Dokumentuaren akzioak
Albisteak
Dantzaz: Basotik itsasora
2022/05/27 19:00 — Andoain, Bastero Kulturgunea
1939 eta 1945 bitartean, Gerra Zibiletik ihesi zihoazen errepublikarren eta Naziek atxilotutako juduen patua izan zen Gurs. Elkartasun eta arte proiektu bat da hau. Lehenik eta behin Basotik itsasora dokumentala aurkezten da, Mediterraneoa zeharkatzen duten errefuxiatuen paralelismoa aztertzen duena. Dokumentala:
Dantza:
Eibarko Euskal Jaia: Kezka eta Begiraleak
2022/05/29 11:00 — Eibar
Eibarko Euskal Jaiaren igandeko egitarauan dantzan protagonista izango da, Begiraleak eta Kezkaren emanaldiarekin eta Patxi eta Konpaniaren erromeriarekin. Maiatzak 29, igandea 11:00 Dantzarien elkartzea Urkizun
11:45 Kalejira Urkizutik abiatuko da
12:10 Dantza-geldialdia Toribio Etxebarria kalean
12:30 Dantza jaialdia Untzagan
14:30 Bazkaria karpan
17:00 Erromeria Patxi eta Konpainiarekin
19:00 Larrain-dantza
20:00 Larrain-dantza Deportibo aurrean
2. Muxiko Gaua
2022/05/28 18:00 — Donibane Garazi
Donibane Garazin, 2. Mutxiko Gaua ospatuko dute maiatzaren 28, merkatu estalian, Adartza taldeak alaiturik.
Erromerixa Eguna
2022/06/11 11:00 — Soraluze, Ezozi
Urrats Dantza Taldeak antolatuta, Erromerixa Eguna Soraluzeko Ezozi auzoan.
Oinkari: Gazte
2022/06/01 19:00 — Beasain, Bideluze plaza
Betiko gazte sentitzea askoren desio eta ametsa izan arren, Gazteen kontra aritzeko joera oso hedatua dago gizartean. Hedatuegia. Pandemia garai honetan, adibidez, komunikabideak segurtasun neurriak hausten dituzten gazteei buruzko albisteekin bete dira. Axolagabekeriaz jokatzea egotzi zaie behin baino gehiagotan, haien jokaerak kriminalizatuz eta haien ahotsa isilaraziz. Zer dute Gazteek esateko, ordea? Zein iritzi dute bizitzen ari garenaz? Zein iritzi gizarte honen egoera politiko sozial eta kulturalez? Zein iritzi gurasoez, hezkuntza sistemaz? Zer dute buruan? Zer bihotzean? Zerk mugiarazten ditu? Zerk biziarazi? Zein da haien ahotsa? Zein haien dantza? Haien mugimendua?
It Dansa: The Prom + Wad Ras + Lo que no se ve + Kaaash
2022/06/03 19:30 — Gasteiz, Principal Antzokia
Bartzelonako Institut del Teatre-ko graduondoko ikasketei lotutako dantza-konpainia gazte bat da IT Dansa. Talentu handiko nazioarteko 18 dantzari gaztek osatzen dute; entzunaldietan hautatu, eta bi urteko beka ematen zaie, teknika hobetzeko eta profesionalki prestatzeko. Bi urte horietan, irakasle eta koreografo ospetsuekin lan egiten dute. Antzoki- eta jaialdi-sare zabal batean ere eskaintzen dituzte emanaldiak. Bultzada ikaragarria jasotzen dute prestakuntza horri esker: dantzari gazte horien bostetik lau berehalakoan sartzen dira konpainia profesionalen batean, IT Dansatik ateratzean. Nederland Dans Theater-en dantzari aritu ondoren, eta gero Nacho Duatorekin —haren musa izan baitzen hainbat urtez, konpainia zuzentzen hasi zen Catherine Allard, 1997an, sortu orduko. Nortasuna garatzen laguntzen die dantzariei, mugimendua menperatzen eta espazioan beren gorputzaren kontzientzia hartzen. Egitaraua THE PROM WAD RAS Atsedena LO QUE NO SE VE KAAASH
LaRutan: Out Of The Blue
2022/06/03 19:00 — Aretxabaleta, plaza
Zeruaren urdina, urdin sakona, itsasoaren urdina, urdin elektrikoa. Zeruaren begirada, erraietan sortzen dena, ozeanoan murgiltzea, oihu bat eta urrutitik datorren deiadar bat. Out Of The Blue da hau, bilatzen ez duzunean aurkitzen duzuna. Ezerezetik sortzen dena. Ustekabean agertzen dena. Abisatu gabe datorrena. Esentziarik gabeko presentzia bat. Galdutako, lapurtutako, egokitutako zerbait. Zerua, itsasoa, airea; euria, agian. Goizaldeko garoa. Bi gorputz ezezagun, elkar aurkitzen duten bi gorputz. Bakardadean, funtsean, urrunean. * 7x7 Kultura kalean jaialdiaren barruan
Santutxu Kolorea
2022/06/03 19:00 — Bilbi, Santutxu
“Santutxu Kolorea”, Bilboko Udalak antolatuta, Santutxuko Karmelo plazara itzuliko da bosgarren urtez, datorren astean beste edizio bat egiteko, ekainaren 3tik 5era. Programa honen helburu nagusia euskal folklore tradizionala bultzatzea eta publikoari ikuskizun paregabeez gozatzeko aukera ematea da, eta horretarako, aurten ere Gaztedi Dantza Taldea-n, 70+1 urteurrena ospatzen duen auzoko kultur elkartean, laguntzen da programa hau antolatzeko. Erraldoien konpartsak, dantzariak, kalejirak, gaiteroak eta dantza garaikideko proposamenak bilduko dira Santutxun, bertaratzen diren guztiek euskal kulturaren inguruko hitzorduez gozatzeko aukera izan dezaten. Ekainak 3, ostirala Ekainak 4, larunbata Ekainak 5, igandeaSantutxu Kolorea 2022
Akram Khan Company: Jungle book reimagined
2022/06/03 19:30 — Bilbo, Arriaga Antzokia
Akram Khan nazioarteko koreografo handi eta ezagunak Oihaneko liburua (Jungle Book) berrimajinatu du, eta obra guztiz berria eraiki du Rudyard Kiplingen jatorrizko istorioan oinarrituta, partitura original batekin gainera. Istorio maitagarriaren berrinterpretazioa beste ikuspegi batetik abiatzen da, gure mundua heredatuko duten eta etorkizuneko narratzaile bihurtuko diren gaurko haurren begiradatik. Oihaneko liburuaren sustraietan, gizateriak naturari egiten dion kalte sakona dago. Akramek eta bere taldeak Mowgliren bidaia berrimajinatu dute, klima-aldaketaren inpaktuak suntsitutako mundu batean harrapatuta dagoen errefuxiatu baten begiradaren bitartez. Haur horrek lagunduko digu guk, mundu modernoak, isilarazi nahi ditugun mundu naturalaren ahotsak berriro entzuten. Jungle Book Reimagined (Oihaneko liburua berrimajinatzen) hamar dantzarik interpretatzen dute, proiekzio ederretan eta musika oroitarazlean oinarritzen den eszenografia oso bisual batekin, agertokia gaurko mitoetan murgiltzen den mundu magiko bihurtzeko.
Akram Khan Company: Jungle book reimagined
2022/06/04 19:00 — Bilbo, Arriaga Antzokia
Akram Khan nazioarteko koreografo handi eta ezagunak Oihaneko liburua (Jungle Book) berrimajinatu du, eta obra guztiz berria eraiki du Rudyard Kiplingen jatorrizko istorioan oinarrituta, partitura original batekin gainera. Istorio maitagarriaren berrinterpretazioa beste ikuspegi batetik abiatzen da, gure mundua heredatuko duten eta etorkizuneko narratzaile bihurtuko diren gaurko haurren begiradatik. Oihaneko liburuaren sustraietan, gizateriak naturari egiten dion kalte sakona dago. Akramek eta bere taldeak Mowgliren bidaia berrimajinatu dute, klima-aldaketaren inpaktuak suntsitutako mundu batean harrapatuta dagoen errefuxiatu baten begiradaren bitartez. Haur horrek lagunduko digu guk, mundu modernoak, isilarazi nahi ditugun mundu naturalaren ahotsak berriro entzuten. Jungle Book Reimagined (Oihaneko liburua berrimajinatzen) hamar dantzarik interpretatzen dute, proiekzio ederretan eta musika oroitarazlean oinarritzen den eszenografia oso bisual batekin, agertokia gaurko mitoetan murgiltzen den mundu magiko bihurtzeko.
José Luís Sendarrubias: Odisea en PVC
2022/06/04 19:00 — Bilbo, La Fundicion
Itxura hain da garrantzitsua, ezen nahi dugunaren imitazio hutsa asetzen baitigu. Heroi modernoaren bakardadea perfektua da; izan ere, bertan, loria lortzen ez badugu, gutxienez nahi duguna izan dezakegu. Plastikoak inplizituki dakar munduaren distira osoa kostu baxuan lortzeko promesa. Mitoaren etxekotzeak patutik ihes egitea ahalbidetu digu, geure unibertsoko jainko bihurtuz, une zoriontsu eta betiereko asegabeetan.
Proyecto Larrua: Muda
2022/06/04 13:00 — Bilbo, Karmelo plaza
Lozorrotik edo norberaren geldialditik ateratzea eta pauso bat ematea azal mudatze nahigabeko horretarantz, zeina genetika eta ingurumenarekin lotuta baitago, eta oso beharrezkoa baita berritzeko. Irudia animalia askoren gorputzaren estalduraren berritzea da, aldaketa bat, garai berri bat adierazteko. Maddi Ruiz de Loizagak eta Helena Wilhelmssonek Larrua Proiektuaren bosgarren urteurrenean interpretatutako dantza-pieza da * Eszena Kalera 2022 zirkuituaren barruan.
Eva Guerrero: Gorpuztu Laburra
2022/06/04 13:00 — Bilbo, Karmelo plaza
Proposamen honek bere oreka bilatzen ari den emakume bat erakutsiko du, bere piztiekin borrokan. Hainbat erlijiotako gorputzaren erabileraren inguruan egindako bilatze lanaren emaitza da Gorpuztu eta horren bertsio murriztua, biluziagoa da Gorpuztu Laburra; eszenografia eta zuzeneko musika kendu eta dantzaria bakarrik mantendu da. Eszena Kalera 2022 zirkuituaren barruan.
Dantzari Txiki Eguna
2022/06/05 11:00 — Legazpi
Korosti Dantza Taldeak antolatuta, 35. Dantzari Txiki Eguna ospatuko da igandean Legazpin. Partaideak: Legazpiko Korosti eta Sustraiak, Zumarraga-Urretxuko Irrintzi, Urretxuko Lurra, Antzuolako Oinarin eta Oñatiko Oñatz.
Kriskitin eta Algara
2022/06/04 18:30 — Durango, Andra Mariko Elizpea
Kriskitin eta Algara dantza taldeek dantza erakustaldia. Euskal Jaiak.
Atharratzeko dantzariak eta Begiraleak
2022/06/11 16:00 — Donibane Lohizune
Atharratzeko dantzariak eta Begiraleak taldekoak Donibane Lohizunen ibiliko dira ekainaren 11n arratsaldeko 16:00etatik aurrera bi taldeek antolatutako dantza trukaketa dela eta.
La montaña enmascarada
2022/06/09 19:30 — Iruñea, Nafarroako Filmoteka
Domingo Morenoren Mendi maskaratua edo La montaña enmascarada dokumentalak Pirinioetako neguko festa eta erritualak jasotzen ditu. Euskal Herriari dagokionez, Zuberoako maskaradak eta Altsasuko, Zubietatako eta Lantzeko inauteriak ageri dira. Trailerrean 1965ko Lantzeko inauterietan Enrique Ros Piñeronek grabatutako irudiak ikus ditzakegu. 90 minutuko dokumentalak, lekukotasunean oinarritutako bidaia antropologikoa egiten du. Besteak beste, inauterietan adituak diren Josefina Roma, Thierry Truffaut, Juan Antonio Urbeltz eta Roberto Boschi eginiko elkarrizketak jaso dira, eta baita inauterietako protagonistenak ere bai, Mixel Etxekopar eta Batitte Berrogain zuberotarrak tarteko. Inauteriak lurraldeen arteko lotura moduan planteatzen dira. Neguko hainbat festetako pertsonaiak, sinboloak, estetika, musika eta dantzak konparatzeko aukera ematen du; protagonistetako bakoitza bere hizkuntzan ari da: euskaraz, katalanez, frantsesez eta gazteleraz. Fitxa teknikoa
XII. Muxiko Eguna
2022/06/12 12:00 — Errenteria
Ekainaren 12an, igandea, eta pandemiaren ondorioz bi urteko etenaldiaren ondoren, hamabigarren Muxiko Eguna ospatuko da Errenterian, Beti Prest Dantza Taldea Elkarteak antolatuta. XII. Muxiko Egunaren egitarauari dagokionez, ohi bezala 12:00etan hasiko da Herriko Enparantzan (Koldo Mitxelena ikastetxean euria egiten badu), Alaken Taldea musikarien zuzeneko musikarekin eta Errenteriako dultzaineroekin amaitzeko, eta Larrain dantzaren ondoren, pintxo eta sagardo trago bat eta bat hartzeko aukera izango du hurbiltzen dena, dantzan galdutako indarrak berreskuratzeko.
Clarissa Costagliola & Stefano Mattiello: Entre el vínculo y la ruptura
2022/06/09 19:00 — Pasaia, Biteri plaza
* Pasaiako Dantza Festibala 2022 jaialdiaren barruan. Bi gorputzen artean sortzen den lotura ikertzea. Haien artean dagoen distantziaren arabera, maila fisikoan edo mentalean, lotura hori aldatu egiten da, eta horrela,»ezegonkorra» deitua den oreka lortzen da.
Borja Bordonabe: Solo
2022/06/09 19:30 — Pasaia, Biteri plaza
* Pasaiako Dantza Festibala 2022 jaialdiaren barruan. Edozein ezkuta daiteke. Arazoei aurre egin eta konponbidea bilatzeak egiten zaitu indartsu. Solo indarra hartu eta aurrera egiteko, ezkutatzeari uzteko eta zaren bezala agertzeko ibilbidea islatzen du.
Cía. Analógica: Lo que pasa mientras
2022/06/09 19:30 — Pasaia, Biteri plaza
*Pasaiako Dantza Festibala 2022 jaialdiaren barruan.
Nerea Martínez: Bilaka
2022/06/09 20:00 — Eibar, Coliseo Antzokia
Euskal Herriko dantza tradizionalaren eta dantza garaikidearen arteko antzekotasun eta aldeei buruzko gogoetan oinarritzen da pieza hau. Senak eskatzen dit elkarrizketa koreografiko bat garatzea Euskal Kulturarekin, haren historiarekin eta haren hizkuntzarekin, tradizioaren elementuak erabiliz kultura hori berrasmatzeko hizkuntza koreografiko garaikide baten bidez. Musika-konposizioan txalaparta aukeratzen dut, uste baita garai batean jendeari deitzeko erabiltzen zen tresna bat dela, bere erritmo tradizionalen bidez bilakaera izan duen tresna, eta erabilera eta material berriak eskuratu dituena tinbre eta melodia berriak sortzeko. Dantza leku pertsonal batetik adierazteko baliagarria den gune bihurtuko da eszena, erro sakon-sakonetatik (jatorria eta hasiera) sortzen dena, behar duten guztia xurgatzen duten erro sakonetatik, erro horiek beren inguruan edo beste erro batzuen (garapena) inguruan biraka biltzen diren bitartean, aberastuz eta gune berri bat gauzatuz, nire gunea.
Nerea Martínez: Bilaka
2022/06/10 20:00 — Eibar, Coliseo Antzokia
Euskal Herriko dantza tradizionalaren eta dantza garaikidearen arteko antzekotasun eta aldeei buruzko gogoetan oinarritzen da pieza hau. Senak eskatzen dit elkarrizketa koreografiko bat garatzea Euskal Kulturarekin, haren historiarekin eta haren hizkuntzarekin, tradizioaren elementuak erabiliz kultura hori berrasmatzeko hizkuntza koreografiko garaikide baten bidez. Musika-konposizioan txalaparta aukeratzen dut, uste baita garai batean jendeari deitzeko erabiltzen zen tresna bat dela, bere erritmo tradizionalen bidez bilakaera izan duen tresna, eta erabilera eta material berriak eskuratu dituena tinbre eta melodia berriak sortzeko. Dantza leku pertsonal batetik adierazteko baliagarria den gune bihurtuko da eszena, erro sakon-sakonetatik (jatorria eta hasiera) sortzen dena, behar duten guztia xurgatzen duten erro sakonetatik, erro horiek beren inguruan edo beste erro batzuen (garapena) inguruan biraka biltzen diren bitartean, aberastuz eta gune berri bat gauzatuz, nire gunea.
Hiru hitzetan
2021/06/10 20:00 — Amurrio, Amurrio Antzokia
Hiru Hitzetan Euskal Herriko hiru konpainiaren hiru piezaz osatuta dago, bakoitza 20 minutukoa, gutxi gorabehera. Hiru hitzetan hiru ahotsen eszenaratzea da. Erresilientziaren, ahalduntzearen eta askatasunaren artean bizi diren hiru emakumeistorio elkartzen diren amankomuneko espazioa. Bi emakume eszenan, irmo eta ausartak. Bidaia inposatu eta bortxatu bat egitera behartuak, baina elkarrekin, askatasunean amaiera bat lortzen dute. Emakume erresiliente guztiei egindako omenaldia da hau, eskaintza bat. Opari ederra, denontzat. NODE Donostiako dantza, performance eta ikus-entzuneko konpainia da. 2016ean sortua, gaur Ana Barrantesek (ekoizpena eta banaketa) eta Ion Estalak (sortzailea eta zuzendaria) osatzen dute. Gaur konpainia artista ezberdinek bat egiten duten gune neuralgiko batean bihurtu da. Aldi berean LABO hileroko dantza programaren eta LABO XL dantza jaialdiaren sortzaileak eta kudeatzaileak dira (www.labo.eus). OUT zuzeneko musika duen dantza garaikideko ikuskizun bat da. Lan honek sortzen duen atmosferak biltzen zaitu. Dena ura da. Isila, irmoa, estugarria, inguratzailea. Fisikak bere lana egiten duen arte. Orduan gainazaleko tentsioa hautsi eta erupzio likidoa iristen da. Askatasunak bere bidea bilatzen du eta larritasuna desagertzen da. Aireak birikak betetzen ditu. Aske. OUT. Hainbat inprobisazioren ostean hizkuntza koreografiko propioa sortzeko beharretik, baita ohiko toki edota leku alternatiboetarako dantza garaikide pieza berriak egiteko gogotik sortzen da konpainia 2015ean. Horretarako Amaia Elizaranek Eusko Jaurlaritzaren (Sorkuntza koreografikoa, Dantzan Bilaka eta Dantza lanak I), Gipuzkoako Foru Aldundiaren (Sortutakoak 9, Dantzagunea) Topic, Mendi Zolan eta Hameka-ren (Egonaldi artistikoak) laguntza izan du. Gainera 2017an KARRIKAN plataformaren proiektu irabazlea izan zen BLOCK piezarekin. Espazio fisiko eta testuinguru konkretuek gorputzean eta genero jarreran duten eragina aztertzen da Leiho zikin, zeru garbi lanean. Mugimenduaren eta ahotsaren lanketatik emakumearen espazioa erreklamatzeak zertan datzan hausnartzeko saiakera bat da. Nerea Gurrutxaga eta Oihana Vesgak elkarlanean sortutako lehen lana da Leiho zikin, zeru garbi. London Contemporary Dance School eskolan burutu zituzten biek goi mailako dantza ikasketak, eta Erresuma Batuan hasi zuten ibilbide profesionala dantzari eta sortzaile gisa. Gai honen inguruan eta prozesuaren garapenean zuten interesa partekaturik, pieza hau kolaborazioan sortzeari ekin zioten.Emakumeak-Node
OUT-Amaia Elizaran & Xabier Zeberio
Leiho zikin, zeru garbi-Nerea Gurrutxaga & Oihana Vesga
Cielo Raso: Hamaika
2022/06/10 19:30 — Gasteiz, Félix Petite Antzokia
Hamaika pieza fikzioaren eta errealitatearen artean dabil, eta biak nahasten direnean, magia agertu ohi da. Magiak trikimailua du, eta oro har, trikimailu hori ez da erakusten, erakusketak ilusioa zapuztuko lukeelako. Baina ilusioa irudimenik ezak hiltzen du. Konpainiaren hamaika urteko sorkuntza ibilbidea nabarmendu uzten du pieza honek, lau dantzariren eskutik. Desberdintasun, genero eta askatasunaren garrantzia azpimarratzen ditu.
Ines Aubert: Herritarren dantzarako laborategia
2022/06/10 19:00 — San Adrian, Kultur Etxea
*DNA 2022 jaialdiaren barruan. Herritarren dantzarako laborategia, Ines Aubertek ekarria (DNA 2022) Ekainean, ATALAK laborategi berri bat jaioko da Nafarroako DNA egonaldien esparruan. Herritarrentzako laborategia izanen da, eta xedea du jendeari dantza garaikidea hurbiltzea eta koreografia sorkuntzan interesa duten zenbait kolektiborekin koreografia prozesuak partekatzea. Inés Aubert, Nafarroan bizi den artista eta Dantzaz-eko (dantza garatzeko eta profesionalizatzeko zentroa) interpreteak San Adriango (Nafarroa) kultur etxean hartuko dituzte eta, horrela, dantzarien eremu misto bat sortuko da profesional, amateur eta mugimenduan eta sormenean interesa duten pertsonen artekoa, koreografiak sortzeko prozesuaren bidez.
Kukai & Maite Larburu: Chillida eta Oteiza dantzan
2022/06/10 20:30 — Donostia, San Telmo Museoa
Oteiza eta Chillida erakusketara bisita, zuzeneko musika eta dantza lagun. Kukai Dantza Taldearen eskutik. Erakusketa aretoak
Bi saio: 20:30 + 21:30
San Telmo bizi
Programa honek Oteizaren eta Chillidaren erakusketa beste modu batean bizitzeko aukera ematen du: musikak, dantzak eta poesiak erakusketaren gaineko begirada berri bat eskainiko dute. Jarduerak 2022ko irailera arte garatuko dira.
Bilaka: Basaide
2022/06/10 18:30 — Pasaia, Biteri plaza
*Pasaiako Dantza Festibala 2022 jaialdiaren barruan. Xiberoko mendietan, Arbailetan bereziki, arbasoek basa munduari lotuta abesten zituzten kantuak dira Basa Ahaideak. Dantza pieza hau guzti horren berrinterpretazio bat dela esan daiteke, artzain horiek hilabete luzez Arbailetan bizitakoaren interpretazio bat, hegaztien hegaldi zirkularra onarritzat hartuta.
Haatik: Ur
2022/06/10 19:00 — Zaldibia, frontoia
*Pasaiako Dantza Festibala 2022 jaialdiaren barruan. Haatik dantza konpainiarenn ikuskizuna. Bi saio izango dira: 19:00etan eta 22:00etan. Ekonomia jasangarriaren aldeko alegoria bat. Edo agian modu jasangarri batean bizitzeko aukerarik dugun hausnartzeko balio duen lan bat. Ez ekintza huts eta anekdotikoetan geratuz. Ez soilik jaki, jantzi edo kontsumo beharren asetzeko produktuetan erreparatuz. Bizitza beraren oinarri eta garapenean gizaki eta natur baliabideen arteko elkar ulertze zintzo baten beharrean baizik. Eta zoritxarrez horren ohituak gauden arren, natura gizakiaren beharretara moldatzeko joeraren ondorioak agertuz.
Bamboo Dance: Idiotak
2022/06/10 20:30 — Andoain, Bastero Kulturgunea
Eduardo Galeano Uruguaiko kazetari eta idazlearen liburu, saiakera eta audioetan inspiratutako dantza-ikuskizuna eskaintzen digu konpainia donostiarrak. Testu horiek koreografia bat sortzeko balio dute, bere ironia eta satira estilo nahastezina agerian utziz. Hausnartuko dugu gizarte bezala zer lekutara goazen, eta ez ote dugun askotan “lelokeri” gehiegi.
Iker Murillo Studio 24 eskolaren emanaldia
2022/06/11 17:30 — Pasaia, Biteri plaza
Mikel Aristegi: Ouveo
2022/06/11 19:30 — Pasaia, Skate Park
Kresala: Amoria & Dolore
2022/06/18 20:00 — Plentzia, herriko plaza
«Amoria & Dolore» dantza ikuskizuna, euskal nabigazioaren urrezko aroan du sorkuntza abiapuntua. Elkanoren lehen mundubira gogora ekarriz, aintzinako musikan du inspirazio iturri nagusia, dantzaren herri adierazpenak beti izan baitu gaurkotasuna, kulturaren erreferente artistiko-historiko bezala. Obrak, Elkanoren zirkunnabigazioaren urrezko aroan 30 dantzariek herri inspirazioz gorpuztutako arte barrokoaren espresio erakusgarrian, dantza preklasikoko bilduma osatu dute, antzezpena era naturalean eta askean burutuz, 17 eszena dituen ballet honetan akto bakar batean garatua, Esquivel, Iztueta eta Gadesi keinuak eta erreferentzia garbiak eginez. Horrez gain, Artze, Etxepare eta Galeanoren poemek obra goitik bera hezurmamitzen dute, poesia giltzarria bilakatuz. Bertan, euskal antzerkiaren dantza sorkuntza molde berri baten eredua aurkezten da, drama tradizional garaikide bat proposatuz, espazio eta denboratik kanpo kokatzen dena.
zehar bidaiatzen du, ikerkuntza eta berrinterpretazioa lagun, ondare artistiko eta koreografiko berria sortuz.
Dantzari Eguna
2022/06/10 19:30 — Eibar, Untzaga
Eibarko Kezkak dantza taldeak Dantzari Eguna ospatuko du Untzaga plazako emanaldiarekin.
LaRutan: Etxea
2022/06/11 20:30 — Pasaia, Biteri plaza
Harrobi: Harria Herria
2022/06/11 21:00 — Pasaia, Ibaiondo Frontoia
Arreta emakumearen irudian ardazten da, egungo gizartean hartzen ari den protagonismoa aldarrikatuz. Dantzatzen duten emakumeak, eskalatzen duten emakumeak, baita harriak altxatzen dituzten emakumeak ere, herrialde bat altxatuko balute bezala. Harria harria da, Herria herria.
Herri dantzak
2022/06/11 13:00 — Pasaia, Zumardia
* Pasaiako Dantza Festibala 2022 jaialdiaren barruan. Antxoko Muxikoen Elkarteak eta Alkarkide txarangak gidatuta adin guztietarako aproposak diren herri dantzak egiteko aukera izango da.
Alkartasuna: Alkartxikiren emanaldia
2022/06/11 18:30 — Pasaia, Zumardia
La Coja Dansa: Llocjocxoc
2022/06/11 19:00 — Bilbo, La Fundicion
Izan gintezke etxe-aldaketa batean ahaztutako bi traste zahar, baina, egia esan, maskulinitate hegemonikoaz bestelako ikonografia sortzea erabaki duten bi mutil gara (bi gizon), nahiz eta ez dugun lortu ia-ia inoiz. LlocJocXoc joko bat da, eta bere buruaz denbora gehien ahazten denak irabazten du, bere inguruak desegin eta kartoiekin nahasten dituenak; formak, erritmoak, kadentziak eta kolpeak bereiztea lortzen duenak, ezein mezuk ez dezan izan hizkuntzak duen irmotasuna. Mutatzearen poderioz definitzen gaituzten hitzetatik ihesi, jokoa perfektua izango litzateke, baldin eta, amaieran, hasieran ez bezalako zerbait izango bagina. Hori ezinezkoa da, eta horrexegatik gustatzen zaigu.
La Coja Dansa: Llocjocxoc
2022/06/12 19:00 — Bilbo, La Fundicion
Izan gintezke etxe-aldaketa batean ahaztutako bi traste zahar, baina, egia esan, maskulinitate hegemonikoaz bestelako ikonografia sortzea erabaki duten bi mutil gara (bi gizon), nahiz eta ez dugun lortu ia-ia inoiz. LlocJocXoc joko bat da, eta bere buruaz denbora gehien ahazten denak irabazten du, bere inguruak desegin eta kartoiekin nahasten dituenak; formak, erritmoak, kadentziak eta kolpeak bereiztea lortzen duenak, ezein mezuk ez dezan izan hizkuntzak duen irmotasuna. Mutatzearen poderioz definitzen gaituzten hitzetatik ihesi, jokoa perfektua izango litzateke, baldin eta, amaieran, hasieran ez bezalako zerbait izango bagina. Hori ezinezkoa da, eta horrexegatik gustatzen zaigu.
Cie Dyptik: D-Construction
2022/06/12 12:30 — Gasteiz, Andra Mari Zuriaren Plaza
*“KaldeArte 2022”erakustaldiaren barruan. Bi saioa izango dira: 12:30ean eta 19:30ean. "D-Construction" gizonek eta emakumeek ezarritako botereari aurre egiteko eta ideal berriak eraikitzeko bat egiten dugun garai honetan oinarrituta, kaleko pieza hau iraultzen oihartzun artistikoa da, eta kaosean aurkitzen du energia. Hip-hop dantzako ikuskizun kementsua; sei dantzarik gogoaren askapena sentituko dute mugimenduaren bidez. Metalezko egitura batek joko-zelaia, espetxea eta adierazpenerako espazioa irudikatzen du.
Barra klasikoa
2022/06/12 11:30 — Pasaia, Ibaiondo
*Pasaiako Dantza Festibala 2022 jaialdiaren barruan. Iker Murillo eta Vitali Safronkinek gidatutako dantza eskolako ikasleek ikasturtean zehar barra klasikoan landutakoa erakutsiko dute. 7 urtetik 21 urtera bitarteko ikasleek eta balleta ikasten duten helduek ere parte hartuko dute.
Oinkari: Gazte
2022/06/12 13:00 — Pasaia, Zumardia
*Pasaiako Dantza Festibala 2022 jaialdiaren barruan. Betiko gazte sentitzea askoren desio eta ametsa izan arren, Gazteen kontra aritzeko joera oso hedatua dago gizartean. Hedatuegia. Pandemia garai honetan, adibidez, komunikabideak segurtasun neurriak hausten dituzten gazteei buruzko albisteekin bete dira. Axolagabekeriaz jokatzea egotzi zaie behin baino gehiagotan, haien jokaerak kriminalizatuz eta haien ahotsa isilaraziz. Zer dute Gazteek esateko, ordea? Zein iritzi dute bizitzen ari garenaz? Zein iritzi gizarte honen egoera politiko sozial eta kulturalez? Zein iritzi gurasoez, hezkuntza sistemaz? Zer dute buruan? Zer bihotzean? Zerk mugiarazten ditu? Zerk biziarazi? Zein da haien ahotsa? Zein haien dantza? Haien mugimendua?
Gil Harush: Don't Look At The Jar (Entsegu irekia)
2022/06/13 20:00 — Donostia, Victoria Eugenia
Don't Look At The Jar lan koreografikoaren entsegu irekia, Gil Harush koreografoaren eskutik. Saioan bertatik bertara eta modu praktikoan dantzarako pieza bat sortzeko prozesua ezagutu ahal izango da. Gil Harushek gidatuko du Don't Look At The Jar bere sorkuntza berriaren parte izango den zati bat sortuko duen saioa, obra honen mundu mailako estreinaldia Düsseldorfeko Oper am Rheinen izango da. Sarrera dohainik izango da. Bi sarrera gehienez pertsona bakoitzeko. Entsegu irekian parte hartzeko nahitaezkoa da erreserba egitea. Plaza-kopurua mugatua da, beraz onarpena izen emate lehentasunaren arabera izango da.
Urbeltzen Dantza Ganabara
2022/06/15 19:30 — Bilbo, Kafe Antzokia
Dantzan egiteko saio irekia Juan Antonio Urbeltzen eskutik. Edonork parte har dezakeen dantzen jaia. Publiko zabalari euskal dantzak hurbilarazteko saioa da Dantza Ganbara. Ez da beharrezkoa dantzari trebea izatea, helburua ondo pasatuz euskal dantza tradizionalarekin harremanetan hastea baita.
Mugmus Laborategia: Garaiz 60 t.m
2022/06/12 20:00 — Errenteria, Niessen
Lan honetan denbora zukutu nahi da mugimenduaren bidez, musikaren bidez, eszenografiaren bidez eta idazle baten berariazko pasarteekin. Denboraren etengabeko emaria azaleratu nahi da, bere xalotasun eta esanguratsutasunean. Denborak dena zeharkatzen du. *Loraldia jaialdiaren barruan.
Dantza karrikan
2022/06/11 11:00 — Hendaia
Dantzakia
2022/06/13 21:00 — Etxarri Aranatz
Dantzakia deitzen zaio Etxarri Aranatzen egiten duten soka-dantzari. Hau, San Kiriko, San Adrian eta abuztuaren 15ean, Ama Birjinaren egunean dantzatzen da. Ekainaren 13an, San Kiriko eguna, kintoek dantzakia edo soka-dantza dantzatzen dute iluntzeko 21:00ak inguruan.
Dantzakia
2022/06/16 17:00 — Etxarri Aranatz, San Adrian ermita
Dantzakia deitzen zaio Etxarri Aranatzen egiten duten soka-dantzari. Hau, San Kiriko, San Adrian eta abuztuaren 15ean, Ama Birjinaren egunean dantzatzen da. Goizean goizetik hurbiltzen dira etxarriarrak San Adrian ermitara han egun osoa igarotzeko asmoz. Familian bazkaldu ondoren, txistulariak mahairik mahai igarotzen dira kalejira, fandango eta arin-arin doinuekin giroa alaituz. Ondoren, kintoen txanda da, 18 urte bete dutenek ateratzen baitute soka-dantza edo Dantzakia, eta nahi beste gaztek parte hartzen dute bertan. Amaitzean herrira egiten dute buelta guztiek txistularien laguntzarekin, baina bidean zenbait geldialdi egiten dituzte udalak eskaintzen duen ardoa dastatzeko. Behin Etxarrira iritsi baino apur bat lehenago eta jada ilargia irtenda dagoela, txistulariak berriro ere Dantzakia jotzen dute. Orduan iristen da zoramena, bertan nahi duen orok parte hartzen baitu. Horrela egiten dute bidea herriko plazaraino, Dantzakia dantzatzen.
Atalak: "El equilibrio entre sujetar y soltar" (Becky Siegel)
2022/06/16 19:30 — Donostia, Tabakalera
ATALAK ikerketa-laborategiek sormenerako espazioa proposatzen dute; bertan, arakatutako eta, kasu batzuetan, taularatutako koreografia-proposamen batetik abiatuta, artista bat interpretatzaile kopuru batek koreografia-proposamen batean izan ditzakeen inpaktua eta garapena ikertzera irteten da. Taldeko lehen ikerketa-laborategi hori Becky Siegel artista nafarrak egingo du, Dantzaz-en interpretatzaileekin batera; horretarako, DNA programaren barruan sorkuntza koreografikorako aurretiko prozesua garatuko du. Eustearen eta askatzearen arteko orekan sei dantzarirekin ikertu zen dantza bizitzarako metafora gisa, eta inprobisazioaren eta koreografiaren arteko harremana prozesu sortzaile gisa. Gipuzkoako Dantzagunea anfitrioi duen ikerketa-aste honetan prozesu-irekierak egingo dira Tabakaleran, Gasteizko Antzokien Sarean, Dantzagunean eta Malandain Ballet Biarritz koreografia zentro nazionalean; hala, ATALAK Sareak jarraitzen du sorkuntza koreografikoa babesten duten formatuak garatzen.
Amaraun
2022/06/17 19:00 — Munitibar-Arbatzegi Gerrikaitz, plaza
Proiektu artistiko bezala berritzailea iruditzen zaigu bertsoa eta dantza elkarrizketan baliatzea, baina ez bakoitza bere aldetik, kontakizun baten elementu banaezin bezala baizik. Ez dugulako bertsoa dantzatuko, edo dantza bertsotan emango. Istorio bat kontatuko dugu eta horretarako eskura dugun lengoaia guztia baliatuko dugu: musika, gorputza, ahotsa, hitza, espazioa, eszena... Erronka gisa ikusten dugu figurak lausotzea ere, dantzaria kantura ekarriz eta bertsolaria dantzara. Ez dugu hain uztarketa esturik egin duen ikuskizun eszenikorik ezagutu euskaraz
Doos Colectivo: Gorp(huts)
2022/06/17 19:00 — Hernani, Chilida Leku
Udako solstizioa bere funtsera itzuli da Doos Colectivo konpainiaren ikuskizun ibiltari honekin. Eva Guerrero koreografoak Gorp(huts) pieza aurkezten du, Chillidaren eskulturekin elkarrizketan. Pieza hori museoaren kanpoko espazio osoan zabaltzen da. Gorp(huts) dantzaren, ahotsaren eta musikaren bidezko bidaia eszeniko eta poetikoa da, pertsona baten sakontasunean, materiaz hustu eta mugatik kontatzen den tokian. Gorp(huts)-k barnera igarotzea gauzatzen du, beharrezkoak ez diren geruzez hustu nahi duena, natura, barruko animalia eta espiritualtasuna bateratzen diren barealdi batera iristeko. Gorp(huts) dantzatutako ibilaldia da, ibilbide kantatua, hitz egindako hutsa. Lan ibiltari honetan, eskulturak, musika eta ahotsa modu organikoan elkarrekin bizi dira.
Matxalen Bilbao: Serenity Suite
2022/06/18 19:30 — Bilbo, BBK Aretoa
Pieza onen bitartez Matxalen Bilbao koreografoak adinaren aurreiritzietatik ihes egin nahi du, eta helduaroa goraipatu nahi du burmuina eta gorputza modu harmoniatsuan elkarrekin bizi diren etapa osatu gisa. Hala, Natalia García dantzari gazte eta Matxalen Bilbao dantzari beteranoak interpretatutako duoa da Serenity Suite. Ia hiru hamarkadako aldea dago bien artean, baina belaunaldien arteko distantzia bizitzan oztopo ez dela erakutsi nahi dute. Dantza bezain pertsonala den esparrua partekatuz, asmo handiegirik gabe eta ikuspuntu ludikoa aplikatuz, espazio komuna hartzen dute estereotipoak baztertu eta denbora igarotzeari buruz hitz egiteko. Lan zintzoa da, eta mugimenduan gorputzaren arintasunari, feminitateari, musikalitateari edota kontaktuari buruzko ikerketa egin dute, betiere lasaitasun giroan.
Kimua: Generoa
2022/06/18 18:30 — Markina-Xemein, Frontoi aurrean
GenEroa ikuspegiaren inguruko lanketa, originala bezain berritzailea den dantza ikuskizun eta mediazio parte-hartzaile bidez proposatzen du Kimua Dantza Kolektiboak. Biologia, genetika zein euskal hizkuntzari dagokionean, loturak, kateak... ote ditugun galdetuko dugu genero ikuspegiari dagokionez, barrura begira. Kimua dantza kolektiboko sei dantzarik eta Ekaitz Goikoetxea bertsolari eta idazleak hartuko dute parte ikuskizunean. Hainbat koreografia interpretatuko dituzte eta dantzekin batera, musikek, zuzeneko errezitaldiek, bertsoek, off-eko ahotsek, trantsizioek eta hainbat baliabide materialek osatuko dute kale ikuskizuna.
Dantzaren bidez, gorputzaren mugimenduek gidatuta, hartzen ditugun rolak edo ezartzen dizkigutenak hautemateko parada izango dugu. Benetan askeak bagina, nola mugituko ginateke? Nola dantzatuko genuke? Eta zu, ausartuko zara lehen dantza pausua ematera? Loturak puskatzera? Benetan aske izatera?
Duguna: Trokeo-dantzak
2022/06/18 12:00 — Iruñea, Burguen plaza
Datorren larunbatean, ekainak 18, 12:00etan, Duguna-Iruñeko dantzariak taldeak, eta bere dantzari txiki taldeak, dantzarako agertokia partekatuko dute Iruñeko Burgoen plazan.Trokeo-dantzak emango dituzte.
Harrobi: Geure(r)a
2022/06/19 22:30 — Getxo, Muxikebarriko fatxada
Lezeako zortzikoa
2022/06/23 18:30 — Agurain, Euskal Herria plaza
Jeiki dantza taldeko neskek Lezeako zortzikoa dantzatuko dute San Joan jaien baitan. Aurten Euskal Herria plazan izango da, San Juan plaza obretan baitago.
Korpus-dantzak
2022/06/17 09:00 — Oñati
Korpus eguna erreferentziatzat hartu eta ondoko ostiral, larunbat eta igandean ospatzen dute Korpus jaia Oñatin. 500 urte baino gehiago duen ohitura da hau eta hiru egunez, dantzariek herriko kaleak eta auzoak zeharkatzen dituzte dantzatuz eta diru eskez. Igandea egun handia den arren, hona hemen 3 egunetako egitaraua: Ekainak 17 ostirala Ekainak 18 larunbata Ekainak 19 igandea
Korpus-dantzak
2022/06/18 09:00 — Oñati
Korpus eguna erreferentziatzat hartu eta ondoko ostiral, larunbat eta igandean ospatzen dute Korpus jaia Oñatin. 500 urte baino gehiago duen ohitura da hau eta hiru egunez, dantzariek herriko kaleak eta auzoak zeharkatzen dituzte dantzatuz eta diru eskez. Igandea egun handia den arren, hona hemen 3 egunetako egitaraua: Ekainak 17 ostirala Ekainak 18 larunbata Ekainak 19 igandea
Korpus-dantzak
2022/06/19 09:00 — Oñati
Korpus eguna erreferentziatzat hartu eta ondoko ostiral, larunbat eta igandean ospatzen dute Korpus jaia Oñatin. 500 urte baino gehiago duen ohitura da hau eta hiru egunez, dantzariek herriko kaleak eta auzoak zeharkatzen dituzte dantzatuz eta diru eskez. Igandea egun handia den arren, hona hemen 3 egunetako egitaraua: Ekainak 17 ostirala Ekainak 18 larunbata Ekainak 19 igandea
Guardiako dantzak
2022/06/23 13:00 — Guardia
Hona hemen Guardiako dantza taldeak San Joan jaietan dituen dantza hitzorduak: Ekainak 23, San Joan bezpera Ekainak 24, San Joan eguna
Guardiako dantzak
2022/06/24 11:30 — Guardia
Hona hemen Guardiako dantza taldeak San Joan jaietan dituen dantza hitzorduak: Ekainak 23, San Joan bezpera Ekainak 24, San Joan eguna
Guardiako dantzak
2022/06/29 12:00 — Guardia
Hona hemen Guardiako dantza taldeak San Pedro jaietan dituen dantza hitzorduak: Ekainak 29, San Pedro eguna
L´Explose: La mirada del avestruz
2022/06/18 19:30 — Donostia, Victoria Eugenia
Obra honek indarkeriak Kolonbian utzi dituen aztarnak ditu abiapuntu, eta nola bizilekuz aldatu beharra izan den gatazka armatuaren ondorio nabarienetako bat. Indarkeria-irudiak saihestezinak dira, baina oso urrun daude edozein salaketa literal edo partidistatatik. Kontua zera da, ikustea nola erasotzen zaien gorputzei, nola egiten zaien mehatxu, barne-munduan babesten direla dirudienean, eta ez diotela begiratzen errealitate asaldagarriari. Ostrukak egiten duen bezalaxe, burua lurpean ezkutatzen duenean. Pertsonaia eta gorputz asaldatu eta sustraigabetuok harremanetan jartzen diren espazioa paisaia mortua eta gordina da, lur beltza. Lur erraustua, hilerri bat bezala hedatzen dena eta gorputzei bertan sartzeko gonbita egiten diena, etorkizunerako haziak balira bezala. Pertsonaiek hitz egin nahi dute, hitzen bila dabiltza errealitatea adierazteko, baina isilarazi egiten dituzte. Hitza ezpainetan hiltzen da. Hitzaren aurreko Kaosaren munduan, non hotsak kexuarekin eta amorruaren zarata sorrarekin nahasten baitira. Bakardadearen aurrean, nahiz eta eurak bezalako beste izaki batzuekin egon, pertsonaia hauek irtenbide edo arrazoi baten bila dabiltza, ihes edo garrasi egiten saiatzen dira, baina inork ez du aditzen haien ahotsa. Beste guztia isiltasuna da.
Kimua: Generoa
2022/06/19 18:00 — Gabiria, Kultur Etxea
GenEroa ikuspegiaren inguruko lanketa, originala bezain berritzailea den dantza ikuskizun eta mediazio parte-hartzaile bidez proposatzen du Kimua Dantza Kolektiboak. Biologia, genetika zein euskal hizkuntzari dagokionean, loturak, kateak... ote ditugun galdetuko dugu genero ikuspegiari dagokionez, barrura begira. Kimua dantza kolektiboko sei dantzarik eta Ekaitz Goikoetxea bertsolari eta idazleak hartuko dute parte ikuskizunean. Hainbat koreografia interpretatuko dituzte eta dantzekin batera, musikek, zuzeneko errezitaldiek, bertsoek, off-eko ahotsek, trantsizioek eta hainbat baliabide materialek osatuko dute kale ikuskizuna.
Dantzaren bidez, gorputzaren mugimenduek gidatuta, hartzen ditugun rolak edo ezartzen dizkigutenak hautemateko parada izango dugu. Benetan askeak bagina, nola mugituko ginateke? Nola dantzatuko genuke? Eta zu, ausartuko zara lehen dantza pausua ematera? Loturak puskatzera? Benetan aske izatera?
Daniel Adreu: Nosotrxs
2022/06/17 20:00 — Burlata, Kultur Etxea
Joan den maiatzaren 24tik Faktoria Choreographic Centerreko ikasleekin lau astez landutako sormen-prozesuaren emaitza da emanaldia. Sarrerak 8 € balio du, eta esteka honetan eskura daitezke. Ikuskizunak proposamen koreografiko bat sortu eta taularatzeko Abreurekin lan egin duten La Faktoriako hogei dantzari inguru izanen ditu: Aimar Odriozola, Alessia Stracuzzi, Anastasia Dontsova, Andrea VIllarubias, Ane Zaperain, Eulalie Guerim, Irina Tsymbal, Jeanne Chauchat, Laura Gutierrez, Louise Rents, Manon Jacquelin, Marcia Vazquez, Maxwell Hanic, Olatz Larunbe, Paula Puchalt, Pietro Conti, Raquel Jara, Sarah Humblet, Sergio Navarro, Tiphane Perrin, Valeria Busani. Abreuren hitzetan “gorputzetik eta ikusmenetik egiten dut lan. Obra baten arrazoira egokitzen diren ideiak prozesuak eta emanaldi bakoitzak aurrera egin ahala transkribatzen ditut. Lan hau eraikitzeko arrazoiak komunikazioa eta mezuak dira, betiere zentzu zabalean. Mezu oro interpretatzen eta itzultzen da. Ziur nago trazu bakoitza gure aurpegiaren, gure eskuen eta guk besteak ukitzean edo besteek gu ukitzean sentitzen dugun moduaren araberakoa dela. Aurpegiera bakoitza, aurpegiera bakoitza”. Daniel Abreuren sormen-prozesua sorkuntzako arte-egoitza bat da, eta Innova Culturalen babesa duen LUR Egoitzen programaren parte da. Sorkuntza-prozesu horrek amaiera ematen dio La Faktoriako nazioarteko prestakuntza-programari.
Agintarien esku-dantza
2019/06/23 20:00 — Donostia, Konstituzio plaza
Aurten ere, udal agintariek eta Goizaldi, Arkaitz, Eskola eta Gero Axular dantza taldeetako kide batzuk, Udalaren Txistulari Taldearen laguntzarekin, Agintarien Esku Dantza dantzatuko dute, zuhaitzaren inguruan. Ondoren, zuhaitzari su emango zaio eta, tradizioa betez, nahi dutenek azal zati bat eskuratzeko abagunea izango dute. Ekitaldia bukatzeko, Udalaren Txistulari Taldearen eskutik, Erromeria bat izango da.
Gazteen azeri-dantza
2022/06/23 10:00 — Hernani
Hernaniko San Joan festetan tradizio handiko azeri-dantza egiten dute goizean. San Joan bezperan, gazteen azeri-dantza ateratzen dute. 10:00etan hamabost lagun inguru biltzen dira; esku batekin sokari helduta eta bestearekin maskuria hartuta. Kalez kale ibiltzen dira, eta kalean daudenak jotzen dituzte maskuriarekin. Lagun horiek herriko hainbat bazterretan ezkutatzen dira, eta berriro ere plazan biltzen dira.
Azeri-dantza
2022/06/25 09:00 — Hernani
Hernaniko San Joan festetan tradizio handiko azeri-dantza egiten dute. Goizeko 9:00etan hamabost lagun inguru biltzen dira; esku batekin sokari helduta eta bestearekin maskuria hartuta. Kalez kale ibiltzen dira, eta kalean daudenak jotzen dituzte maskuriarekin. Lagun horiek herriko hainbat bazterretan ezkutatzen dira, eta berriro ere plazan biltzen dira. Ekainaren 25, 26 eta 27an irtetzen dira.
Azeri-dantza
2022/06/27 09:00 — Hernani
Hernaniko San Joan festetan tradizio handiko azeri-dantza egiten dute. Goizeko 9:00etan hamabost lagun inguru biltzen dira; esku batekin sokari helduta eta bestearekin maskuria hartuta. Kalez kale ibiltzen dira, eta kalean daudenak jotzen dituzte maskuriarekin. Lagun horiek herriko hainbat bazterretan ezkutatzen dira, eta berriro ere plazan biltzen dira. Ekainaren 25, 26 eta 27an irtetzen dira.
Azeri-dantza
2022/06/26 09:00 — Hernani
Hernaniko San Joan festetan tradizio handiko azeri-dantza egiten dute. Goizeko 9:00etan hamabost lagun inguru biltzen dira; esku batekin sokari helduta eta bestearekin maskuria hartuta. Kalez kale ibiltzen dira, eta kalean daudenak jotzen dituzte maskuriarekin. Lagun horiek herriko hainbat bazterretan ezkutatzen dira, eta berriro ere plazan biltzen dira. Ekainaren 25, 26 eta 27an irtetzen dira.
Soka-dantza
2022/06/23 19:30 — Iruñea, Santa Ana plazan
San Juan bezperako soka-dantza Iruñeko Duguna dantza taldeak emana. Arratsaldeko 19:30ean 23an, Santa Ana plazan.
Zortzikoa
2022/06/24 13:30 — Uharte-Arakil
San Joan egunez dantzatzen da Uharte Arakilen zortzikoa. XX. mende hasieran utzi zitzaion, eta 1989an berreskuratu zuen herritar talde batek, Joxemari Betelu buru zutela.
San Juanen kantaita
2022/06/23 20:30 — Urdiain
San Juan bezperan kantatzen eta dantzatzen dute San Juan Kantaita Urdiainen herriko neska gazteek. Bazkalostean elkartu, eta azken ensaioak egin ondoren, jantzi eta 19:30etako kanpai hotsekin batera San Juango ermitara abiatzen dira, bertan, meza ostean dantzatu eta kantatzeko.
Kresala: Sorozabalen suitea
2022/06/24 19:30 — Donostia, Viktoria Eugenia
Ekainaren 24an Victoria Eugenia Antzokian Pablo Sorozabali omenezko zikloa eskainiko da, eta Kresala Dantza Taldeak lau obra birsortu eta antzeztuko ditu bertan. Pablo Sorozabal konpositore donostiarraren jaiotzaren 125. urteurrenaren harira Donostia Musikak antolatu duen Pablo Sorozabalen omenez zikloko kontzertuan Sorozabalen txistu eta abesbatzarako ia obra osoaz gozatu ahal izango da. Udal Txistulari Taldeak parte hartuko du eta zuzendariak egingo ditu aurkezle lanak. Gainera, Donostiako Kresala Dantza Taldeak lau obra birsortu eta antzeztuko ditu, eta Doneztebeko eta Astigarragako abesbatzek ere bertan parte hartuko dute.
Soka-dantza
2022/06/23 22:00 — Errenteria, Herriko Enparantza
San Joan kantaita eta jarraian Ereintza Dantza Taldeko kideek, Errenteriako Udala osatzen duten udalbatzako ordezkari batzuekin batera, San Juan bezperako soka-dantza egingo dute Herriko Enparantzan 22:00etan.
Soka-dantza
2022/06/23 20:00 — Antzuola, Herriko Plaza
Urtero lez, Udako solstizioa ospatuz Herriko plazan zuhaitza jaso eta haren inguruan soka-dantza egingo da.
Zortzikoa
2022/06/23 20:30 — Arbizu, San Juan ermita
Herriko kintoek, hau da, aurten 18 urte bete dituztenek dantzatzen dute soka-dantza edo zortzikoa Arbizuko San Juan Ermitan.
Aurreskua
2022/06/23 22:30 — Pasai Antxo, Zumardia
San Joan suaren inguruan aurreskua egingo du Pasai Antxoko Alkartasuna euskal dantza taldeak.
Aurreskua
2022/06/23 20:00 — Trintxerpe, Gudarien plaza
llunbe Musika Elkarteak Gudarien plazan antolatu du aurreskua; 20:00etatik aurrera, zuhaitz inguruan arituko da Illunbe Dantza taldea, txistularien musikak lagunduta.
Barkoxeko maskaradak
2022/06/25 11:30 — Bilbo
Barkoxeko maskaradak Bilbon. Goizean barrikadak egingo dituzte eta arratsaldean ofizioak Plaza Berrian 17:00etan.
Soka-dantza
2022/06/23 21:30 — Abaltzisketa
21:30ean sua pizten da eta ondoren San Joan zortzikoa eta soka-dantza egingo dute herriko gazteek.
Ezpata-dantza eta mutil-dantzak
2022/06/23 20:30 — Arizkun
San Juan jaiak ospatzen dira Arizkunen eta mutil-dantzak dantzatzeko aukera dago. Hona hemen San Juan jaietako egitaraua: Ekainak 23, osteguna Ekainak 24, ostirala Ekainak 25, larunbata Ekainak 26, igandea
San Joan esku-dantza
2022/06/23 22:00 — Beasain
Ekainaren 23an, San Juan bezperan, San Joan esku-dantza egingo dute Beasaingo Aurtzaka eta Ostadar dantza taldeko gaztetxoek.
Soka-dantza
2022/06/23 20:15 — Andoain, Goikoplaza
Alkatea eta udalbatzaren soka-dantza Goikoplazan.
Axeri-dantza eta soka-dantza
2022/06/24 12:00 — Andoain, Goikoplaza
Ekainaren 24an, San Joan egunean dantzatzen da axeri-dantza Andoain-en. Dantza eta jokoa uztartzen ditu axeri-dantzak. Hainbat zati ditu axeri-dantzak: paseoa, aitarena, axeri-dantza, orratzarena, illentiarena, perra jartzea eta dorrea besteak beste. Ondoren, soka-dantza egiten dute axeri-dantzariek.
Aurreskua eta San Juan Kantaita
2022/06/23 21:30 — Hernani
San Juan sua, herritarren aurreskua eta San Joan kantaita eskeiniko dira.
Soka-dantza
2022/06/23 22:00 — Lezo
22:00etan, helduentzako ekitaldian dantzariek “helduen soka-dantza” egin ostean, sua piztuko da. Bukatzeko eta behin sua piztuta, San Joaneko Zortzikoa fandangoa eta arin-arina dantzatuko dira.
Sorgin-dantza
2022/06/23 21:00 — Soraluze
Sorgin-dantza Soraluzeko herritarrek eskainia udako solstizioari hasiera emateko jaian.
Soka-dantza
2022/06/23 21:30 — Lasarte-Oria
Sua piztu aurretik, emanaldia egingo dute Erketz EDT, Alboka abesbatza eta Zero Sette Akordeoi Orkestrak. Andatza plazan izango da festa, eta dantzariak Kale Nagusitik abiatuko dira bertara, udaletxe zahar paretik.
Isats-dantza
2022/06/23 22:00 — Itsaso
Gaueko 22:00etan kanpaiak joko dituzte, sua pizteko deia zabalduko da hauekin, eta ondoren, ordu erdi beranduago sua piztuko da plazan, Sorgin Dantzarekin San Joan bezperako festa alaituz.
Bordon-dantza eta soka-dantza
2022/06/24 10:00 — Tolosa
Tolosan, San Juan egunean bordon-dantza eta soka-dantza eskainiko dute herriko bordon-dantzariek. 10:00: Meza Nagusia Andre Maria parrokian. Santa Maria Musika Kaperak parte hartuko du. Ondoren, prozesioa. Bertan parte hartuko dute Udalbatzak, kofradiek, Bordon-dantzariek eta erraldoiek; aldi berean, elkarteetako eskope- 16:40: Udalbatza, Tolosako Udal Musika Banda, txistulari, bordon-dantzari eta eskopetariak Plaza Zaharretik abiatuko dira, Andre Maria eliza nagusiko bezperetara joateko. Ondoren, Arrameleko San Joan kaperan izango diren arrats otoitzetan parte hartuko dute. Elizkizuna amaitzean, Udalbatza, bordon-datzariak, txistulariak, Udal Musika Banda eta eskopetarien konpainiak Trianguloan bilduko dira, bertan Udalbatzak Esku-aldatzeko soinua eskainiko du, eta azken deskargak egingo dira. Ondoren, Udalbatza Zumardiaundira joango da eta ohiturazko Aurreskua dantzatuko da bertan.
tariek ordenantzetako salbak botako dituzte betiko tokietan. Elizkizunak amaitu ondoren, eskopetari konpainiak Euskal Herria plazan bilduko dira berriro, bertan azken deskargak egiteko
Aurreskua
2019/06/24 11:30 — Urretxu
11:00etan meza egingo dute. Ohiturari jarraituz, loreak bedeinkatuko dituzte. Elizkizunean bertsolariek eta Lurra taldeko dantzariek parte hartuko dute. Ondoren, dantzariek aurreskua dantzatuko dute agintariei ongi etorria emateko.
San Joan Aurreskua
2022/06/24 23:30 — Eibar, Untzaga plaza
Ekainaren 24an, San Juan egunean soka-dantza Eibarko Kezka dantza taldearen eskutik.
Mutil-dantzak
2022/06/24 12:00 — Arizkun
San Juan jaiak ospatzen dira Arizkunen eta mutil-dantzak dantzatzeko aukera dago. Hona hemen San Juan jaietako egitaraua: Ekainak 23, osteguna Ekainak 24, ostirala Ekainak 25, larunbata Ekainak 26, igandea
Mutil-dantzak
2022/06/26 21:00 — Arizkun
San Juan jaiak ospatzen dira Arizkunen eta mutil-dantzak dantzatzeko aukera dago. Hona hemen San Juan jaietako egitaraua: Ekainak 23, osteguna Ekainak 24, ostirala Ekainak 25, larunbata Ekainak 26, igandea
Mutil-dantzak
2022/06/25 21:00 — Arizkun
San Juan jaiak ospatzen dira Arizkunen eta mutil-dantzak dantzatzeko aukera dago. Hona hemen San Juan jaietako egitaraua: Ekainak 23, osteguna Ekainak 24, ostirala Ekainak 25, larunbata Ekainak 26, igandea
San Joan Batailatzailearen Paloteadoa
2022/06/24 20:30 — Tutera, Perrinche parkea
San Joan Batailatzailearen dantza taldeak Paloteadoa eskeiniko du Lurdesko auzoko San Juan jaietan. Hona hemen jaietako programa eta dantza hitzorduak: Ekainak 24, ostirala Ekainak 25, larunbata
San Joan Batailatzailearen Paloteadoa
2022/06/25 19:30 — Tutera, Perrinche parkea
San Joan Batailatzailearen dantza taldeak Paloteadoa eskeiniko du Lurdesko auzoko San Juan jaietan. Hona hemen jaietako programa eta dantza hitzorduak: Ekainak 24, ostirala Ekainak 25, larunbata
Dokumentuaren akzioak