Dokumentuaren akzioak
Albisteak
Joseba Altube da Euskal Dantzarien Biltzarraren lehendakari berria
Pasa den maiatzaren 4an, Euskal Dantzarien Biltzarrak lehendakari berria hautatu du. Joseba Altube barakaldotarrak hartu du Xabier Mendizabal donostiarraren lekukoa. Araba, Gipuzkoa, Iparralde, Bizkaia eta Nafarroako dantzarien biltzarreko ordezkaritzak bilduta egin da EDBren presidente berria hautatzeko batzarra eta Joseba Altuberen hautagaitzak aldeko lau bozka eta abstentzio bat jaso ditu.
Bixente Amunarriz Azkarraga (1920, Donostia—1966, Donostia), dantzari onena
1936.eko gerra garaian gazte ziren dantzari eta dantzazale guztiei entzuna nien maiz: "Bixente Amunarriz bezalako dantzaririk ez da ezagutu". Etxean, aitonarengandik hasita, gurasoak, izeba-osabak, denak bat zetozen horretan. Galdezka ibili izan naiz garai hartako dantzarien artean eta denek kontu berbera errepikatu didate. Hura dantzan ikustea atsegin handia zen, batzuetan ez sinistekoa. Ematen zuen bazekiela hegan egiten. Harrigarriena, ez omen zuela horretarako itxura fisikorik aproposena: txikia eta potxoloa zelako. Hala ere, dantzan ikusita, horrelako besterik ez zegoela sinistuta geratzen omen ziren denak.
Nafarroa, Araba eta Gipuzkoako dantzak Galdakaon Udaberriko jaialdian
Udaberriko jaialdia antolatu du Galdakaon Andra Mari dantza taldeak. Euskal Herriko dantza talde desberdinek parte hartuko dute zenbait asteburutan emanaldiak eskainiz. Fustiñanako Barde Ribera dantza taldea, Gasteizko Indarra Euskal Kultur Elkartea, eta Elgoibarko Haritz dantzari taldeak izango dira maiatza eta ekaina bitartean Galdakaon dantza emanaldiak eskaintzen.
Sortutakoak 4, dantza garaikidea eta tradizionalean deialdi berriak irekita
Dantzaguneak, Sortutakoak egoitza artistikoen laugarren deialdia kaleratu du. Bata, dantza garaikidean, eta bestea, dantza tradizionalean. Eskaerak aurkezteko epea, maiatzaren 31an amaitzen da.
Santos Tapia Bastarrika (1929, Tolosa), dantzari baten gorabeherak
Aita, Klaudio, aurreskularia zuen eta berarengatik hasi zen dantzan zaletzen Apaizetxetik (Donostiako Miraconchan, Bergaran eta Saturraranen ikastetxeetan) itzuli zenean, hamasei urtez. Lagunekin Plazan ikasi zuen dantza sueltoan egiten eta aurreskulari Blas Lasa maisuarekin.
Ezpata-dantzan "Gora ta gora Euzkadi" abestearren kuartelera
Felipe Martitegi Iturrioz (Muxika, 1919). Bilbon zegoela, karneta bertan utzita, domeka batean Zugastietako erromeriara joan zen. "Txikito" aritzen zen ezpata-dantza erakusten jendearekin "Gora ta gora Euzkadi" abesten. Baina, egun hartan, "Txikito" uhaleria (korreaje) bikoitzarekin eta bi pistolarekin ikusi zuen. Hurrengo egunean, Gernikako Guardia Zibilen kuartelera joateko agindu zion "Gora ta gora Euzkadi" abestearren, berak irakatsia izan arren.
Dantza Sariak jaso dituzte Ion Agirretxek eta Elvira Ubiernak
Gipuzkoako Dantza Profesionalen elkarteak errebelazioa saria eman dio Ion Agirretxeri eta dedikazio saria Elvira Ubiernari. Euskadi Irratian, Amaurana irratsaioan elkarrizketatu dute Agirretxe eta ETBn ere erreportajea egin dute saria dela eta.
Dantzargazkia 001: Maskaradak Sohütan 1934an
Argazki zaharrei begira ibiltzeko gonbidapena da honako atal berri hau. Dantza argazki zaharrak hartu, eta haietan aurkitzen ditugun kontu bitxi, harrigarri eta sorpresak denon artean komentatzea. Hasteko, Zuberoako maskaradetako argazki batekin hasiko gara. Sohütan egindako argazkia da, 1934an, eta badauzka hainbat kontu bitxi, bai horixe!
Bizkaiko Dantzari Egunak bigarren ahalegina egingo du Ugaon
Iaz, eguraldi txarraren ondorioz, ezin izan zen aurreikusitako moduan ospatu Bizkaiko Dantzari Eguna Ugaon, eta aurten berriz bertan egingo dute Bizkaiko Dantzarien Biltzarreko taldeen festa. Maiatzaren 19an izango da Bizkaiko Dantzari Eguna, eta 100 talde inguru bildu ohi dira ekitaldi honetan.
Itziarko V. Erromeria Eguna maiatzaren 4an ospatuko da
Urteroko ohiturari jarraituz, Andutz Itziarko Kultur Taldeak egitarau bete-betea prestatu du euskal erromeriazaleentzat. Itziarko V. Erromeria Eguna datorren maiatzaren 4an izango da. Andutz Kultur Taldeak antolatuta; bosgarren edizioa izango du Erromeria Egunak eta aurreko urteetan izandako arrakasta ikusita, ekimenez beteriko eguna antolatu dute itziartarrek.
Dokumentuaren akzioak
