboko Gau Zurian
2011/06/14
Datorren ekainaren 18an, "Gau Zuria" ospatuko da Bilbon 700 Fundazioak antolatuta. Iragarritako ekitaldien artean Blanca Li koreografo ezagunak gidatuta "Dantzatu nirekin" ekitaldia burutuko da Guggenheim museoan.
Dantza Abandoibarran: Lekuz leku 2011 Bilbon
2011/06/13
Hiru egunetan, ekainak 23, 24 eta 25ean, 19:00tik aurrera dantza eta jende ibiltaria aurkituko dira Abando Ibarran. Helburua: dantza garaikidearen hizkuntza aniztasuna publiko guztietara doan hurbiltzea, eta koreografia lana hiri guneetan sakontzea. Horretarako Lekuz Leku 7. edizioan bertako eta nazioarteko dantzarien proposamenak aurkezten ditu gune bakoitzerako sorketa espezifikoekin.
Lesakako Tantirumairuk 30 urte
2011/06/09
Lesakako Tantirumairu euskal folklore taldeak 30 urte betetzen ditu aurten. Hori ospatzeko bazkaria eta dantzaldia antolatu ditu taldeak ekainaren 18rako. Hogeita hamar urte horietan zehar Tantirumairun parte izan den jendea elkartzea espero da.
Jean Michel Guilcherri omenaldia egingo zaio Uztaritzen
2011/06/09
Iparraldeko inauteri ohiturak Unescoren ondare izendapena jasotzeko ekimena abian jarri da. Horren inguruan zenbait ekitaldi antolatu dituzte Uztaritzen ekainaren 18rako, eta tartean, Jean Michel Guilcher ikertzaile frantziarrari omenaldia egingo zaio.
Durangaldeko ezpata-dantzari eguna Garain
2011/06/08
Aurtengo Durangaldeko ezpata-dantzari eguna uztailaren 9an, larunbatean, ospatuko da Garain. Egun horretan Durangaldeko herri ezberdinetako dantzariak elkartuko dira Dantzari-dantza eta erregelak dantzatzeko. Horrela, 1967 urtetik hartutako ohiturari segida emango zaio.
Nor dabil dantzan? 2
2011/06/07
Euskal Herriko Dantza Profesionalen Elkarteak, ADDE-k, topaketa profesional bat antolatu du datorren ekainaren 21erako: "Nor dabil dantzan? 2". Egun horretan ekimen ezberdinak aurkeztuko dituzte zenbait dantzari eta koreografok. Horien artean daude Idoia Zabaleta, Alicia Gomez, Mikel Aristegi, Alaitz Arenzana, Maria Ibarretxe, Izaskun Santamaria eta Jorge Lastra.
Boiseko euskaldunen musika eta kantak
2011/06/07
Mende terdiko historia dauka euskal diasporak Boisen, Idahon. Bertako euskaldunak artzain lanetan aritu izan dira batez ere, baina musika eta dantza beraiekin izan dituzte beti. 1949an Boisen ospatu zen euskal musika jaialdiaren doinuak eta ondoko urteetan bertako hainbat musikarik grabatutakoak goza daitezke honako bi diska hauetan.
Bai dantza klask
2011/06/06
Iparraldeko txoko ezberdinetako dantzari eta musikarik osatutako Tema dantza taldeak "Bai dantza klask" ikusgarria aurkeztuko du datorren ekainaren 18an Baigorrin. Euskal dantza tradizionala, kabareta, dantza garaikidea... uztartzen dituen ikuskizuna da Temak prestatu duena.
Polizia dantzan New Yorken
2011/06/06
Gari Udabek polizia dantzari batekin egin du topo New Yorken. Trafikoa zuzentzeko keinuak dantzan egiten ditu eta ez dio dantzatzeari uzten hara eta honako bere joan-etorrietan. Bideoz grabatu du New Yorkeko polizia dantzaria eta bere blogean ikus daiteke.
Orain arteko erantzunak
Dantzan on Folklorea uda garaian
2017/11/02
Ondoko ekarpena egin du Pablo Izagirrek gaiari buruz facebook-en:
"Erromeria” kontzeptuaren gaurkotze bat ere ari gara bizitzen, Plaza Dantzen fenomenoa izanik, eta baita Aiko-ren moduko taldeen tailer eta iniziatibak ere, horren adierazle; dantza taldeetatik pasa gabeko jende asko ari da gaur plazetan dantzan...
Pasarte horren haritik hau komentatu nahi dut:
Bai, oso ondo esan duzu. Jende asko ari gara dantzan plazetan. Adin guztietakoak, gehienak, 40 urtetik gorakoak. Asko ta asko esaten duzun bezala dantza taldeetan txikitan edo gazteetan egon gabekoak edo pasadaz egondakoak.
Oso fenomeno potentea da hori gaur egun ia Euskal Herri guztian. Normalean, nik dakidala edadeko pertsona horietako asko formazioa dantza taldeko egituretan eskuratu edo eskuratzen dute, beste batzuk Aikoren moduko taldeetan. Baina, pertsona hauen interesa nagusia da dantza plazetan dantzatzea, dantza plaza hori edonorentzat zabalik dagoela ere normalean.
Seguru asko, oraingo dantza taldeek hori hartu beharko dute kontuan, orain arte ez badute egin, edadeko jende asko desiatzen dagoela dantza plazetan parte hartzeko, gaur egun ohikoak diren dantzetan aritzeko: Jauziak, kontradantza errezak, jota, arin arinak, lotuan ..
Ordun 2 aspektu dira niretzat nabarmenak gaur egun tradiziozko dantza taldeetan. Batetik tradiziozko dantzen errepertorio zabalean aritzea ( ikuskizunetarako eta tradiziozko ekitaldietarako tokiko folklorea muina delako ) eta bestetik, maila apalago batetan dantza plazetarako, erromerietarako formakuntza, pertsona interesatuei ematea.
"Erromeria” kontzeptuaren gaurkotze bat ere ari gara bizitzen, Plaza Dantzen fenomenoa izanik, eta baita Aiko-ren moduko taldeen tailer eta iniziatibak ere, horren adierazle; dantza taldeetatik pasa gabeko jende asko ari da gaur plazetan dantzan...
Pasarte horren haritik hau komentatu nahi dut:
Bai, oso ondo esan duzu. Jende asko ari gara dantzan plazetan. Adin guztietakoak, gehienak, 40 urtetik gorakoak. Asko ta asko esaten duzun bezala dantza taldeetan txikitan edo gazteetan egon gabekoak edo pasadaz egondakoak.
Oso fenomeno potentea da hori gaur egun ia Euskal Herri guztian. Normalean, nik dakidala edadeko pertsona horietako asko formazioa dantza taldeko egituretan eskuratu edo eskuratzen dute, beste batzuk Aikoren moduko taldeetan. Baina, pertsona hauen interesa nagusia da dantza plazetan dantzatzea, dantza plaza hori edonorentzat zabalik dagoela ere normalean.
Seguru asko, oraingo dantza taldeek hori hartu beharko dute kontuan, orain arte ez badute egin, edadeko jende asko desiatzen dagoela dantza plazetan parte hartzeko, gaur egun ohikoak diren dantzetan aritzeko: Jauziak, kontradantza errezak, jota, arin arinak, lotuan ..
Ordun 2 aspektu dira niretzat nabarmenak gaur egun tradiziozko dantza taldeetan. Batetik tradiziozko dantzen errepertorio zabalean aritzea ( ikuskizunetarako eta tradiziozko ekitaldietarako tokiko folklorea muina delako ) eta bestetik, maila apalago batetan dantza plazetarako, erromerietarako formakuntza, pertsona interesatuei ematea.
Dantzan on Eltziegoko dantzak neska-mutilek dantzatzen zituztenekoak
2017/10/24
San Lorentzoko dantzariek gogorazi digute, sarrera honetako argazki bat euren buletineko lehenengo zenbakian argitaratu zutela, baita neskek lehengo aldiz dantzatu zutenekoa ere. Argazki horiei esker ikus dezakegu gizonek zein emakumeek dantzatuak izan direla Eltziegoko dantzak. Gerra aurretik gizonek dantzatzen zituztela azaltzen dute baina galdu egin zen ohitura, gerra ondorenean Sección Femeninak berreskuratu zituen dantzak, orduan hasi ziren emakumeak Eltziegoko dantzak dantzatzen. Irudietan ikusi dugu 1960ko hamarkadan gizon-emakumeek elkarrekin ere dantzatu izan zituztela. Buletinean, dantzarien arropen xehetasunak ere ageri dira. Lotura honetan irakur ditzakezue azalpen guztiak:
http://danzantesdesanlorenzo.com/boletin1.html
http://danzantesdesanlorenzo.com/boletin1.html
Dantzan on Kontra-dantzan 1967
2017/10/23
Bai, horixe adierazi nahi genuen ezohiko horrekin, dantzan-en ez ditugula maiz jartzen horrelakoak, kontra-dantzak jartzen ditugunean gehienetan testuinguru folklorizatuetakoak izaten baitira. Baina ez dugu esateko moduarekin asmatu. Mila esker!
Dantzan on Galtza luzeak jazteagatik 10 pezetako isuna
2017/10/16
Mila Garaik honako testigantza utzi digu facebooken: "Garai haiek...!!! Ni baino nagusixagoa den ahizpa izan zen gure etxien prakak jantzi zittuen lehena. Ekinien zebiltzenak ( orduen txarto ikusita zegoen eta ) aittek eta amak isildu eitxen zituzten " Bizkargire aldatz gora joaterakoan atzetik doazenak prakekin barruko erropak ez ziela ikusiko..." eta horrelakoak esanez. Orduen, ulie labur labur eroatie be ez zen ondo ikusten "mutilen moduen"... atxakixe- luziekin "guapiau" gauzela esanez. Ni neuk be ia 1967...rarte nahiko luzie eroan nuen..."
Dantzan on Prozesioetako dantzen eta "dantza luzeen" inguruko ikastaroa Cuencan
2017/10/05
Eskerrik asko, Mikel, jakinarazteagatik. Pena, bai.
Dantzan on Hernio: fandangoa 2009
2017/09/21
Eskerrik asko Patxi, ekarpenagatik.Bideoa orain 6 urte, 2011n, argitaratu genuen Dantzan.eus-en, Youtubetik jasota. Orain, Hernioko erromerien garaia dela aitzakia hartuta, duela urte batzuk argitaratutako sarrerak gogoratzeko erabiltzen dugun "dobla" atalarekin berriro zuekin partekatu nahi izan dugu.
Dantzan on Orain 75 urte, Orion, emakumeek dantzatu zuten aurreskua Kontxan lortutako garaipena ospatzeko
2017/09/14
Eneko eta zuri esker izan genuen Xabier, argazki horien berri duela urtebete. Mila esker!
Dantzan on Euskal dantza tradizionala baztertu du berriz (2017) Etxeparek
2017/07/28
2017ko uztailaren 27an, Euskal Herriko Buletin Ofizialean publikatu da Etxepare Institutuak "artea, musika eta dantza euskararen eremu geografikotik kanpo zabaltzeko" diru-laguntzarako partidan, 10.000 euro gehiago jarriko dituela.
