Dokumentuaren akzioak
Agenda
Kor'sia; Giselle
Noiz: 2021/05/07 19:00Non: Gasteiz, Printzipal Antzokia
Giselle 1841ean estreinatu zen, Parisen, eta ballet erromantikoaren ikur nagusia bihurtu zen. Gaur egun ere, inozentziaren galeraren, barkamenaren, gorputza eta arima ematera daraman maitasun ero eta neurrigabearen erakusgarri gorenetako bat izaten jarraitzen du. Giselle benetako maitasuna da, iragazkirik gabea. Gaur egun ba al da benetako maitasuna lortzerik? Maitasuna bera maitasun-forma posible askoren adierazpentzat jotzen duen gizarte batean, nola mintzo daiteke maitasuna garaikidetasunarekin? Giselle lanari erreparatzean (pertsonaiaren ideiari batez ere), Kor’sia konpainiak galdera benetan zail horri erantzun nahi dio funtsean. Hamaika dantzarik eta Adolphe Adam-en musika originalak osatuko dute Giselleren ispiluen jokoa, dualtasunen jokoa.
La Intrusa: Prusik
Noiz: 2021/05/08 19:00Non: Donostia, Gazteszena
Prusik, heltzeko eta blokeatzeko soka-korapilo baten izena da. Presioa askatzen den ezaugarriarekin marruskatzeko soka-lotura bat da. Salbazio-soka-korapilo bat. Prusik korapiloaren metafora erabiliko dugu pertsona elkarte baten unibertsoa irudikatzeko. Parametro berrien bila, erbesteratzen dira Gizatasun berri baten proposamenarekin. Gauza berbera ez eraikitzeko eta gure adoretik zerbait berria sortzeko, loturei, desioari, aske izateko irrikari, izatearen jatorrizko izaerari, norberaren biluztasunari, emozioari, lanari, familiari, planetari dagokienez, patuaren inozentzia berreskuratzeko, berriro bakean jolasteko eta gizakiaren banaketa heldu baino lehenagoko identitatea, berriz aurkitzeko. Edena hartu eta Paradisua berreskuratzea premiazkoa eta beharrezkoa da.
Kukai: Hnuy illa
Noiz: 2021/05/08 19:00Non: Basauri, Social Antzokia
Joseba Sarrionandiak 1995. urtean euskal literaturan mugarri izan den poema liburua argitaratu zuen: Hnuy illa nyha majah yahoo. Bertan, 1985 eta 1995. urteen artean idatzitako olerkiak biltzen ditu. 25. urteurrena baliatuta liburuaren eta ikuskizunaren berrargitalpen bat ondu du Kukai Dantzak. Iturri horretatik edan du Sarrionaindiaren liburutik aukeratutako poesiatan oinarritutako dantza ikuskizuna sortzeko. Hnuy illa Kukai Dantzak egindako lehenetariko lanaren errebisio gaurkotu bat da. Musika arloan, Sarrionaindiaren poesia musika bihurtzen maisu izan da Mikel Laboa. Eta Laboarekin batera, haren kide banezina: Iñaki Salvador. Haien musika izango da ikuskizunaren soinu bandaren oinarria, Ruper Ordorika eta Maria Berasarte bezalako kolaborazioak bilduta.
Nikola + YOUth
Noiz: 2021/05/08 19:00Non: Iruñea, Baluarte Auditorioa
Atalak sareak bi koreografia-piezaz osatutako programa aurkezten du: Nikola, Carmen Larraz eta YOUth, Wubkje Kuindersma. Arte zuzendaritza: Adriana Pous YOUth, ingeleseko hitz-jokoa, “zu” izenordaina “gazteria” hitzarekin lotzen duena; Wubkje Kuindersmak Dantzaz-eko egonaldian sortu zuen pieza, eta Holandako Korzok koproduzitu zuen. Wubkje-k honako hau pentsatzera gonbidatzen gaitu: "Denborak aurrera egin ahala, dena alda daiteke, baina gure barruan beti irauten du izan garena". *DNA 2021 jaialdiaren barruan
Dantzariak: Andrea Aguado, Araitz Lasa, Alicia Cayrou, Maddi Gaztelumendi, Marina Eskisabel, Laura Gomez, Aitor Jimenez, Beñat Urrutia, Julen Rodriguez, Xian MartinezNikola – Carmen Larraz (30')
YOUth – Wubkje Kuindersma (25')
Ekoizpena: Dantzaz/Korzo (Holanda)
Koreografia: Wubkje Kuindersma
Jantziak: Wubkje Kuindersma y Nahia Salaberria
Musika: Henry Purcell, Bob Gaudio, Max Richter, Balanescu Quartet, Johann Paul von Westhoff, Elvis Presley y G.B. De Curtis & E. de Curtis
Argitazpen diseinua: Wubkje Kuindersma y Alberto Arizaga
Daniel Abreu, Dacil Gonzelez eta Arnau Perez: Desde la ternura
Noiz: 2021/05/08 19:00Non: Iruñea, Nafarroako Unibertsitatea
Bi emanaldi izango dira: 19:00etan eta 21:00etan. Daniel Abreu koreografo eta dantzariak La Ternura lanean oinarritutako lan berria aurkeztuko du, Ortiz-Echagüeren argazkia, Nafarroako Unibertsitatea Museoaren bildumakoa. Dácil González eta Arnau Pérezekin batera, samurtasuna dantzarekin entretenituko da. Afektuzko eta errespetuzko ekintzak, magia eta mistizismoa dantza-urratsetan.
Estitxu Arroyo: La memoria de la carne
Noiz: 2021/05/09 20:00Non: Berriozar, Auditorioa
Estitxu Arroyo Sanchezek zahartzeak eta gorputzaren, inprobisazioaren eta esperimentazioaren bidez, ezagutza hori zerbait poetikora eta gorputzen berezitasunak eta edertasuna ospatzekora eramateak berekin dakarren esperientzia aztertzeko egindako egonaldiaren emaitzaren erakustaldia. 104 urteko amona eta ama azterketa- eta inspirazio-iturri bizi ditu. Era berean, bera hazi zen eta erroak dituen Nafarroako hegoaldeko lurraren, zuhaitzen eta natura idor, gordin eta ederraren memoriaren gainean ikertzen jarraituko du. Gorputza ekosistema bizi moduan ulertua eta bere konexioa nekazaritzarekin, zikloak, ur-bilatzaileen ahalmena, eta landa bizibide izan duten gizon-emakumeen bizimoduaren arrasto zuhurra. Bertan, gorputza bitartekoa eta tresna da jarduera eta bizipen guztietarako. Gonbidapenak Ribaforadako kultura-etxean har daitezke, astelehenetik ostiralera, 15:00etatik 21:00etara, edo kultura-etxera telefonoz deituta (948 819266). Pertsona bakoitzak bi gonbidapen baino ezin izango ditu hartu. Erakustaldia agertokitik ikusiko da (aulkiak kokatu dira bertan), eta, beraz, 30 laguneko edukiera mugatua izango da.
Dokumentuaren akzioak
