Dokumentuaren akzioak
Albisteak
Hiroaki Umeda Bilboko Alhondigan
Cool, minimalista, high-tech, hip hop…. Umedak dantzarekin "antzerki totala" egin du, bere argazkilari begiradarekin kontrolatutakoa. Koreografia, dantza, eta argiztaketa, soinua eta irudia ordenagailu bidez kontrolatuta, ikuskizun berezia sortu du Umedak. Urriak 8, Bilboko Alhondigan.
Inauterien joan-etorria aztergai Herri Musikaren jardunaldietan
Azaroaren 27an eta 28an burutuko dira Oiartzunen 9. Herri Musikaren jardunaldiak. Aurten inauteriak izango dira aztergai bertan. Inauterien ospakizun zaharrak, berriki berreskuratutakoak, hutsetik sortutakoak e.a. Igandean Beskoitzeko inauteria iritsiko da Oiartzunera.
Dantzen grabazioan parte hartzera gonbidatu ditu dantzariak Oskorrik
Oskorrik bere proiektu berria dela eta, Erreboluzio Frantsesean galdutako Dantza Zahar Birsortuen ingurukoa, DVD grabazio bat egingo du eta grabazio ekitaldi horietan parte hartzera gonbidatu ditu dantzariak. Gasteizen, Bilbon, Donostian, Iruñean eta Baionan egingo dira grabazioak, urrian eta azaroan.
Dantza kodeak: dantza garaikidea ikasgai EHUn
Gorputza sormenaren oinarri gisa eta koreografia sorkuntzaren analisia jorratzen ditu "Dantza kodeak" ikastaroak. Euskal Herriko Unbertsitatean, Leioako kanpusean eskaintzen da ikastaroa, 150 orduko karga izaten du, eta maiatza bitartean irauten du Idoia Zabaletaren zuzendaritzapean. Urriaren 8an da izena emateko azken eguna.
Sorkuntza erraminten tailerra Idoia Zabaletarekin
Hamalauzanko elkarteak antolatuta sorkuntza tresnen inguruko tailerra eskainiko du Idoia Zabaleta dantzari eta sortzaileak Donostian datorren urriaren 23an eta 24an. Arte eszenikoetan interesa duten guztientzat dago zuzenduta ikastaroa.
Raddhouane el-Meddeb-n ikastaro trinkoa
Bi eguneko kurtsoa emango du urrian Muelle 3-n Raddhouane el-Meddeb koreografo franko-tunisiarrak. Barne sentimenduen inguruko inprobisazio ariketetan oinarritutako lan tematiko proposatuko du Radhouane El Meddeb-ek.
"Dantzaria naiz / Soy bailarin" Verdini Dantza Taldearen lan berria
Verdini Danza Taldea, Donostiako psikodantza konpainiak eta Donostiako Udalaren Hiritarraren Domina (2008) saridunak, bere zazpigarren ikuskizuna aurkezten du, "Dantzaria naiz / Soy bailarin" izenburua duena.
"Hegoak Ebakirik" antzerki-dantza lana Banda Bat elkartearen eskutik
Aintzane Revuelta Ortega zuzendari eta dantzariak sortutako antzerki eta dantza ikuskizuna estreinatuko da urriaren 8an Donostian, Urgull-eko Guardetxean. Frida Kahlo pertsonaiaren bizitzan oinarritzen da Banda Bat elkarteak ekoiztutako lana.
Muelle 3 martxan
Urriak 4an muelle 3, Dantza eta Sorkuntza Garaikiderako Espazioaren aktibitateak hasten dira. Dantza Garaikidea, Dantza Teatro Teknikak, Sorkuntza eta Konposizioa Laborategia eta Yoga Iyengarreko klase erregularrak eskeiniko dira Muelle 3-n.
Koreologia eta eszena ekoizpen ikastaroak antolatu ditu ADDEk
Euskal Herriko Dantza Profesionalen Elkarteak (ADDE) bi ikastaro antolatu ditu urria eta azarorako. Koreologia ikastaroa eskainiko du Eva Recachak eta "eszena ekoizpen" ikastaroa eskainiko du Pio Ortiz de Pinedok.
Dokumentuaren akzioak
