Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Jon Iruretagoyena Entseinaria Laborariaren erdibitzea da

Dokumentuaren akzioak

Entseinaria Laborariaren erdibitzea da

Entseinaria Laborariaren erdibitzea da

Entseinaria, Muskildiko maskaradak, Muskildi, 2018-01-07. Argazkia: Aritz Ibañez CC-BY-SA

Gaur egun maskaradetan ikusten dugun Entseinaria, bere beste lau kideekin batera, aitzindaria da. Dantzatzen duen bitartean bere bandera mugitzen du. Maskaradetan zehar, bere funtzio nagusia, branlearen zeremonian egiten diren karakoiltzearen koreografiak eramatea da. Bere izatea dantza horri lotua da. Ezaguna zaigun maskaraden historian zehar, ez da beti Entseinaririk agertu. XIX. mendeko idatzi batek ere ez zuen aipatu. Denek aldiz, orduan, Laborariak bandera eramaten zuela esaten dute. XX. mendearen hasiera itxaron behar da pertsonaiaren berri ukaiteko; baina garai hartan, Basaburuan baizik ez zuela dantzatzen zehazten digu G. Herelle-ek.

Entseinaria
Altzürüküko maskaradak Mendikotan, 1971. urtean. CC-AT-SA Javier Garaialde - Guregipuzkoa.net

Entseinaria

Horrez gain, jakinarazten digu, Entseinariaren tokia Jauna/Andere - Laborari/Laborarisa laukotearekin batera zela orduan. Guilcher-en lanei esker denboran zehar bi Entseinarik utzitako aztarnak identifikatu ahal izan ditugu. Lehenik, 1898ean Sohütan prestatutako maskaradetan bi Entseinari agertu zirela badakigu. Badakigu ere, 1860 inguruan Barkoxeko Salhanka Etxean sortu dantzari batek Funtzio hori betetzen zuela dantzaria zenean. Hori da ezagutzen dugun Entseinaririk zaharrena. Aipatutakoak kontutan hartuz, esan dezakegu, dudarik gabe, Entseinaria Laborariaren erdibitzea dela.

Entseinaria

Entseinaria

Agertu zen XIX. mendearen azken hamarkadan, Basaburuko herri zonbaitetan, branlea eramateko betekizun nagusiarekin, branleak berak, bere forma modernoa hartu zuenean. Orduan, lehen aipatutako laukotearekin ibiltzen zen oraindik. 1960ko hamarkadan, gaur egun atxikitzen duen tokia hartu zuen, aitzindariekin batera.

Entseinaria

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.