Dokumentuaren akzioak
Albisteak
Dantza sustatzeko Eusko Jaurlaritzaren dirulaguntzak
Maiatzaren 16ko datarekin azaldu da Euskal Herriko Agintaritzaren Aldizkarian Dantza sustatzeko dirulaguntzetarako 2002ko deia egiten duen Agindua. Sorkuntza koreografikoa, dantza-lanen ekoizpena eta bira artistikoetarako laguntzak eska daitezke.
Dance-en berpizkundea
Harrigarria da azken urteotan zein berpizkunde izan duten Nafarroako Erriberako "paloteados"ak edo "dance"ak. Kultura tradizionalaren erakusgarri horiek Nafarroatik hegoaldera, Aragoa eta Gaztelan soka luzeko tradizioak dira, eta berpizkunde urteak dituzte han ere. Aurten, Guadalajarako herri txiki batean, La Yuntan, berpiztuko dute "dance"a eta nahikoa da horren ezaugarri eta argazkiari erreparatzea Nafarroako Erriberakoekin duten lotura estuaz ohartzeko.
Euskadiko XXII. Gipuzkoar Aurresku Txapelketa
Dagoeneko atera dira aurtengo Euskadiko Gipuzkoar Aurresku Txapelketan parte hartzeko oinarriak. Euskal Herriko udaletxeetara bidaltzen ari gara, Gipuzkoako EDBren egoitzan ere badaude. Mezu honen bukaeran ere irakurri ahal izango dituzue. Saiatuko gara hurrengo egunotan oinarrien inprimakia PDF formatoan Interneten jartzen, parte hartu edo informazioa jaso nahi duenentzat lana errazteko asmoz.
Jalgi Hadi Dantzarat, Erromeria Eguna Bergaran
Erromeria Eguna antolatu du larunbaterako Bergaran Euskal Dantzarien Biltzarrak. Bergarakoa izango da lehen edizioa, eta hemendik aurrera bi urtetik bi urtera egiteko asmoa dago, hurrengoa, 2004an Abadiñon seguru asko.
Doinu eta Dantza 7. zenbakia
Hemen dago Gasteizko Folklore Eskola-ren Doinu eta Dantza boletinaren 7. zenbakia, maiatzari dagokiona. Hona hemen edukiak:
Kulunka Munduari Bira
Dantzaren Nazioarteko Egunaren inguruko hamaika ekitaldien zerrenda bidali nuenean Getxoko Xaramel taldearen "Kulunka Munduari Bira" ikuskizuna aipatu genuen. Xaramel taldeko kide batek talde eta ikuskizun horri buruzko informazio osoagoa bidali digu. Hona hemen kontatzen digutena:
"Bidaiari" Dansa Valencian
Ballet Biarritz-en Bidaiari eszenatoki berezia Valencian izango da datozen egunotan "Dansa Valencia"-ko Escena Movil izeneko programan. Bidaiari edozein tokitara eraman daitekeen eszenatokia da eta antzokirik ez dagoen lekuan dantza baldintza onetan ikusteko aukera eskaintzen du.
Damian Muñoz Elgoibarren
Damian Muñoz Danza-k "Las Mentiras del entusiasmo" aurkeztuko du datorren maiatzaren 10ean, 22.15etan, Elgoibarko "Herriko Antzokian".
Hondarribiako IV Euskadiko Doinu Zahar Txapelketa
Hondarribiako Hondartza Kiroldegian 300 ikusleen laguntzaz ospatu txapelketan, Donostiako Eskola Dantza Taldeko Miren Illarretak lortu zuen garaipena estreinekoz. 26 urtetako dantzari honek, irabazlearen trofeoa Hondarribiako Kultur zinegotzia den Aitor Kerejetaren eskutik hartu zuen. Euskal Dantzarien Biltzarreko lehendakaria den Xabier Mendizabalek irabazlaren Makila eman ziolarik.
Ermuko Euskal Jaia
Datorren asteburuan Ermuan egingo den Euskal Jaiaren berri ematera nator. Dantza mailan ez da beste munduko ezer eskeiniko, hori bai giroa, batez ere domeka arrastikoa, benetan jatorra izateko gogoa dugu. Horretara beraz guztiok zaudete gonbidatuak. Egitaraua jarraian datorrena da, eta besterik gabe asteburu hona izan.
Dokumentuaren akzioak
