Dokumentuaren akzioak
Albisteak
Blanca Li Bilboko Gau Zurian
Datorren ekainaren 18an, "Gau Zuria" ospatuko da Bilbon 700 Fundazioak antolatuta. Iragarritako ekitaldien artean Blanca Li koreografo ezagunak gidatuta "Dantzatu nirekin" ekitaldia burutuko da Guggenheim museoan.
Dantza Abandoibarran: Lekuz leku 2011 Bilbon
Hiru egunetan, ekainak 23, 24 eta 25ean, 19:00tik aurrera dantza eta jende ibiltaria aurkituko dira Abando Ibarran. Helburua: dantza garaikidearen hizkuntza aniztasuna publiko guztietara doan hurbiltzea, eta koreografia lana hiri guneetan sakontzea. Horretarako Lekuz Leku 7. edizioan bertako eta nazioarteko dantzarien proposamenak aurkezten ditu gune bakoitzerako sorketa espezifikoekin.
Aiko taldearen Dantzazale eguna Durangon
"Dantzaldi Ibiltaria" egitarauaren amaierako Aiko taldearen festa handi honek, bi agerleku izango ditu aurten: Landako azoka bata, non dantza tradizionalak eta bazkari herrikoia izango diren eta Plateruena Kafe Antzokia bestea, jai amaierako gunea eta honenbestez, Aikoren ikasturte honetako tailerren amaiera izango dena.
Alurr taldea Ibarran, Tolosan eta Anoetan ariko da
Ekainaren 18an eta 19an izango dira emanaldiak.
Itxartu Taldearen 35. urteurrena
Bihar, ekainaren 11an, larunbata, Algortako Itxartu Taldekoak beste ITXARTU EGUN berri bat antolatu dugu, seigarrena jadanik. Aurten, gainera, Itxartu-ren 35. urteurrena dugu (1976tik ari gara kultura egiten eta zabaltzen) eta egun berezi honi bukaera emateko EGAN taldearekin erromeria izango dugu 19:30etatik aurrera.
Lesakako Tantirumairuk 30 urte
Lesakako Tantirumairu euskal folklore taldeak 30 urte betetzen ditu aurten. Hori ospatzeko bazkaria eta dantzaldia antolatu ditu taldeak ekainaren 18rako. Hogeita hamar urte horietan zehar Tantirumairun parte izan den jendea elkartzea espero da.
Jean Michel Guilcherri omenaldia egingo zaio Uztaritzen
Iparraldeko inauteri ohiturak Unescoren ondare izendapena jasotzeko ekimena abian jarri da. Horren inguruan zenbait ekitaldi antolatu dituzte Uztaritzen ekainaren 18rako, eta tartean, Jean Michel Guilcher ikertzaile frantziarrari omenaldia egingo zaio.
Durangaldeko ezpata-dantzari eguna Garain
Aurtengo Durangaldeko ezpata-dantzari eguna uztailaren 9an, larunbatean, ospatuko da Garain. Egun horretan Durangaldeko herri ezberdinetako dantzariak elkartuko dira Dantzari-dantza eta erregelak dantzatzeko. Horrela, 1967 urtetik hartutako ohiturari segida emango zaio.
Nor dabil dantzan? 2
Euskal Herriko Dantza Profesionalen Elkarteak, ADDE-k, topaketa profesional bat antolatu du datorren ekainaren 21erako: "Nor dabil dantzan? 2". Egun horretan ekimen ezberdinak aurkeztuko dituzte zenbait dantzari eta koreografok. Horien artean daude Idoia Zabaleta, Alicia Gomez, Mikel Aristegi, Alaitz Arenzana, Maria Ibarretxe, Izaskun Santamaria eta Jorge Lastra.
Boiseko euskaldunen musika eta kantak
Mende terdiko historia dauka euskal diasporak Boisen, Idahon. Bertako euskaldunak artzain lanetan aritu izan dira batez ere, baina musika eta dantza beraiekin izan dituzte beti. 1949an Boisen ospatu zen euskal musika jaialdiaren doinuak eta ondoko urteetan bertako hainbat musikarik grabatutakoak goza daitezke honako bi diska hauetan.
Dokumentuaren akzioak