Dokumentuaren akzioak
Albisteak
Leitzako ingurutxoari buruzko ikastaroa Iruñean
Datorren ekainaren 26an, Leitzako ingurutxoaren inguruko ikastaroa eskainiko da Iruñean, Euskal Dantzarien Biltzarrak antolatuta eta Nafarroako EDBren laguntzarekin.
Urrunetik ametsetan, Ertza konpainiaren estreinaldia Dferian
Asier Zabaletak zuzentzen duen konpainiak ikuskizun berria estrainatuko du ekainaren 24an, Donostian, Lugaritz-en, Dferia azokaren baitan. Urrunetik ametsetan du izena ikuskizunak eta Brasilgo eta Euskal Herriko dantzarien ikuspuntuak elkartzen dira bertan.
Uruguai eta Argentinako euskal dantzarien topaketa Paranan
Urrundik euskal elkarteak antolatuta, euskal dantzen nazioarteko ekitaldi bat ospatu da Argentinan, Entre Rios probintziako hiriburuan ekainaren 5ean eta 6an. Uruguai eta Argentinako dantza talde bana elkartu dira bertan eta Euskal Herritik kanpo euskal dantzak lantzen dituzten bi taldek beren esperientziak, dantzak eta ilusioak konpartitu dituzte.
Dantza aste bat Arbonan
Euskal Herritik kanpoko dantzazaleei zuzendua da bereziki, baina bertako dantzazaleek ere izan dezakete plazera aukera honetan. Aniez Perez-ek "Dantza aste bat Euskal Herrian" programa prestatu du datorren uztailarek 5etik 9ra Arbonan. Dantzak ikasi eta lantzeko egonaldi bat.
Mutxiko dantza taldeak azken mutxiko ekitaldia egingo du AEBtara abiatu aurretik
Mutxiko Dantza taldea egunak kontatzen ari da jada, Estatu Batuetara egingo duten bidaiarako. Baina joan aurretik, denboraldiko azken Mutxikoak ospatuko dituzte Hendaiako merkatuan, Ekainak 27-an 11:30 etan.
Dantza Abandoibarran: Lekuz Leku 2010 Bilbon
Hiru egunetan, ekainak 24, 25 eta 26an, 19:00tik aurrera dantza eta jende ibiltaria aurkituko dira Abando Ibarran. Helburua: dantza garaikidearen hizkuntza aniztasuna publiko guztietara doan hurbiltzea, eta koreografia lana hiri guneetan sakontzea. Horretarako Lekuz Leku 6. Edizioan nazioko eta nazioarteko dantzarien proposamenak aurkezten ditu gune bakoitzekrako sorketa espezifikoekin.
Gure Dantzak 2010 Noainen
Ardantzeta dantza taldeak eta Euskal Dantzarien Biltzarrak antolatuta, Gure Dantzak jaialdia ospatuko da Noainen igandean, ekainaren 20ean. Adineko dantzarien eta dantzari-ohien taldeek parte hartzen dute Gure Dantzak jaialdian.
Lapurdiko Jauzien ikastaroa Errenterian
Claude Iruretagoiena dantzariaren eta koreografoaren eskutik. Uztailaren 12,13 eta 14a bitartean, Errenterian
Dantzariei Zugarramurdirako gonbitea: Gipuzkoako Dantza Zahar-Berriak
Kaixo dantzari lagunak: Datorren larunbateko Zugarramurdiko Dantzaldiaren kariaz, zuengana jotzen dugu berriro, laguntza eske, zuek ezagutzen dituzuen beste dantza-talde edo taldeetan ez dauden dantzariengana karta hau helarazteko.
Euskal dantza balioan: euskal dantza ikasketen inguruko gogoeta
Euskal dantza balioan izenburupean dantza ikasketen inguruko gogoeta jardunaldia antolatu du Gipuzkoako Foru Aldundiko Kultura sailak. Datorren ekainaren 21ean, Donostiako Koldo Mitxelena Kulturunean burutuko da eta saio irekia izango da, dantza tradizionalaren transmisioa intereseko gai duten guztientzat irekia.
Dokumentuaren akzioak
