Dokumentuaren akzioak
Zaldibia-Iruñea oinez orain 150 urte bezala
152 urte ondoren
Luis P. Peña Santiago eta Antton Iturriza mendizaleek idatzi izan dute Goiherriko dantzarien ibilaldi honi buruz, eta dantzarien egindako ibilbide bera errepikatuz mendi ibileran proposatu dituzte. Hain zuzen ere "Dantzarien bidea" izenarekin ezagutzen da ibilbide hori. Azalpen horietatik abiatuta Irungo Kemen dantza taldeko kide batzuk Olanoren dantzari-koadrillak egindako lan bera errepikatzea zeukaten buruan aspaldiko urteetan. Zaldibiatik Iruñera oinez joan eta ondoren bertan Gipuzkoako dantzen emanaldia eskaini.
Datorren ostiralean, urriaren 12an, Irundik abiatuko dira Kemen-eko 15 dantzari. Zaldibiara trenez eta autobusez joango dira, eta Zaldibiatik oinez abiatuko dira Aralarren barrena. Hamazazpi orduko ibilaldia aurreikusten dute. Ostiralean Zaldibiatik Aralarko guardetxeraino, larunbatean guardetxetik Irurtzunera, eta igandean Irurtzundik Iruñera. Iruñera iritsi, oinak astindu, eta eguerdiko 13.30etan, Burgoen plazan Gipuzkoako dantzen emanaldia eskainiko dute.
Dokumentuaren akzioak
Erantzun
Eta nola da posible lehen egun batean egin zutela biajea eta orai hiru egun behar dituztela? Ez dut esan nahi kemenekoak alperrak direnik (txapeau, ideia oso polita da!) baina arraroa egiten da.
kaixo Joseba, gure aurreikuspenen arabera 17 ordu beharko ditugu. Bide "zuzenagoak" erabilita eta abiada azkartuz agian 12-13 ordutan egin zitekeen... gu hiru egunetan antolatu dugu mendizaletasunik ez duten taldekideak erakarri asmoz, ekintza hau bolondresa bait da.
Ez da erronka makala, halako mendi martxaren ondotik gipuzkoako dantzen emanaldi bat eskaintzea. Ideia oso polita da. Iruñea aldeko hedabideekin harremanetan jarri al zarete, jendeak ekimen honen berri izan eta Burgoen plazara hurbil dadin?
aupa Aritz, saio xumea eskeiniko dugu, dantza jantziak erabili gabe, eta hiruzpalau dantza (gipuzkoakoak noski) eskeiniz.
Niri ere oso ideia polita iruditzen zait. Lagunarteko txango-emanaldi modura antolatu duten itxura dauka, baina kanpora begira ere oso ekimen interesgarria da, ohikotik ateratzen dena. Nik uste dut badugula horrelako ekitaldi imajinatiboen beharra, rutinak hautsi eta ia-agortuta ditugun eredue oxigeno piskat emateko.
Uste dut oraingo honetan giharren luzaketa ariketak inoiz baino garrantzitsuagoak izango direla. Animo!
aupa Oier, aspaldiko! Patxi Pagola naiz (anonimatoa akabo, to!). Beti bezala zure ikuspuntua oso interesgarria da. Egia da ere, egitasmo honen "pisua" egun taldearen dinamikaren albo batean dauden pertsonena izan dela. Taldeko eguneroko lanek ez bait dute (normalean) "oxigeno" gehiegirik ematen.
ondo segi
Aupa Patxi, aspaldiko bai!! Pozten naiz dantza-kontuak erabat ahaztu ez zaizkizula ikusteaz!! Askotan komentatzen dugu, dantzari ibilbidea osatuta, eta beste kontu batzuekin jarraitzeko, dantzari aktibo estatusa atzean uzten duen jendea sektore honekin kontaktuan jarraitzea da gerta dakiguken gauzarik onena. Urte asko behar dira dantzari buruz zerbait ikasteko eta heldutasun minimo horretara iritsi eta erabat alboratzen bada alorra berriz ere hutsetik hasten da zikloa. Kemen-en zortedun dira zu moduko jendeak ez duelako taldearekin kontaktua eten, eta aldian behin horrelako oxigeno baloiak ateratzen dituelako txisteratik. Ondo segi!!