koronabirusa-dantzan etiketa duten bideoak

Iurretako dantzariak: Banangoa lau pausotan

Iurretako Mikel Deuna dantza taldeko Eneko Abasolo "Abarkas" dantzariak banangoa Iurretan nola dantzatzen den lau pausotan erakusten digu bideo honetan. Lau pausotan zatituta azaldu du banangoa: buelta, puntapioa, gurutzea eta grabileta. Pauso horiek banaka eta mantso erakusten ditu, urratsez urrats dantza osatuz. Behin dantza erakutsita, Iurretako zenbait dantzari, gaur egun taldean dihardutenak, eta aurreko belaunaldietakoak, hala nola Laia Gurrutxaga, Amaia Elizaran, Joseba Agirre “Iketza” eta Unai Esturo ageri zaizkigu banangoa dantzatzen beraien etxeetan. Irudiak: Iurretako dantzariak. Banangoa 4 pausotan, 2020-05-04.